·
الحلقة 54♨️♨️ هذا الشعور الذي يجعلك تنظر إلى الوجوه وإلى كل هذه الضوضاء وكأنها صامتة .. وكأنك تسأل كيف يصمت الكون للحظات ؟! لتعرف فيما بعد أن داخلك المزدحم هو من يصمتهم .."
نزلت من لطاكسي عند port .. بقات تتمشى وسط بيوت الصيادين والقوارب المحطوطة .. الريح يضرب بكل القوة نتاعو .. حتى انو قاعد يخربلها فالتوازن على شعرة وطيح .. اما كامل هذا الشئ مانعهاش انها تراضيه .. لانو ابنها وكبدتهااا .. وصلت للكابانو تاعو .. حلت لباب ودخلت .. تبسمت كي شافتو راقد .. عرفت بلي ماعندو وين يروح ..
ادم فتح عينيه وقعد يدقق ..يما
نعمة قعدت .. نعرفك بلي كي يذيق بيك لحال تجي لهنااا
ادم .. البلاصة الوحيدة الي نريح فيهااا ..
نعمة مسحتلو على شعرو .. ياعمري نتااا ..
ادم ..مانيش قادر ريحتها في كل بلاصة ..ضحكاتهااا صوتهاا مانيش قادر نعيش
نعمة .. نتا راك حاسبني راني عمية .. ماني شايفة كلشي .. ونعرف ولدي قداه قاعد يتحرق قدام عيني وراسك غير عارفة
ادم .. كي نتفكر بلي كانت رافدة ثمرة تاع حبينااا نموت ويحكمني وجع كون نصيب نحكم قلبي ونحيه من بلاصتو على قد مراني حاسس روحي مذنب بموتهم للزوج
نعمة .. نتا درت الي عليك .. ماعدش تحس بالذنب ..
ادم مانيش قادر .. نتخيل روحي مع وحدة خلاف .مانيش قادر
نعمة .. جرب وراس وليدي حاباتك تعيش لحب .. وتعيش من جديد تجيب ولاد وتفرح نحب نشوف الضحكة على وجهك من جديد .. شوف لاراك تاكل ولاتشرب . قاعد قدام الكاميرات تحوس عليه راني نموت كي نشوفك هكاا
ادم سلملها على راسهااا .. بعيد الشر عليك . .
نعمة ريحلي قلبي نحب نشوف صغارك في حجرك قبل ما نموت
ادم بعيد الشر عليك .. على العموم راني خممت ونقلك ايه
نعمة ناضت سلمت عليه .. يعيش ولدي .. ربي يرضى عليك .. هيااا نوض هكااا وجد روحك ونحي الكسوة هاذي .. راهي غاماتك الاسود ماعادش يخرج عليك
ادم خلاص .. نلم صوالحي برك ونجي بحذاك .. خلاها قاعدة وراحت للدوش .. بلع لباب وتكا عليه ..جبد تصويرتهاا من جيبو .. اسمحيلي يالعزيزة اسمحيلي ..
فدوى رجعت للعيادة عادي .. رجعت لخدمتهااا ولحياتهاا تاع موالف .. كان عندها شعور شعال شباب في قلبهااا .. حساة بروحهااا خفيفة هكااا.. كانت الابتسامة على فمها كامل النهار .. تقول خرجت منها انسانة تانية .. انسانة اخرى ..
مازن من يوم ماصرى الاكسيدون ماعادش شافهااا .. على هذاك كي حس الفرصة مناسبة حب يحكي معاهااا .. طبطب ودخل حضرات
فدوى طلعت حاجبهاااا .. تحبني نسبك . نتا والله ماتفرح كون مانعطيكش كلايم في جنابك
مازن .. مالا خليني نبدل .. ملكتي
فدوى .. اقعد وسكتنا خليني نشوف الجرح نتاعك ..
مازن قعد وهي قعدت تفتحلو فالشوميز .. كان مركز م ع عينيها شافيفها كلشي فيهااا .. واش راكي حاسة روحك
فدوى .. 2 مرات سلكتلها تعرف وش قولك 3 فيها مكانش لهربة ..
الحلقة 55♨️♨️ مازن بعيد الشر عليك .. نشاء الله الي يكرهوك
فدوى تنظفلو فالجرح .. نتا كيفاه حكياتك ضرك .. رجعت تخدم ونتا هكااا .. هارنك اشرب les antibiotique تاعك والا رح يبقى الجرح هكااا
مازن ناض وبقا يقفل فالشوميز نتاعو .. ياخي ذراعي انا واش دخلك نتي
فدوى شفت يالشملول لسانك طوال كي شغل ..
مازن ضحك .. نخليك مع صوالحك وخدمتك .. شعال فرحت كي باباك خلاك لهنااا
فدوى .. ماتقولش قاع فيها ..قادر في اي لحظة يوقودني من لهنااا
مازن .. مانخليهمش المرة هاذي ..
فدوى خرجتلو لسانهااا .. روح ت*** .. هو خرج وهي حطت راسها بين يديهااا .. تكذب كون تقول مزالها مليحة .. اما كل ماتتفكر واش صرالهااا تولي ترجف غير روحهااا تصنع لقوة ولى يتعبها بزاف قعدت ترجع واش صارلهاا.. فجاة تفكرت ريحاب ..يادرى واش يكون صرالها هاذيك ..
مصطفى كان مزالو فالكونجي .. اما كان مضايق من الوضع الي راه فيه مع نهى ..وش هاذي رولاسيون مفتوحة .. هذا الشئ غير مقبول تماما.. روان قاعدة تلون وهو قاعد بحاذااها يعاون فيهااا .. يحس روحو قاعد يتعلم معاهاا ..
نهى رافدة بلا تاع كوكيز وكيسان تع حليب .. هيا ماماتي كولي منالصباح راكي على الشر
روان .. ناضت وشدت حبة كوكيز
نهى شافت في مصطفى .. ونتاااا كبرت على الكوكيز مد يدك
مصطفى .. ماعييننش
نهى استغربت .. وخطرتلها فكرة خبيثة .. حطت شوية بين شفايفهااا وبقات تشوف فيه بااغراء ..
مصطفى شاف فهيااا وعينيه توسعو .. حس بالنار شعلت فيه .. ديجا ه صابر بسيف وهي تزيد تلهب فيه وتغري فيه .. ناض وخلاهااا دخل للشومبراا
نهى استغربت .. لحقت عليه تجري .. واش بيك ..كاش ماصرى فالخدمة
مصطفى .. لالا ماصرى والو الي صرى راه صاري في حياتي ... لوقتاه واحنا هكا انا ماعدش فيااا
نهى .. مصطفى ماتعيطش .. وزيد قتلك مدلي وقت
مصطفى عينيه توسوعو عام كامل وراني صابر عليك يالرب العالي
نهى .. علاش ديما تخمم كان في روحك .. مزالني مجروحة منك فهم هاذي
مصطفة ضرب الحيط ببونية .. شوفي طبيب شوفي اخصائي اجتماعي انا خلاص وصلت للتوب .فهمتيني
نهى ضحكت بتمسخير .. انا نعرف علا شراك دير هكااا ..باينة بانتلك اخرى ..تفضل روح
مصطفى .. ربهاا واش راهي تقول .. انا راني لاهب عليك ونتي تقوليلي شوف وخداخرااا .. انا ماعيني كان فيك وبنتي .. نحب نرجعو حياتنا الي قاعدة تضيع من بين يدينااا
نهى انا هاذا الي عندي
مصطفى ..رفد لفاست نتاعو وانا هاذ الي عندي .. خلاص ماعدش فيااا .. اذا كنت اناني كي نحبك ونحب نرجعو معليش نتقبل بكلشي .. رفد مفاتيحو والباطة نتاع الدخان وخرج .. وصرفق الباب ..
فدوى وصلت لوين يسكن حسام .. كان قلبها يدق .. رجعت تخاف منو الشخص هذاا.. مش خوف يعني تتاع قتل او سرقة اما خايفة من مشاعرهااا الي كل يوم تطور من جيهتو .. اما هي جات لتشوف ريحاب مش ليه ..
قاعدة فالصالون .. وهو مقابلهااا .. شعرو مفرفش .. عينيه ناعسين يبان كان راقد .. صدرو عريان ولابس سروال فالاحكل ..
فدوى .. وينهار يحاب ..
حسام شعل سيجار .. راحت تقرى .. قاتلي راهي مليحة
فدوى .. كيفاش تخليها تقرى وهي فالحالة هاذيك والله لانتااا انسان ماش نرمال
حسام .. غمزها بطرف عينو .. نوضي ديريلي قهوة راسي رح يطرطق وبركاي ماتهدري بزاف ياطبيبة
فدوى استغربت .. مانيش نخدم عنك ولاتخلصني وبطل تحكي معاياا هكااا ..(يحكي معاها بزاف بلغة الاوامر )
أنت تقرأ
عشق ارض جو / الكاتبة منال منولة
Romansهل يصل حب المهنة الى التوغل في المخاطر دون التفكير في عواقب الامور هي حكاية فتاة وانثى هي حكاية الطبيب فدوى الملازم الاول في الجيش والتى تعشق مهنتها حد الهوس تجد نفسها وسط مايسمى المجتمع الذكوري الذي كان يقوم يخنقها كلما حاولت فعل شئ ما لذلك تتمرد...
