ظلمني شيخ قلبي

الشخصيات (جنة) ..

#الكاتبة _جنات _الموسوي
شافوا
صورتك
بعيوني من بعيد
عرفوا بس إلك
مخلوقة نضراتي🥺🤷🏻‍♀️...

السلام عليكم🗝️...

عبير: هاي شلون بيها ناوية تفضحنة بين العربان ولج العالم لتمو جوة وانتي مطمورة خايبة كومي شمالج هذا كلة نوم ماتشبعين

جنة:ماتكليلي شمالج من الصبح اكو واحد هيج يكعد وتعاي اكلج روحي كعدي زهيرة شو كادرة بس علية

زهراء: هسة هي تكعدج الج اني شكو تحطيني بالنص وداعت حبوبتي ماكوم الا هي تكوم

عبير: اكلجن بلعباس اذا ماكمتو ثنينكم اذب عليجن السطل مال مي المسح كومن

جنة:عمي كمت والله كمت هو اني من هسة ماتفائلة بهل يوم لان انتي كعدتيني وصبحت بوجهج وبعدين من مجهزة سطل المسح ماتبدين تمسحين لو متانيتني اشرف على شغلج

عبير: اكلج لا تخليني اهفج بالماسحة ع حلكج ولي من كدامي خليني اكعد هاي المطمورة الثانية.....

هلو شلونكم بربكم اكو واحد هيج يكعد من الصبح😭
راح اعرفكم عن نفسي وعن حياتي وعن كلشي بين ماتروح ست عبير تكعد زهراء نستغل الفرصة 😂😂✌🏻 اول شي اني اسمي جنة عمري ١٨ من العمارة اني يتيمة الام والاب عندي بس اخت وحدة مزوحة وعدها ثنين جهال وعايشة بغداد امي وابوية توفو من زمان من جان عمري سنة ماتو بحادث جانو رايحين للبصرة لكرابتنة وبطريق الرجعة ماتو كلشي ماذكر منهم عمامي اخذونة واحنة صغار عمامي شيوخ ومعروفين والعمارة كلها تعرفهم عدهم املاك وكيعان وفلوس سد عين الشمس حتى احنة جنة حيل ميسورين الحال ولان احنة بس بنات اني واختي عمامي اخذونة اختي جان عمرها ١٥ واني سنة بقينة يم عمي محمد هو الجبير اني عندي سبع عمام (محمد وخالد و سالم ويوسف وعبدالله وشهم وحسين الصغير وشاكر ابوية) عمي محمد هو الي لازم الشيوخية جدي سلمها الة لان تعب منها وهو رجال جبير خوالي همة نفسهم بيت عمومتي لان امي تصير بت عم ابوي وهي بالاصل يتيمة وجان مالها احد وحبت ابوي وحبها وزوجو لذلك ماجان عدنة خوال عشنة وية بيت عمي كلش خوش عيشة اصلا جنت مااعرف اهلي لذلك تعودت عليهم وحسبتهم احساب همة اهلي من بدينة نكبر اني واختي عمامي كلهم التمو وجدي كال اني اريد بنات عمكم شاكر مايروحون منا ومنا اريدهم يمي لذلك كل واحد من ولدكم يأخذ وحدة عمامي وافقو وكالو نلم لحمنة ليش يأخذة الغريب المهم عمي سالم كال جوري اخذها لبني حسام جان عمي محمد كال اني جنة ماتطلع من بيتي تبقى يمي واريدها لبني علي طبعا اني واختي جنة الاشخاص الضعفاء والساكتين وبعد جدي مالنة حجاية اختي وافقت بحسام واني جنت طفلة ومحد كلي اصلا المهم من صارت جوري ١٨ سنة زوجت حسام وحسام جان موضف وشغلة ببغداد اخذها وعاشو هناك اني بقيت وحدي بديت اكبر وصار عمري ١١ سنة جنت مااحس بالوحدة بالعكس متعودة عليهم عمي محمد جان عندة  ٥بنات ب ٧ ولد لان هو مزوج ثنين وحدة عمتي الي ربتني وحدة جابت ٢ بنات و٣ ولد وماتت الجبير بيهم هو شيخ علي عمرة ٣١ الي ستلم الشيوخية بعد جدي وعمي والي هو اني مكتوبة بأسمة ومحجوزة الة وبعد عندة (حسن ٣٠ و رعد ٢٩ ويعقوب ٢٥ وزيدون ٢٠ وسراج ٢٢ ومهيب ٢٧) رعد ومهيب وحسن مزوجين وكل واحد عندة ثنين جهال والبنات (مريم وماسة) هذني مزوجات وعدهن جهال (وعبير ونور وزهراء) هذني مامزوجات طبعا هذني خواتي واكثر بعد اموت عليهن روحي من الدنيا اما مرة عمي الي هي فاتن شيخة فاتن هاي الروح مالتي ابد ماقصرت وياي احبها كلش المهم احجيلكم عن شكلي اني صاحبة عيون وساع ورموش طويلة عيوني سود حادة مثل عيون البدويات بشرتي حنطاوي وخشمي مرتب ع وجهي حلكي صغير وعندي بس غمازة وحدة بخذي وعندي هواي شام بوجهي شعري طويل واسود بس كيرلي بس بنعومة وطولي زين مرتب وزني ٥٤ يعني هم مرتب اني طالبة سادس ادبي وزهراء بت عمي وياي هم سادس من جان عمري ١٠ سنوات جان شيخ علي ابد مايقبل العب وية الجهال ولولد حجبني من وكت بس دائماً عصبي علية احسة كلش يضوج مني واني هم اضوج منة كلش مدري ليش من اشوفة اطكطك من الخوف وشرد من صار عمري ١٥ هو زوح بت عمي خالد اسمها اسماء ويكولون عن حب اخذها طبعاً اني جنت ادري اني محجوزة الة بس احسها مثل الجذبة يعني بس كدام العالم بس من اكبر ويتقدمولي غير ناس عادي يقبلون اهلي هيج جان اعتقادي بس ماجنت ادري القدر الة رئي ثاني اسماء جانت حيل مسلطة واكرها جانت ماخذة دور مرة الشيخ وكل ماتشوفني تذب حجاية تغثني متقصدة جنت لا بستها وهي الحد الان مصاير عدها اطفال وشيخ علي مبين يحبها الكل بالبيت يصيحولة شيخ علي فارض شخصيتة والكل يطكطك منة بس هو كلش مكروه بالنسبة الي ومااطيقة يعني حتى من نكعد ونسولف وهو يجي اني اكوم مدري ليش اضوج كلش منة ...

حبايبي اذا تعجبكم القصة لاتنسون الايك والتعليق الحلو مثل وجهكم الحلوة احبكم ورود جنات🌼🌼🌼🌿

#الكاتبة _ جنات _ الموسوي