عشق ارض جو / الكاتبة منال منولة

مستقبل مجهول

·
الحلقة 42♨️♨️ كيما كان الحال .. فدوى لقات روحها مجبورة تقبل بقرار فخر ..هي صح غلطت بصح هو الي جبرهااا دير هكاك .. كانت تخمل في صوالحها وتخمم فالمستقبل المجهول الي يستنى فيها .. نهى هي لوحيدة لي كانت فاهمتهااا .. وعارفة انهااا مجروحة كون خدمتها تعنيلها كلشي .على هاك حبت تشوفها وطيبلها خاطرها . طبطبت ودخلت .. نقدر ندخل
فدوى شافت من جيهتها من وقتاه تطبطبي طول عمرك تزدمي برك
نهى انا قلت تربيتي يالق****
فدوى ضحكت مكانش لي طيحني اناا مزال واقففين
نهى هيه حكيلي واش صرى .. لحد الان مافهمت منك حتى حاجة
فدوى كل شئ كان ماشي عادي .. روحت للحنة وكان الحالة عادية وفجاة العرس انقلب واخت العرروسة جبدت سلاح ولات تقتل فالناس
نهى دارت يدها على وجهااا ..
فدوى ماحسيتش وولاعرفت منين جاتني la force عافرتها وحتى كي قرصت عليا وماحسيتش الا ورفدت حجرة وضربتها للراس
نهى وممبعد
فدوى مع كامل الي صرى ناضت وحبت تقتلني مرة اخرة كون ماشي هذاك سلكني
نهى طلعت حاجبها شكون هو
فدوى واحد كل مرة نتلاقا بيه ونقول بلي صدفة برك والله ماعرفت
نهى شدتلها يديها ... يعجبك
فدوى ماش حكاية اعجاب .. السيد يبان عندو حاجة هكاا ومانعرف ونحس ديما عندي فضول نعرفهاا
نهى نتي ماكيش محققة نتي طبيبة فهمتي واي حركة اخرى عمي فخر رح يزعف عليك ماكثر
فدوى حكيلي نتي وش درتي
نهى غدوة عيد ميلاد القطة نتاعي
فدوى يا غدوة طيارتي على 7 تاع العشية
نهى مالا خلينا نقدموه شوية
فدوى حبوبتي كبرت بلخف هههه غير لبارح زادت ..
نهى راكي تشوفي .. لمهم نخليك تكملي صوالحك صحااا
فدوى روحي ضرك نلحق عليك يكون بابا دخل يرقد وليت كيف الجن كي يشوفني يروح
نهى اوكي .. نستناك ..
حسام كان يستف في امورو باه يسافر لايطاليا .. عندو صفقة مع مافيا ايطالية .. كي ذاقو السلعة تاع المرة الي فاتت حبو يزيدو كثر منهااا .. وعلى هذاك حيان كان عاقد اجتماع ليهم مع ابو فياض .. اما مش حابب يزيد يتعامل مع ابو سعيد لانو رجع يغشو وحسام جن وسمو انو واحد يتمسخر بيه ويغشو
حيان .. حابك تقنعهم يديرو كامل الصفقات نتعهم معانا
حسام راني نخمم نفتحو laboratoire تعنا لوحدنا .. ابو سعيد المرة الي فاتت دارلي جاست عيان بزاف
حيان وين بصح ماتنساش داخلين على تجارة السلاح تاني
ابو فياض بعد شهر كاين تجمع لاشهر تجار سلاح وريزارفيت لتم نحب نجيب des pièces
حسام غير خطيك .. سلعتهم هاربة كامل
ابو فياض .. ضحك راني حاب نجرب الجديد كرهنا من الشنوا نجيبو من الروس من المانياا يعني
حسام خلينيا مع لغبرة ..انا مانحبش نجيب سلعة ويتقلشو عليا فيها نحب انا نصنع بيدي

الحلقة 43♨️♨️ ابو فياض اول مرة نوافقك ... شعلونااا فالدراهم على هذاك اذا درنا بزنيس تعنااا لوحدنا والدراهم الي يفيضون بعثوهم للاخوة لفوق
حيان كي شغل نسيتو كامل التفجيرات والدعوة اليى السراط لمستقيم
حسام كي نرجع عندنا قعدة اخرى عليها هاذي
حيان لحد الان مزال ماعرفتش جوابك على موضوع الزواج .. عندنا سلعة ثقيلة نحب نفوتها كرهنا من الفتات نحب هبرة كبيرة
حسام خليلي وقت تاني .. راني خاطر طي نرجع نمدلك كامل الخطوط العريضة
ابو فياض .. حتى انا راني رايح لبراا
حيان كيفاه .. تنساش راك روشارشي وتنساش بلي نتا كيف حسم بالظبط
ابو فياض ضحك .. وعلاه راني ندور fake identité ودايرني اسمي ابو فياض وعمري 40 سنة
حسام انا نخليكم تفاهمو .. نحب نمخمخ قبل لانروح لكاش بلاصة
حيان روح ..
خرج حسام وبقا يتفكر في هدرة حيان'حابب هبرة كبيرة ' على ظهري .. على ظهر حسام .. مسح وجهو كي نرجع ندير حسابي مليح معاك ..
نعمة كانت فالمدرسة نتعهااا .. تحاول تشغل في روحها بالخدمة .. ماش مصدقة انو بنتهااا الي رباتها وسهرت عليهااا ..رح تروح وتبعد عليهااا ..مش كفاية ابنها الي ماشبعتش منو وكبدتها انحرقت عليه كانت مشغلة روحها مع لبنات .. اما حاطة على عينهاا رحاب .. بنية خلوقة وزينونة .. عاجبتها بزاف ..
رحاب كملت القاطو نتعهاا وقعدت تحط فالروتوش ..
نعمة قربت منهااا .. مشاء الله هايل
رحاب .. صح عجبك
نعمة والله من وقت طويل .. جامي شفت وحدة يدها خفيفة هكا وطيابها يهبل كيفك
رحاب حشمت وحطت راسهاا .. والله هاذي شهادة كبيرة ليااا
نعمة تعرفي عيد ميلاد حفيدتي غدوة واش رايك نتي تصنعي لقاطو فالحق عجبتني خدمتك بزاف
رحاب صحا مكانش مشكل .. نصنعو نجيبهولك
نعمة حقا راكي معروضة حتا نتي للعيد الميلاد
رحاب قلبت شفايفها والله كان بودي بصح خويا الكبير مايحبش ..
نعمة اذا كان هكا جيبيه معاك ماشي مشكل .. اصلا رح نديرو الحفلة فالدار ماتخافيش
رحاب رح نحكي معاه ونقلو
نعمة طلعت حاجبهااا وبقات تشوف فيهااا .. (هاذي تنفع لادم المهبول هذاك ) ..
جات العشية .. تلمو كامل على طابلة العشااا ..اما مكانش عينهم لاللماكلة ولاحتى حاجة .. فدوى كانت تاكل وتشوف بلاصة ابوها مزالها فارغة .. كملت تاكل حتى جاز قعد معاهم ..
فخر سلام عليكم ياجماعة لخير
نعمة .. اقعد نحطلك