عشق ارض جو / الكاتبة منال منولة

هناك شئ ما بداخلي قد كسر

·

الحلقة 75💔💔 من اول ماخرجت من عندو وهي تبكي .. مش قادرة حتى تسيطر على نفسهااا .. كانت ترعش بطريقة وتبكي بهستيرية .. لانهاا عرفتت بلي الانسان الي عشقاتو هو فالاصل شخص اخر مافيا قاتل .. حست بوجع كبير في قلبهاااا .. خلاها تتلوى من الوجيعة .. .. وصلت عند الكورنيش حبست وبقات تاخذ فالسوفل شوية وخطر هو على بالهااا .. .. رفدت التلفون وعيطتلو ..
وصل للادراس الي قاتلو عليهااا . .. اول ماعيطتلو كان صوتها تعبان بزاف .. كون صاب حرق لطريق وروح لعندهاا .. مازن قرب منهاااا وشدها من كتفهااا ودروها ليه .. ... فدوى واش بيك
فدوى كي ششفاتو زادت فالريتم نتاع البكية .. وحضناتو كانت تبكي وتشهق ..
مازن انصدم فيهااا .. بقا يمسحلها على ظهرها ويكالمي فيهاااا ..
فدوى بعدت من حضنو وشافت فيه .. مازن نت مرة طلبتني للزواج ... وانا قلتك لا لاني معتابراتك صديق برك
مازن عينيه توسعو .. ايه بصح كي عرفت جوابك خلاص يعني
فدوى شافت فيه .. مازلت حاببني
مازن سلملها على يدهااا.. ندير اي حاجة على جالك .. وتعرفيني بلي نحبك
فدوى .. انا فالوقت هذاك كنت نخممم واليوم توصلت لقرار مهم .. وراني موافقة
مازن من الفرحة رفدها بين يديه وقعد يدور بيهااااا .. وهي شارقة بالبكااا .. ماهيش فاهمة روحهااا.. علاش راهي دير هكاا.. علاش .. كيفاش طاوعهااا قلبهااا ..تكسر زوج قلوب .. وتزيد الطين بلة .. واكيد حسام اذا سمع رح تصرى حرب ..
حسام بعد ماروحت فدوى ... قعد يرجع فالهدرة .. يعني هي عرفت ..وشكون قالهااا .. ضرب الماعين الي كانو فوق الطابلة طاحو كامل .. ..اكيد يكون ياحيان يا ابو فياض .. خرج يجري ركب فالطموبيل وحرق الطريق .. عينيه نار ... والشيطان قاعد يهدي فيه .. اول ماوصل خرج الكابوس شارجاه وبدا يتيري فالهوااا..بوم بوم بوم ..
الرجال الي فالمقر كامل خرجو .. وحيان في وسطهم ... واش كاين ياولدي
حسام ولايعيط ويتيري .. فالهوااا.. مانيش ولدك .. ماليوم انا مانيش ولدك .. شكون لطحان الي بيعني احكو ..
ابو فياض كان واقف .. حسام كالمي روحك
حسام عينيه كان يقدحو بالنار .. عروق رقبتو بارزين كان على شعرة يحرق كامل المقر .. مارحش نكالمي روحي ..
حيان يحكي بالبارد .. احكيلنا الي صرى .. على الاقل نفهمو
حسام قرب ليه .. وحطلو لكابوس على راسو .. من ليوم انا راني عدوكم وصدقني رح ندمك فهمتني رح ندمك
حيان ضحك .. راك تحكي برك غير زعاف وفايت ..
حسام دار وبقا يتيري على الطموبيل تاع حيان فالزجاج .. فالعجلات وهو عارف مليح بلي صوالحو غاليين بزاف .. .. وشاف فيه هذا المرة الزواجة هاذي جات فالطموبيل المرة الجاية في راسك ..
الرجال كانو رايحين يحكمو حسام .. اما حيان دارلهم بيدو لالا .. مهما كنت مستبد وقاتل ووابليس. .. ااااماا ديما ربي يبعثلك شكون ماقوى منك .. حسام تربى ايه على يدو ..اما الي ماكنش يعرفو .. انو كان يربي في كوبرااا ..
العشية كامل تلمو في دار فخر .. يعني فقط حسام الي كان غايب بطلب من فدوى الي قاتلهم عندي خبر شباب ليكم .. ومع رجوع فخر... كامل حبو يشوفوه ويقعدو معاه .. خصوصا انو جمعة العايلة ماش رح تتعوض .. نعمة ورحاب كانو قاتلين رواحهم فالكوزينة .. يوجدو فالماكلة ..
مصطفى مع روان .. يلعبوك كيما العادة ويلونو .. ادم داير رجل على رجل .. ويشوف في مرتو وهي طيب .. قاعد مركز معاهاا لدرجة كبير .. حتى هو وحاير مع روحو ... نهى ملهيك توجد فالطابلة .. فاتت وحد الربع ساعة حتى هبطت فدوى ..
نعمة .. هياااا العشا وجد ..
فدوى كانت تحاول تكون عادية .. كاين ضيف رح يجي تاني
نعمة .. ايه يابنتي .. شكون هو ..