عشق ارض جو / الكاتبة منال منولة

النهاية

·
الحلقة 102💔💔 24 ساعة فاتت .. لمطالب كانت واضحة .. قصدي مطالب حيان .. كان حابب شحن تاع سلاح ومخذرات تفوت .. كان طالب مبلغ مالي كبير .. مكانش كاين وقت للصدمة والبكااا واللوم على لخرين .. كان وقت الخدمة ..
كل واحد من خوات فدوى كان مستنفر .. والشئ حسسهم بالعجز انو اذا اي واحد كونتكات الابوليس .. كان قادر يقتلهااا .. ايه يقتلهاااا ..هو خلاها بكري كي كانت لحمة حمرة وصغيرة يعني رح يرحمها ضرك .. مع كل دقيقة تفوت الامل كان ينقطع كثر وكثر .. مكانش كاين وقت كبير ..
حسام واقف فالجنينة مع رجالو .. يخبر فيهم على التعليمات .. اما عقلو يدي ويجيب لازم بااي طريق يسلكها ويخرجها من الي هي فيه ..حب حياتو ضاع منو .. رح يدير شئ حتى لوكان يدير حلف مع الشيطان .. ااماا الي قتلو كيفاش كامل لوقت اذاياا ماحسش بيهااا .. تصرفاتهاا .. كلش كان يدل على انها تودع فيه .. كانت ديما تقولو نحبك .. ويصرى مايصرى اعرف بلي حسام لفدوى .. وفدوى لحسام .. واذا مكاتبلناش ربي نكونو مع بعض لهنااا .. رح ندير مجهودي لنلقاك لتم ..
ادم كان يغلي منو ..راح ليه وجبدو تقدر تفهمني واش هاذومااا
حسام رجال .. ماكش تشوف
ادم مش وقت المافيااا تاعك .. خطينا اصصلا كلشي صرا بسبتك
حسام غمض عينيه وزير على سنانو .. ادم مش وقتك مش وقتك مرتي راهي فالدونجي
ادم وختي انااا راهي بين يدين المهبول هذاك فهمتني
حسام عطا اخر التعليمات لرجالو ودخل للداخل وين كان مصطفى يحاول يدبر كيفاش يدخلو السلعة ببلا مايشلقو بيهم ..
ادم .. واش قدرت تعرف كاش حاجة
مصطفى ماقدرتش .. ماقدرتش .. تخيل حاط جواسيس في السونتر تاع لابوليس اي حركة رح يعرف
حسام مسح وجهو .. شوية ولحقو ميساج .. راني دبرت الدراهم "ابو فياض ..
ادم شاف فيه واش كاين ..
حسام دبرت الدراهم .. ضرك بقالنااا غير السلعة كيفاش تدخل
ادم عينيه توسعو من نيتكم نتوما الزوج .. حابين ادخلوها .. هبلتو يالز***
مصطفى مش وقت القانون والقوانين .. فدوى راني نقلك راهي بين يديه ..
ادم قعد ودار راسو بين يديه ..اكيد مارحش يعطيهالنا بالساهل ..رح يلعب معانا كيما موالف
حسام ضرب الطابلة برجلو قلبهاا .. والله غير نطرطقلو راسو .. راه خرب فياااا ..
نعمة كانت تحب تحل الموضوع بطريقتها الخاصة .. من وقت طويل وهي ساكتة .. سكتت لين ولادها كامل باش يضيعو منهااا .. خرجت وهي عازمة على الشر .. وصلت للادراس .. كانت دار صغيرة في الجبل .. اكيد يكون لتماك اكيد .متخبي لتم ضحكت على روحها واكن يقلها نديروها للاولاد يفوتو فيها وقت شباب .. . جبدت المفتاح من تحت التابي ودخلت ..
كان قاعد قدام الشميني .. اول ماحس بالباب تلفت ليهااا .. نعمة
نعمة قربت حطت ساكها ونحات المونتو .. جيتك لتلاقي حل بنتي رح تضيع
فخر .. سمعت فالاخبار ..
نعمة ضرباتو للصدر وكي سمعت ..علاش قاعد هكاا...علاش مارحتش ليه ورجعت بنتك منو احكي
فخر شدلها يديها لوكان نلقاه نخنقو بيدي
نعمة .. بقات دور .. انا ماجيتش باه نعاتبك ولا حتى حاجة .. جيت نقلك دير مزية فيناااا وسلك بنتك فهمتني ..
فخر بقا يسمعلهااا
نعمة سنين وانااا ساكتة عليك وعلى خدمتك .. اما خلاص تعبت .. وبنتي راهي فاللعب
فخر عيط عليها وبنتي انا تاني ..
نعمة رح تتفاهم معاه بطريقتك .. اصلا الاشكال الي كيفكم يقدرو يتفاهم مليح
فخر .. هبط راسو
نعمة .. مذابيك خطرة في حياتك دير حاجة تنفع .. راك دمرتنااا وحرقتنااا ...لناس كامل ولات تقرف منا كيف ماضرك انا راني قرفانة منك .. رفدت ساكها وجات خارجة