عشق ارض جو / الكاتبة منال منولة

لقد انهار عالمي

·
الحلقة 83💔💔 في نفس الليلة ..
مصطفى هبط يجري .. ونهى تلحق فيه وتعيط .اكيد سمعهااا وهي تحكي .. اما لازها تفهمو وش الي صرى بالتحديد . اما هو ماشي سامع بيها ..حاسس النار تشعل فيه .. يعني مرتو الي تبات كل يوم بحذذاه .. خرجت تجسس عليهم ..
نهى لحقت عليه .. مصطفى اسمعني
مصطفى دار ليها وعينيه يقدحو بالنار .. واش تقولي واش تقولي
نهى اسمعني .. ممبعد احكم
مصطفى .. احكي ربك ..احكي
نهى .. ماعرفتش كيفاش تبدااا ... مصطفى الحكاية ماشي كيم ارك تخمم
مصطفى خليني نا نفهم روحي .. كنتي تكذبي علياااا .. وتبعثي في خباري للاستخبارت ..
نهى والله والو ..
مصطفى عيط عليهااا مالا كيفاه ... احكي
نهى .. رح نحكيلك .. في مرة كنت سهرانة مع صحباتي فالفاك .. وقاعدين عادي اما وحدة فيهم كانت رافدة حشيش معاهاا.. طاحو علينااا ورحت انا فالجرة ..
مصطفى يسمع فيها ومش مصدق
نهى .. كانو رايحين يحكموني بعامين حبس لولا المحقق الي تم .. قالي نتي بنت عم مصفى فخر .. وحكينا قالي راو فخر يخدم فالتهريب ويخدم مع الاخوة لفوق .. منا ومنااا نحبك تجسسي عليهم
مصطفى ..تيسما الطبيب تاع الي قلتيلي عليه كذب فالكذب
نهى هبطت راسها ايه
مصطفى .. وش لقيتي نتاجرو فالدروق
نهى كرهت منو ومن التسلط نتاعو لايحب يحكي ولاحتى حاجة .. مصطفى راني قتلك عمري فخر مش انتى .. انا صح مع الاول كنت حاسبة هكاك اما خرجت حكاية اخرى ..
مصطفى ولايعيط .. اولا ربك بابا شريف وعمرو لادار حاجة كيم اراكي تحكي ..ثانيا رح ترفدي قشك وتقودي من حياتي .. وحق الكذب الي كذبتيه عليااا غير تشتاقي تصويرة بنتك
نهى عينيها توسعو .. لالا مارحش نسمحلك فهمتني .. هاذيك بنتي ونتا راجلي ومارحش نفرط فيكم بذنب انا مادرتوش ..
مصطفى قرب ممنهااا وشدها من رقبتهاااا ... تتحاديني نتي .. نمحيك من فوق الارض .. قودي برا من حياتي ..فهمتي برا من حياتي .. ولطفلة غير نسايهااا .. خبطها على الحيط وخرج يغلي .. رايح يقرب من نعمة حتى التلفون بدا ياكل في بعضاه ..كان حسام
مصطفى رفد عليه .. واش كاين حسام
حسام .. خف اخلط على فدوى .. عيطتلي وهي تبكي قاتلي الطموبيل رح تنقلب بيا
مصطفى ضرب جبهتو كيفاه
حسا يالز*** ماشي وقت choque خف ز** روحك
مصطفى صحا صحااا .. حكم التلفون يعيط للاسعاف ولابوليس .. واش هاذي ليلة ياربي .. كان يجري كيما لمهبول ..
ادم كان رافد الكابوس وحاطو على راس ابو فياض .. اليوم رح يخلص حقها وحق بزاف ناس منو .. الوجع الي عاشو والبكااا الي بكاه .. البيرو الي كان يبات فيه ليالي يحوس على الي قتلها وحرق قلبو ..
ادم يضحك .. اليوم رح يديك عزرائيل راك موجد واش تقول لربي كي يسقسيك علاش قتلت الناس هاذوك
ابو فياض قاعد يشوف فيه .. عاجز على لهدرة ..
ادم بقا يضرب فيه بالكابوس .. احكي علاش ساكت ... علاش ساكت .. تعرف مرتي كانت بالكرش
ابو فياض كان يحاول ينوض اما ماقدرش
ادم اما لهدرة مارحش يفيدك ضرك ..حاجة مارح تفيدك حطلو لكابوس على راسو ..ليوم يوم لحساب .. شهد يالكلب ..شهد
ابو فياض كان يبكي .. عمرو لاتوقع تكون الجرائم الي دراهم بالفضاعة هاذي .. اشهد _اشهد