سوف نلتقي

الجزء التاسع

# .. تاني يوم في الكانسر .. #

• حبيبه : أنا تعبانه أوي يا مراد ، الوجع عمال بيزيد ومبقتش قادره استحمل ، لما بدخل جلسة الكيماوي بحس إن روحي بتتسحب مني ..
• مراد : يارتني كنت مكانك يا حبيبه ، يارتني كنت أنا بدالك ، معلش يا حبيبتي إستحملي عشان خاطري ، إنتي قولتيلي هحارب عشان حبنا ..
• حبيبه : بستحمل والله يا مراد ، صدقني أنا ممكن أتحمل أي وجع في الدنيا عشان خاطرك أنت ، بس حقيقي أنا بتألم جدآ ..
• مراد بعد ما حضنها : فترة وهتعدي يا حبيبه ، فترة وهتعدي إن شاء الله ..
• حبيبه : تعرف يا مراد أهو وأنا في حضنك كدا ، مش ببقى خايفه من حاجه ، وكل التعب والوجع بيروح في ثواني ..
• مراد : خلاص خليكي في حضني طول ما أنا جمبك وموجود معاكي ..
• حبيبه : مراد هو انت بتحبني ..؟!
• مراد : وإيه لزمته السؤال دا يا حبيبه دلوقتي ..!!
• حبيبه : جاوبني ..
• مراد : ايوا يا ستي أطمني انا بحبك ، ومش بس كدا أنا كمان معنديش في الدنيا أغلى منك ، ومفيش في حياتي أجمل منك ، ولا شوفت ولا هشوف حد أحسن منك ..
• حبيبه : وايه كمان يا مراد ..
• مراد : ومعنديش إستعداد تغيبي عني للحظه ، ونفسي يجمع بينا بيت صغير على قدنا ، واشوفك بالنهار وبالليل وفي كل وقت ، ونعيش مع بعض اللي باقي في عمرنا ونخلف ..
• حبيبه : تعرف يا مراد ، أنا مش بلاقي كلام يوصف اللي عايزه أقوله ليك ، أصلك حاجه متتوصفش ولا تتحكي ، أنت حاله فريده من نوعها ، وأنا محظوظه إني قابلتك ..
• مراد : انا اللي ربنا بيحبني عشان لقيتك ، إنتي جيتي في وقتك ، جيتي عشان تنجيني من الغرق ، زي حبل نجاه ..
• حبيبه : طب بس بقى عشان بتكسف ، هههه ..
• مراد : ماشي يا عم المكسوف أنت ، مهو أنت لو تبطل تحلو كدا ، مكنتش هعاكسك ..
• حبيبه : ههههههههههه ..
• مراد : تعرفي إن ضحكتك حلوه ، عامله شبه شروق الشمس ..
• حبيبه : إنت اللي عنيك قمر وربنا ، هههههه ..
• مراد : ههههه ، طب قوليلي بقى ، إشمعنا أنا بالذات ، يعني ليه حبتيني أنا بالذات ..؟!
• حبيبه : امممم ، بص هو أنا مش هقدر اوصفك كل حاجه ، بس هحاول تمام ..!!
• مراد : تمام ..
• حبيبه : ماشي تمام ، أنا أول ما شفتك الصراحه ، مكنتش متوقعه إني ممكن أحبك ، بس لما إتعرفت عليك وكمان اتكلمت معاك ، حسيت فيك حاجه مختلفه تماما عن الباقي ، حسيت إني أعرفك من سنين كتير فاتت ، ودي مش أول مره نتقابل ، وكمان شخصيتك وطريقتك ، مختلف جدآ ، وأنا بحب الإختلاف ..
• مراد : يعني لو مكنتش مختلف مكنتيش هتحبيني ..؟!.
• حبيبه : يمكن ، ويمكن ربنا جعلك مختلف عشان نتقابل وأحبك ..
• مراد : ونعم بالله ..
• حبيبه : المهم إني حبيتك ، وهفضل أحبك طول ما
فيا روح ..
• مراد : طيب يا حبيبتي ، أنا هنزل الشغل دلوقتي ، وكمان أسيبك ترتاحي شويه ، وهعدي عليكي بعد ما اخلص إن شاء الله ..
• حبيبه : مش عايزاك تمشي ..
• مراد : خلاص مش هروح الشغل النهارده ..
• حبيبه : أيوا كدا ، خليك جنبي يا كابتن انت ، أنا كمان محتاجه تدريب ، هههههه ..
• مراد : بس كدا ، دا انا أبطل تدريب واسيب النادي وأفضل معاكي هنا ..
• حبيبه : ربنا يخليك ليا يا روح قلبي أنت ..
• مراد : يارب يا حبيبتي ، ويخليكي ليا ..
• حبيبه : مراد هو لو أنا حصلي حاجه هتعمل ايه ..؟!
• مراد : ملوش لازمه الكلام دا دلوقتي ، وبعدين إنتي مش هيحصلك حاجه إطمني ..
• حبيبه : جاوبني ..
• مراد : يوووه ، مش هعمل حاجه يا حبيبه ، عشان أنا مش هيكون عندي حاجه اعملها أساساً من بعدك ، أنا دلوقتي حبيت حياتي عشان إنتي فيها ، مش هينفع يحصلك حاجه ، صدقيني مش هينفع ..
• حبيبه : مراد قولتلك متعيطش قدامي ، أنا كنت بهزر معاك بلاش تزعل عشان خاطري ..
• مراد : أنا مش زعلان ولا حاجه ، أنا بس مش قادر اتخيل إننا نبعد عن بعض ..
• حبيبه : مش هنبعد إطمن بقى ..
• مراد : ماشي يا ست البنات ، أنا هقوم دلوقتي عشان اروح انام بقى ، وهكون عندك الصبح بدي ..
• كان نفسي تبات معايا ، بس روح عشان تغير هدومك حتى ، وانا هستناك بكره ..
• مراد : ماشي يا روح قلبي ، يالا تصبحي على خير ،
لا اله الا الله ..
• حبيبه : وأنت من أهل الخير يا عمري ، وسيدنا محمد رسول الله .
• مراد : مع السلامه .
.
* أوقات بيكون مفروض عليك تمشي طريق مش من أختيارك ، بس لازم تمشي فيه وتكمله للآخر ، ولما توصل هتلاقي هناك طريقك ، اللي كنت بتحلم بيه ، ودا اللي بيحصل دلوقتي ، مراد ربنا جابه من الشرقيه ، ودخله تربية رياضيه ، وخلاه يشتغل مدرب سباحه ، وكمان في نادي ضباط الشرطة ، كل دا عشان يقابل حبيبه ، دي كلها أسباب ، أوعى تيأس ، أوعى تبطل تدعي ، بينك وبين حلمك ، مجرد يقين بالله ، وحسن الظن ، شد حيلك وقول يارب .
.
                        # .. تالت يوم في الكانسر .. #

• مراد : صباح الخير يا جميل أنت ، قولي بقى عامل إيه النهارده ..؟!
• حبيبه : كويسه وبخير طول ما أنت جنبي ..
• مراد : هو فيه حد يخطف قلب حد على الصبح كدا بس ..
• حبيبه : ما أنت خاطف قلبي من يوم ما شوفتك ومتكلمتش ..
• مراد : قوليلي بجد بقى ، إنتي كويسه ..؟!
• حبيبه : بخير يا مراد ، إطمن ..
• مراد : مطمن طول ما أنا معاكي ..
- يقاطع الكلام صوت الدكتور اللي مسؤول عن حالة حبيبه .
• الدكتور : صباح الخير ، أهلا وسهلا بيك يا كوتش ، حبيبه كلمتني عنك كتير ، يا بختك يا سيدي عندك حد بيحبك ..
• مراد : أهلا بيك يا دكتور ، الحمد لله أنا شخص محظوظ الحقيقه ..
• الدكتور : فعلاً ، هاا بقى يا حبيبه ، طمنيني عليكي إنهارده ..!!
• حبيبه : بخير يا دكتور ، بكون بخير لما بشوف مراد واتكلم معاه ..
• الدكتور : كدا بتعاكسيه قدامي كدا ، هههههه ، ماشي
يا ستي ، ربنا يخليكم لبعض ..
• مراد : يارب يا دكتور ..
• الدكتور : يالا بقى إنتي لازم ترتاحي شويه يا حبيبه عشان معاد العلاج ..
• حبيبه : حاضر يا دكتور ..
• مراد : أنا هبقى أجيلك تاني ، مش هتأخر ..
• حبيبه : خد بالك من نفسك يا مراد ، وأبقى اتصل بيا طمني عليك ..
• مراد : ماشي يا حبيبتي ، باااي .
• حبيبه : باااي .
.
* مراد بعد ما خرج من عند حبيبه ، راح عند الدكتور عشان يطمن عليها ، والدكتور كان صريح جدا معاه ، وقاله إن حالة حبيبة غير مستقره ، ونسبة الإستجابة للعلاج ضئيله جدا ، بس مفيش حاجه بعيد عن ربنا سبحانه وتعالى ، وكمان قاله إنه لازم يبقى جنب حبيبه عشان هي بتتحسن في وجوده ، ونسبة الإستجابة بتكون أكبر لما المريض يكون سعيد ، بمعنى أصح حبيبه ممكن تموت ، بس بردو لازم ياخدوا بالأسباب ..
.. دلوقتي عايزك تفكر معايا شويه بصوت عالي ، لو حبيبة ماتت ، مراد هيعمل ايه ، طب لو حبيبه عاشت مراد هيفضل معاها ، تفتكر ممكن الحب دا يعيش لحد امتى ، كل دي أسئله في بالي ، واكيد في بالك أنت كمان ، تعرف إني محتار أوي دلوقتي ، اصلي كشفت قدامك كل ورقي تقريباً ، وممكن مقدرش اغير الواقع المره دي ، بس متقلقش اللي جاي مش اللي في دماغك .
+ يتابع 💙