عشق ارض جو / الكاتبة منال منولة

ليس لدي حكم على عقلي حين يذكرك على غفلة مني

·

الحلقة 48♨️♨️ فدوى وقفت عند السارفور تجبد فالدراهم...تفكرت بلي ماجابتش معاها بالكافي .. حطت الكارت ودارت الكود حتى وقف وراهااا كيراكي حضرة الملازمفدوى عينيها توسعو عادل هذا نتااا .. ياجدك هاذي غيبة عليك ابو فياض (عادل) .. الله لايغيبك توحشتك .. واش راكي
فدوى دارت تجبد فالدراهم وهو بدللها الفاليزتاعهااا بالفاليز نتاعو .. لاباس ونتا كيراك من وقت خرجت من العسكر مازدتش ظهرت .
ابو فياض .. دنيا هاذي
فدوى .. اه يالكلب ياه .. انا قلت تزوجت ولهيت مع الاولاد
ابو فياض .. (عادل ) .. لالا خاطينا حنا هذا الشئ .. هيه وين بيها
فدوى مروحة لعند عمتي .. طردوني مالدار
ابو فياض (عادل) هههههه نعرفك دوري بزاف .. وديري الزبايل .. زينتي ياه
فدوى ضرباتو للكتف .. ناناك ..
ابو فياض .. هيا لحمدلله لاكي بخير .. انا نروح
فدوى .. تهلى في روحك عادل ..
ابو فياض .. ربي يحفظنااا نشاء الله ..
ريحاب كانت راجعة .. ورافدة صوالح في يدهااا ..حتى تشوف في ابو فياض يحكي مع فدوى .. وقفت شوية .. "واش راه يدير لهنااا هذاا بففف نخله حتى يروح " ..شوية حتى شافتو يبعد .. قربت من فدوى .. واش نروحو
فدوى شافت فالساعة هيهي هاذيك هي
رحاب اوكي ..
رجع ادم مع نعمة للدار .. كان حابب يحطلها النقاط فوق الحروف .. ويفهمها الرغبة نتاعو .. اما الي مكانش يتصورو هو ردة فعلهااا .. الي راح تبديها للموضوع هذاا ..
ادم ... يماا اصبري نحكو
نعمة قعدت ودارت رجل على رجل .. احكي ياسيد لرجال
ادم علاش ديما تفرضي رايك علياا كي شغل ماعنديش شخصية
نعمة طول عمري مخلياتك على راحتك كي نتا كي خاوتك .. خدمت فالعسكر وقلت معليش تزوجت بالبنت الي تحبها وقت معليش .. اما نشوفك تضيع في حياتك هاذي ابدا
ادم كيما قلتي حياتي
نعمة كلمة ومانزديش نعاودهااا .. ياااما تتزوج بالبنت الي انا اختاريتهالك يااما
ادم طلع حاجبو يااما واش
نعمة لانت ابني ولانعرفك .. وتعرفني كي نخشن راسي
ادم يمااا ماتضغطيش علياااا ..
نعمة ناضت .. الحل بيني يديك .. منا لهذاك لوقت نحب جواب .. رفدت ساكها وطلعت لشومبرتهااا .. ادم راسو خشين ولازم معاه هكااا ..وهي غلبت معاه .. بصح خلص وقت المسايسة وفى ..

ابو فياض كان مزال فالكافيتيريا تاع المطار لازم ينفذ الخطة تاعو الي دراهاا مع حيان .. طمن الحالة كالم ... حتى تلاقى بواحد من جماعتهم .. حكمو في جيهة يحكي معاه .. تقدرو تقولو كانو تواعدين ..
ابو فياض اسمع هاذي الفاليز تاع الطفلة الي كنت واقف معاها .. الفاليز الي فيها السلاح طلعتها هي
الراجل اوكي ..

الحلقة 49♨️♨️
ابو فياض .. تعرف اول حاجة كي تطلع واش دير بلا مايفيقلك حد بدلهاا
الرجال .. وبالنسبة للخطف
ابو فياض .. نحب تيطر على الطيارة فهمتني
الراجل .. حاضر
ابو فياض ..روح وريلي شطارتك .. وربي معاك ...الراجل رفد روحو وخرج رايح من جيهة البوابة ..ابو فياض جا خارج من المطار شاف فالكاميرا وريش بيدو وضحك بتمسخير ..
لبنات سمعو نداء طيارتهم .. على هذاك تجهو للبوابة .بقاو يشوفلهم فالاووراق .. . ركبو فالطيارة .. حطو لفاليز نتعهم لفوق وين يحطو الباقاج .. الصدفة كانت ريحاب رايحة لنفس لمكان لي رايحة ليه فدوى ..قعدو فالماكن نتاعهم .. وقفت المضيفة تشفهم اذا حطو حزام الامان .. فاتت وحد 10 دقايق حتى اعلنو اقلاع الطائرة . .
ريحاب كلاها قلبهاا .. السيد الي كنتي واقفة معاه يخدم معاك
فدوى ..قصدك عادل
ريحاب الي كنتي تحكي معاه عند السارفور
فدوى .. لا كان معايا فالاكاديمية ..اما ظروف خلاتو يخرج منهااا
ريحاب .. شفتك تضحكي معاه بانتلي تعرفيه مليح
فدوى تبسمت .. عادل اسنان اخر ..مميز هكااا وياريت بقا فالاكاديمية
ريحاب زعما كنتي تحبيه
فدوى .. مش قصة حب .. اما قصة دعم .. المراة مرات تحتاج للدعم كثر من الحب
ريحاب استغربت نتي فالمكانة تاعك شكون كيفك ماتحتجي لحتى انسان
فدوى تبانلك .. دنيا هاذي ضيقة وخصوصا على لناس الي كيفنااا
ريحاب .استغربت .. بقات تشوف معاهاا ..اول مرة حستها متكبرة وطايشة لبستها وشعرهاا كلشي فيهاااا اما ممبعد بدات تتعرف عليها بالعقل .. شوية حتى . حست روحها محشورة .. انا نروح لتولات صحاا ..
فدوى اوكي مكانش مشكل ..شوية حتى وقف راجل عليهااا
الراجل انسة الفاليز نتاعي تخلطت مع تاعكم اسمحيلي
فدوى طلعت حاجبها كيفاش ..
الراجل كنت واقف وراك عند السارفور وصونا تلفوني على هذاك درت ونتي كنتي ديتي صوالحك ورحتي
فدوى ناضت .. اوكي معليش .. تفضل
الراجل شد لفاليز عليهاااا .. وراح لبلاصتو ..
ريحاب راحت للكابيني .. دخلت .. غسلت وجهااا وبقات تجفف فييديهاااا .. جات خارجة حتى صابت الارهابي رافد السلاح وريشلها تخرج .. ريحاب حست بماء سخون دفق على راسها خرجت بلعقل حطلها لكابوس في ظهرها وبقا يمشي فيهاا وصلهاااا وين المضيفات يبدلو ..
الراجل اقعدي هنا عاقلة لانطرطقلك راسك
ريحاب .. ماتقتلنيش انا مادرت والو
الارهابي .. جا يحكي حتى جات المضيفة فايتة .. شافت الكابوس ورحاب .. عيطيت ضربة وحدة اعععع .. الراجل دمرهااا وشيل عليها بالكابوس .. ولا يدور فالطيارة ويعيط .. الي يتحرك رح نقتلو ..الي يتحرك رح نقتلو ..
الناس كامل بداو يعيطو ويبكو .. حالة رعب كبيرة .. الراجل حكم تلوفن تاع المضيفات .. راني نحكي مع الطيار .. اقلب الطائرة ..اديها للقاهرة .. اوياويلك اذا عاسرتني فهتني .. حط تلفون ورجع ليهم كامل