عشق ارض جو / الكاتبة منال منولة

كل شئ من اجل الحلم والحب

·
الحلقة 37♨️♨️ حسام كان واقف مع الرجال يحكو على الخددمة ..يشوف واش ناقصهم .. حتى جاه ابو سعيد .. وهمسلو بحاجات .. راح هو وياه . وصلو لوحد الدار ...شاف هاك وهاك قبل لايبلع الباب ..
ابو سعيد شعل الضو .. وهاهي سلعتنااا
حسام ضحك .. راك ليه ليه مراكش تضيع
ابو سعيد .. تفضل ذوق ومدلي رايك .. ولعلمك هاذي خرجت ليكم نتوما برك
حسام بصباعو الصغير قطع ساشي وذاق تبان حاجة مليحة
ابو سعيد .. مش تبان راني قتلك حاجة ليكم برك كي عدتو لكليون تاوعنااا
حسام جبد التلفون .. وقعد يخرب .. هاني حولتك 4000 دولار هاذي الدفعة لاولى كي نوصل بالسلامة ونعرف بلي لطريق امان نزيد نبعث
ابو سعيد خمس معاه .. وبالنسبة للتفجيرات رح نحكي مع حيان هو راه عندو دودة فراسو
حسام مكانش مشكل ..
ابو سعيد بالبركة علينا وبالربح نشاء الله ..
خرجو مع بعض .. شوية وابو سعيد وقف عند وحد الدار .. هاذي ضيافتنا ليك الليلة .. بنت فيارج غير ليك نتااا
حسام حك لحيتو وهو يشوف فالطفلة .. واش نقلك نتوما اهل الكرم
ابو سعيد .. ليلة سعيدة .. حسام دخل لهاذيك الدار .. لطفلة كانت تبان صغيرة بزاف .. مش من النوع نتاعو .. مسح وجهو وقعد قابلهااا شعل سيجار وقعد .. ماسمع غير العياط .. طفاه وناض .. يالرب كي لواحد يحب يقضي افار يجوه كامل لربروبلام شارجا السلاح وخرج ..
عند فدوى الحالة مكانتش تعجب .. الكل كان في حالة رعب كبير .. حنان كانت حاطلتها الكابوس عند راسهاا وتجر فيهااا ... خرجتها لبرى وين كانو الرجال قاعدين ..
فدوى حنان واش راكي ديري اطلقيني
حنان .. بلعي فمك .. اخرجي برا . امشي لانطرطقلك راسك ..
فدوى كانت حاسة روحها مكوانسية .. ماعرفت كي دير .. هي الي حصلت روحهاا ..
حنان بقات تيري على النسااا وتقتل فيهم وشادة فدوى باليد لخرى .. فدوى خلاص ماعادش فيهااا وتضربها للكرش بيدها ودور ليها ضربتها بونية طيحتهااا .. وطاحت عليها تتعافر معاهاا .. وتحاول تنحيلها الكابوس ..كانو متعافرين حتى حنان حكماتو وتيرات على فدوى في كتفهااا .. اما الرصاصة والجرح ماهموهاش كانت تتعافر معاهااا حتى لقات حجرة حكمتها وضربتها بيها للراس .. جابتها كاو ..
شوية حتى لحق العسكر .. سركلو كامل البلاصة ..
مازن قرب منهاااا .. فدوى ذراعك
فدوى مش مهم .. عيطولو للاسعاف كاين ناس بزاف ميتين لداخل

الحلقة 38♨️♨️ مازن صحا خلاص ارواحي نتي .. نشوفلك الجرح
فدوى شكون قالكم راني لهنااا وواش راه صاري
مازن فخر عيط وقالناااا روحو وين راهي فدوى اكيد حاجة رح تصرالهااا
Flash back
فخر قعد سهران يخدم .. وحد القضية هبلتو بزاف .. كان يطلع ويهبط وزيد المكتوب الي لقاه .. خلاه يبقى سهران يخمم كيفاه يدير .. شوية حتى التلفون صونااا .. نحا النواظر وشاف الاكرون .. رياض الهاشمي استغرب بزاف
فخر .. وي
رياض .. سيدي سامحني قلقتك فنص ليل
فخر .. لالا اهدر وش كاين
رياض سيدي انا كنت كونجي على جال يما راهي مريضة وقراف وحبيتك تزيدلي ايام
فخر مش راك فالميسيون ولاراني غالط
رياض ياسيدي انا من 10 ايام خرجت كونجي ..
فخر كوبا وقعد .. وبقا يتفكر .. والله غير هي .. فدوى اكيد هي .. لبس الفاست نتاعو وخرج يجري .. هو اصلا كان شاك بصح .. ماحبش يصدق الحدس نتاعو ..
نهاية الفلاش باك ..
فدوى جات تحكي حتا حنان ناضت تحوس على الكابوس تكمل مهمتهااا
مازن .. بلاكي
فدوى غمضت عينيها ماتسمع غير رصاصةى .. حلتهم لقات حنان ميتة وحسام واقف ورافد كابوس .. شافت فيه هذا نت ..وحست عينيها ثقال بزاف وطاحت تغاشات ..
مصطفى كان راقد وحط روان قدامو .. ويمسحلها على شعرهاااا .. ودقق في ملامحها البريئة .. وخطرة على خطرة يرمي عينو على نهى الى كانت حاطة يدها على خدها وتشوف فيهم ..
مصطفى .. واش عاجبك لحال هكااا ..كليتي روحك لاترقد معانا
نهى .. نعرفك مشاغب نكون نحكي معاك نلقى روحي تحتك
مصطفى هصحااا .. نتي اصلا يعجبك الحال تولي غير زيد زيد يحكي ويرقق في صوتو
نهى احشم طفلة راهي لهنااا
مصطفى .. اصبري كي نحكمك بين يديا تشوفي وش ندير فيك
نهى .. مصطفى صح رح دير على ماما وتزوج اه
مصطفى .. ضحك نتي مقودة .. وش ندير بالنسا كامل تاع الدنياا ونتي عندي بصح اذا قعدتي هكاا والله نديرلهاا لانحرق قلبك
نهى ضرباتو للكتف .. تفو والله لاتحشم
مصطفى اطرطق بالضحك ... ماحس غير بالتلفون يفيبري بحذااهااا .. شكون هذااا ..اول مرفد كان فخر .. وي بابا .. كيفاش .. صحا راني جاي
نهى واش كاينن .. واش صرى
مصطفى ..فدوى .. فدوى ضربوها الارهاب بالرصاص .. لبس حوايجو وخرج يجري .. ونهى دارت يدها على خدهااا ..ياربي ويسمع مصطفى بيااا يطلقني للمرة الزواجة اخخخ يافدوى تجيبي لهدرة لروحك ..