عشق ارض جو / الكاتبة منال منولة

ماض وذكريات لاترحم

·

·
♨️♨️ ارض جو فخر كان فالبيرو ... حاط قائمة الجنود الى باش يخرجو للميسيون لجديدة .لازم يختارهم مليح كان يفرز فيهم وعقلو مع فدوى الى البارح كانت حردانة لحد الان مايعرفش علاش هي هكاا وعلى كل حاجة تصر عليهااا رح يجي يوم وطيح روحها في مشكل كبير بزاف . شوية حتى الباب انفتح ودخل ادم تحياتي سيدي
فخر طلع راسو . الحمدلله على سلامتكم
ادم .. الله يسلمك .. راني دخلت الفرقة نتاعي وسمعت بلي خارجين لبلاصة اخرى
فخر تنهد هيه .. رايحين ل***
ادم معليش تحط اسمي معاهم نحب نخرج معاهم
فخر ياولدي رح تقتل روحك فالخدمة اقعد ريح على طايح على روحك هكا
ادم نحب خدمتي ونحب نعمر الوقت
فخر ناض .. فات عام كامل وانت داير في روحك هكااا وقتاه تنسى
ادم اول ماتفكر اك الموضوع حس بعروق جسمو كامل تزيرت .. نهار نلقى هذاك الي وصلني لهاذ الحالة ونحط رصاصة في راسو
فخر شعال من مرة نقلك بلي الانتقام مارحش يريحك ولايريحهااا
ادم زير على سنانو كون غير مت انا ولاهي حاجة ماغاضتنيش كيما تشطرو على امراة ضعيفة عندو حاجة معايااا كون جا وقتتلني انا
Flash back ..
توجد في روحها قدام المرايا .. وحاطة بزاف كسوة فوق السرير .. تبدل وتعاود وزعفانة لانو سمنت وكسوتها كامل كبرت عليهاااا ..
ادم قاعد موراهااا ستنى فيها ... هياا عمري ساعة ونتي تبدلي
اصالة .. بففف حاجة ماهيش تجيني
ادم ياعمري .. نتي كل حاجة تجي عليك .. تقول ربي خلقك هكا كاملة مكلمة
اصالة قلب شفايفها وشافت فيه ... خلاص نروح بهاذي
ادم جبدها ليه .. تعرفي كي تقلبي شفايفك هكااا تشعليني كثر
اصالة تبسمت وحطت شفايفها على شفافو .. وهو حكمها وقعد يتفنن فيهااا وهي غارقة فيه وفي ضلوعو هبط يديه للمنطقة الحساسة وبقا يطلع ويهبط يثير فيهااا وهي عاضة على شفايفهاا عاجبها الحال .بالزربة دورهااا ودخل يدو لصدرهاااا وبقا يعبز في صدرها الي تقول عليه حبات تفاح .. . شوية وفاقت على روحهااا تحكي وتتواه .. ادم رح نبطاو
ادم جبد روحو عليهاااا بلعقل .. ومغمض عينيه .. واش رايك نبقاو لهناا .ونديرو فيها بارطي
اصالة باستو من خدو .وشافت فالملعم كان واقف . امشي بطينا بزاف ..
يتمشاو فالمول .. حاطين يديهم بيدين بعض .. من بوتيك لخوه .. هو صح يكره الشوبينغ بصح علاجالهااا يقبل بكلش .. هي كي الفراشة هذا عجبها وهاذي عجبتهاااا ..
ادم ياعمري ماتعبتيش ..
اصالة جعت بزاف .. وزيد نحب نروح لهاذيك الجهة
ادم صحا ياعمري .. روحي وانا هاني نقراعلك فالكافيتيريا هاذيك

ا ♨️♨️ اصالة اوكي .. ياعمري .. راحت وهي تخف وهو يراقب فيها من بعيدي .. هي صح سمنت شوية زراهي تالكل بزاف زعماا ماهيش .. اصلا الفكرة خلاتو يفرح.. دخل للكفيتيريااا حتى سمع حاجة كبيرة طرطقت .. والناس يعيطو .. خرج يجري ويشوف فالدخان يطلع والدم في كل بلاصة .. ماقدرش يتحرك حس روحو تشل .. طاح على ركابيه وبقى يعيط ..
رجع للحاضر .. وهو مزير على البونية نتاعو ..
فخر ياولدي هذا مكتوب وانت مؤمن مادير هكا
ادم نرجعو لsujet تاعنااا دير اسمي
فخر رجع قعد .. مارح ندير اسمك وخطيني ماتكنش نتا فدوى علياااا
ادم دار يديه في جنابو وينها الحاجة الي ماتحبش تفهمها
فخر روح ضرك نحكو ممبعد ..رجع قعد حتى بدا التلفون يفيبري .. استغرب بزاف كانت نعمة هي الي تعيط .. شاف في ادم ورفد ..
نعمة تحكي يهستيرية .. فخر صرى تفجير ارهابي فالمول وفدوى راهي لتم وراني نعيط ماهيش تريبوندي عليااا
ففخر ناض ودار لادم هيااا معياااا .. غير بلعقل واحكيلي وش صرى
نعمة قتلك فدوى راحت للمول ليوم الصباح وبعدها صرى تفجير ارهابي .. فخر عيشك جيبلي بنتي نحب بنتي ضرك قدامي
ادم واش كاين ..
فخر خلاص .. كالمي روحك .. ضرك نشوف وش صرى
نعمة مالصباح راني نعيط .. ماهيش تجاوب ..
فخر خاااااالاص .. عيط عليهاااا ..ضرك نروح مع les jeunes نشوف واش كاين كوبي ضرك واشربي حبة تاع مهدئ
ادم واش كاين قولي ..
فخر امشي معييااااا .. ضرك تفهم كلشي ..فد التلفون .. عيط للسبيطار .. وي سلام .. راه صرى هجوم ونظن كاين بزاف جرحى .. رح نمدلكم الادراس ابعثو سيارات الاسعاف والدعم لتم .. نحبتكم تلتهو برك بالجرحى الي فم .. كوبا خرج فخر للساحة .. وين كانو الجنود .. وبقا يعطيلهم فالاوامر ..
فcentre comerciel الحالة كانت مقلوبة .. ناس تحوس على ولادهاا .. لخرين ملهيك طايحين الخلعة ومادرت فيهم .. سيارات الاسعاف بداو يوصلو ينقلو فالجرحى .. لابوليس ملهيك يحوسو على الضحايا .. في كل بلاصة .. حتى السكان وقعدو يعاونو فيهم ..
بالنسبة لفدوى .. ركبتها مجروحة . الانفجار كي صرى .. كانت هابطة من الدرج .. قوة الدفعة خلاتهااا طيح .. انجرحت من ركبتهااا واكيد صرالها رض صغير في رجلها ..مع هذاك كامل الا انها كانت تدور وتعاون فالمسعفين ..
. شفات من بعيد طفل صغير يبكي وعندو جرح صغير في راسو راحت قعدت قدامو جبدت علبة الاسعافات بقات تضمدلو فيه ولتخليه ينسى شوية .. بدات تدغدغ فيه .. كانت الامو نتاعو غايبة .. كانت خايفة عليه بزاف ... خلاص ياعمري .. هاهو غير جرح صغير .. كملتلو بقات تعرج .. تحوس على اي واحد تعاونو ..