·
الحلقة 62💔💔 واقف عند المرايا ويريقل فالكرافات وينسف .. مش مصدق بلي خلاص رح يعاود حياتو من جديد .. مسح وجهو .. هي صح رحاب بانسانة مليحة اماا مارحش يقدر يحبها ولايسعدهاااا..رح يكون صعيب بزاف عليه .. ورح يظلمها اكيد ..
طبطبت ودخلت لعندو .. هي بلاك اكثر وحدة تعرف وجيعتو .. كي تتفكر هذاك ليوم الي ماتت فيه اصالة قلبها يوجعها عليه .. عام كامل وهو يتوجع ولايعرف يرقد ولايعرف يدير اي حاجة ..
فدوى طلعت حاجبها .. هات نعرفك الكرافات ديما تعبك
ادم الله غالب خاطيني لصوالح هاذو ..
فدوى سقمتهالو وبعدت عليه شوية .. خموس على خوياا الشباب ..
ادم سلملها على راسهااا .. ختي الزينة
فدوى حطت يديها على كتافو .. ادم هاذي بدية جديدة ليك حابتاك تعيش لفرح من جديد توحشت نشوف الضحكة على شفافك كي بكري
ادم .. نتي اكثر وحدة تعرفيي واش فوت واكثر وحدة كانت شاهدة على وجيعتي وعلى الذنب الي حسيت بيه هاذ لوقت كامل
فدوى .. اكيد الي دار هكا رح يجي يوم ويحكموه .. على هذاك وحتى لهذاك لوقت عيش شوية ..
ادم حكملها كفهاا وباسو .. ربي يخليك واش نخرجو .
فدوى .. اصبر نسلفي معاك قبل لانخرجو هههههه
ادم هذا الي بقى .. معليش روحي ..
دخل مصطفى وروان لابسة غوب بلونش ورافدة في يدو . هاهي حبيبة عمهاا
ادم حكمها بين ييه .. مدام رانا لهنااا هيا سلفي كامل مع بعض ..
مصطفى شاف معاه .. ووو خرجت بابيش ول
ادم .. امشو اخرجو ماتهبلونيش .. هياا .. خرجو كامل تلاقو بنعمة وفخر الي واخيرا راح يشهدو على ولدهم انو رح يبدا بداية جديدة واخيرا رح يريح.. ركبو فالطموبيلات نتاوعهم .. فرحانين .. اما كيف لعادة فرحة ديما ناقصة ...
عند حسام .. كانت ريحاب لبست لاغوب بلونش نتعهااا .. واقفة تسقم كان فالخيمار .. كانت خايفة بزاف ومتوترة ..اصلا الزواج هذا على لورق برك .. غمضت عينيها وخرجت سوفل طويل .. "معليش ريحاب لمهم تخرجي من الدائرة الي راكي ففيها وبلاك يجي يوم وتخلي حسام يكره حيان والمعيشة هاذيك ..
حسام طبطب ودخل .. واش لعروسة راكي واجدة
ريحاب .. شافت فيه .. وي
حسام قرب منهااا وسلملها على راسهااا .. مش مامن بلي هاذي ختو لصغيرة كبرت وراهي رح تكون مراة .
ريحاب عينيها دمعو .. رح نتوحشك بزاف .. ومش هاين عليااا نخليك
حسام ضحك ... ومسحلها دموعهااا ..لعينين هاذو مالزمش يبكو .. نحبك تفرحي وتعيشي
ريحاب سلملتو على يدو .. ربي يخليك لياااا
حسام مسحلها على راسها .. راكي كيما سندريلا
ريحاب تبسمت .. خص غير الامير ههههه
حسام .. حنا صح يتامى .. وانا اظطريت ندخل مع الاخوة لنقدرو نعيشو .. ودرت كامل هاذوك لصوالح .. اما فااقرب وقت رح نظف حياتي .. لاني مانحب حتى واحد يقيسك بكلمة
ريحاب .. سملتو على يدو .. انت الاب والام الي جامي عرفتهم وكون ماشي نتااا مانعرفش وش كنت رح ندير .. ونتمنى في اقرب وقت نصلحو كلشي وخصوصا كي شفت كيفاه تشوف لفدوى
حسام استغرب .. عادي
ريحاب .. هاذي ta dernier chance حكملها يدها وروحو لبعيد هي صح طبيبة وخدمتها صعيبة ونعرف بلي اكره حاجة تكرها هي العسكر امااا بلاك تخرج مليحة
حسام تنهد نتمنى .. واجدة
ريحاب .. دارتلو براسها ايه ..
حسام درالها بذراعو .. هيااا .. العريس راه يقارع لتحت .. خرجو ليد فاليد ... لتحت كانت عايلة فدوى .. يقارعو ... النسااا حاربينها بالزغاريت الطبل .. وles feux d'artifice .ادم كان لابس كوستيم فالاكحل الله الله وذاك البارفان يتقل (صورة ادم ورحاب)
أنت تقرأ
عشق ارض جو / الكاتبة منال منولة
Romanceهل يصل حب المهنة الى التوغل في المخاطر دون التفكير في عواقب الامور هي حكاية فتاة وانثى هي حكاية الطبيب فدوى الملازم الاول في الجيش والتى تعشق مهنتها حد الهوس تجد نفسها وسط مايسمى المجتمع الذكوري الذي كان يقوم يخنقها كلما حاولت فعل شئ ما لذلك تتمرد...
