قمع المشاعر

البارت9

قمع المشاعر.... البارت التاسع..
للكاتبة زهراء ( روزايه)

شسولف ؟
والعُمر ما جاي سد بسد
دنيا و طشرتني بين جزر و مد
نذرت شگد دعيت شگد
چم طارش أدز و أتاني و ما يجيني الرد
.....

قبس.. نزل تليفونه والتفت عليه كال هااا قبس؟؟
... بس ردت اندل مكان شغلي لان ما اندل بالضبط وين؟؟
بشار..تعالي وياي...

اخذ السويج والتليفون والمفاتيح من المكتب وطلع واني امشي ورا خفف خطواته وصرت امشي ويا ..

بشار.. قبس هن اثنين غرفه الحاسبات وحده بيهه بس موظفات وكبار بالعمر والثانيه لا بيهه شباب راح اخليج بهاي الغرفه يمشي يسولف وفتح الباب...

جانت الغرفه بيهه 4 مكاتب وكل مكتب علي حاسبه كال السلام عليكم ردن علي كلهن مثل ماكال كبار بالعمر بعد شكم سنه ويطلعن تقاعد ...

بشار.. الموظفه الجديده قبس ابمكان حوراء حولتهه للصباحي بعدهه جديدهه وراح تواجه صعوبه بالعمل الباقي عليكم ساعدوهه اذا احتاجت شي..

سناء.. حاضر استاذ تدلل مثل ماعلمنه حوراء وصارت اضبط من عدنه ان شاء الله تتعلم..

قبس... شكرا جزيلا وكامت من مكانهه ودلتني على مكاني وبشار اجه واحد يحجي وياا ومشه ..

بعدني جديده وما اندل راسي من رجليه من استكان الجاي للحاسبه طفره سريعه..

الي بالغرفه حيل حبابات اسمهن سناء ونضال وعاليه بس اكثر وحده لبقه بيهن وتحجي وبيهه روح الشباب هي سناء الباقيات كبار ومبينات تعبانات من الخدمه..

سناء.. يمه قبس اي شي ماتعرفيله بس صيحني لو وحده من عدنه نعلمج محد اجه متعلم ..

قبس.. ان شاء الله ماتقصرون شكرا جزيلا الكم..
سناء.. شعجب حصلتي تعين بهالوضع هذا وخريجه شنو انتي؟؟
.. اني خريجه معهد حاسبات وموتعيين عقد باجور يوميه ..
.. يله ان شاء الله تثبتين وتصيرين من عدنه اشتغلي هذني الكدامج نزليهن بالحاسبه ...

قبس..بديت انزل المعلومات والشي الي ما اعرفه اصيح سناء تعلمني بديت اتاقلم على الشغل واني زينه باستخدام الحاسبه لان اشتغلت باكثر من مكان ع الحاسبه ..

اندمجت وياهن وهن يسولفن واستمع لسوالفهن العجيب بالموضوع طلعن كلهن بهذا العمر ومامتزوجات ويسولفن على وضعهن ويتشاقن...

بشار ماشفته بعد والي افتهمته من عدهن المدير هادئ وصاحب مبدأ ويكولن الله يحبنه وجابه يمنه ذاك المدير السابق جان مدمرنه بس هذا يختلف ..

عاليه.. والله اني اول ماكالو تغير المدير رحت صليت شكر لوجه الله خلصنه من عدنه جان ملوعنه..

سناء.. لا الحمدلله اجانه هيج شاب هي الحكومه لزگت بالشياب خلي تعين هاي الطاقات الشبابيه ..