قطتي شرسه"

الفصل الاول

روايه "قطتي الشرسة" 😻

البارت الأول :

تشرق الشمس لتفتح تلك الفتاه عيونها.. تلك العيون الزرقاء التي تسرق القلوب ولكن ذلك الحزن الذي يحتلهم يخفي بهجتها وبريقها.
تنظر بشرود للحائط أمامها لتلك الصوره المعلقه عليه صوره حبيبها وروحها ونبض قلبها اعتادت ان تستيقظ من صغرها علي رؤيته وعلي صوته.
نهضت وتوجهت لغسل وجهها وتوضأت وخرجت لاداء فريضتها وتوجهت لخزانه ملابسها واخرجت ملابس عملها الرسميه وارتدتها و مشطت شعرها القصير  وأخذت هاتفها وخرجت من الغرفه ونزلت اللي الأسفل لتجد والدتها أمامها.
مرام :صباح الخير يا ماما.
ريم بحنيه :صباح النور يا قلب ماما. تعالي افطري يلا.
مرام بجديه :معلش انا هتأخر.. لازم امشي بابا فين؟
ريم بحزن علي بهجت ابنتها التي اختفت :هيكون فين.. في المستشفي مع عمك مازن والدكتور يوسف.
مرام بتنهيده :تمام انا هطلع الشغل.
ريم بوجع في قلبها :ربنا يهديكي يابنتي ويريح قلبك ويرجعك زي الاول.
مرام بمراره :لو هو رجع صدقيني هرجع.
ريم بحزن :اللي بيروح مش بيرجع يابنتي.
مرام بأبتسامه باهتهه :يبقي انا مش هرجع يا ماما. يلا بقا سلام.
ريم :سلام.خلي بالك من نفسك يا بنتي.
احتضنت مرام والدتها بحب وقالت بدموع تصارعها :متقلقيش عليا يا ماما انا كويسه اوي وتمام.. والحمد لله على كل حال وده قضاء ربنا.
ريم بحب :ربنا يكرمك يابنتي. وخلي بالك من نفسك لحسن انتي شغلك ده مش عاجبني.
مرام بضحك مصتنع :لي بس ياحياتي هو حد يطول بنتوا تبقي بتشتغل الشغلانه بتاعتي دي.
ريم بتهكم:انتي طالعه زي اسماء الهبله دخلت الكليه دي وتقولي هو حد يطول. واهي في الاخر جوزها قعدها في البيت.
مرام بأبتسامه :طيب اخلع انا بقا ونتناقش في موضوع طنط اسماء بعدين. باااي.
ريم :باي.
**************************************
في الإدارة العامة للعمليات الخاصه.
يجلس بكل هيبه بين اللواء مصطفي مختار و اللواء نشأت الصادق.
اللواء مصطفي مختار :المهمات دي مهمه جدا محتاجين فيها أمهر الظباط.
اللواء نشأت الصادق :عندي فريق في الاداره بتاعتي من اكفأء الفرق اعتقد انه يقدر يقوم بالمهام  دي بأفضل طريقه.
اللواء مصطفي : مين فيه الفريق ده؟؟
اللواء نشأت :قائد الفريق ده يبقي الرائد أسر الشرقاوي.
نطق اخيرا اللواء احمد راضي :اه سمعت عنه من اكفأ الظباط.. خلاص انا موافق عليه بس بردو انا برشح ظباط من عندي.
اللواء مصطفي :قول هما مين اكيد اشطر ظباط هيفيدونا كتير لو كانوا سوا.
اللواء احمد :تمام.. انا هجمعهم النهارده واقولهم وكل واحد يجمع فريقه وهنطلعهم علي معسكر هو ده اللي هيكون فيه التدريب
اللواء نشأت :تمام كده متفقين.
**************************************
تنزل من سيارتها السوداء بكل هدوء وكبرياء تلفت الانظار دائما بطلتها.. تدخل المكان وكل من يراها يقف بأنتظام ويؤدي لها التحيه.. تذهب إلى مكتبها ونقف علي الباب تنظر الي كميه الغباء الذي يحتويه هذا المكتب.
رامي وهو يحادث زميله :اي اجدعان انا جوعان مفيش اكل.
حمزه :بس ياض انت مش بتبطل اكل.
رامي بحزن مصتنع :الله مش احنا قوات خاصه وعمليات مهمه وبتاع لازم نتغذيي.. وبعدين مش كفايا الضرب اللي بناخده منها ده يخلينا ناكل عشان نتقوي.
هتفت بأستنكار :علي اساس انك لما بتاكل بتعرف تدافع عن نفسك.
رامي بخضه :اي ده الريس وصل.. صباحك فل يا ريس.
حمزه :جاب ورا علي طول 😂.. صباح الخير يا مرام.
مرام وهي تخبط علي كتف رامي :صباح النور.. كنت بتقول اي يا رامي.
رامي وهو يبتلع ريقه :بقول واحشاني يا ريسه والله.
مرام :هعديها المره دي في بقا الشحط التالت.
سامر :انا هنا يا بوص. اللواء عايزنا يا بشر.
مرام بجديه :مقالكش لي؟
سامر :لا والله.. بس محتاج الفريق كله ضروي.
مرام بتفهم :تمام.. يلا ياوحووش نشوف هيحصلنا اي.
خرج الجميع متوجهين اللي مكتب اللواء احمد.
*********************************
في مكتب اللواء احمد راضي :
دلفوا وادوا التحيه العسكريه.
اللواء :صباح الخير يا وحوش.
الجميع :صباح النور يا فندم.
اللواء :اتفضلوا اقعدوا.. بصوا بقا منغير مقدمات كتير ف مهمات مهمه جدا الفتره الجايه.. والمشكله دي بتهدد البلد عشان كده قررنا اننا نجمع افضل فرق في كل الادارات هنعملهم اختبارات وأفضل فرقتين هيكونوا فريق واحد وهما اللي هيكونوا مسؤلين عن المهمات اللي جايه. وطبعا انا اخترتك لأنكم افضل فرقه في الاداره هنا.
مرام بجديه :ده شرف لينا يا فندم ان حضرتك حاطط كل الثقه دي فينا.
احمد بأبتسامه عمليه :انتوا أثبتوا كفائتكم في كل المهمات وتستاهلوا القدير.
حمزه بجديه :والاختبارات دي امتي وفين يا فندم؟
اللواء احمد :التدريبات هتبقي عباره عن شهر كامل في معسكر مغلق.. وفي آخر اسبوع هنعمل اختبار لكل الفرق وأفضل فرقتين هما اللي هيتكلفوا بلمهمات دي. وانا واثق انكم هتكونوا فرقه من الاتنين دول.
مرام بجديه :ان شاء الله هنكون عند حسن ظن حضرتك.
اللواء احمد :ربنا معاكم يا شباب واعملوا حسابكم هتطلعوا المعسكر بعد ٣ ايام.
الجميع :تمام يا فندم.
اللواء احمد :علي بركه الله... اتفضلوا.
خرج الجميع وكادت مرام ان تخرج فأوقفها.
اللواء احمد :مرام استني.
مرام بجديه :اؤمرني يا فندم.
اللواء احمد بأبتسامه :مرام مالك. انتي كنت عايزه تقولي حاجه من ساعه ما دخلتي
مرام بجديه :حضرتك هي المهمه دي ليها علاقه بزكريا النمساوي.
اللواء احمد بجديه :مرام انا مقدر اللي انتي فيه بس متحمليش نفسك فوق طاقتك وصدقيني انا واثق من أن انتي اللي هتمسكيه.. بس بلاش تفكري فيه كتير وهدي أعصابك.
مرام بغموض :عمري ما هرتاح وهو لسه عايش.. بعد اذنك يا فندم.
اللواء بتنهيده :اتفضلي.
********************************

*. *. *. *. *. *. *. *. *. *. *. *. *. *

مرام :مامي الحقيني.
ريم :في ايه يا آخرة صبري.
مرام بخوف :أسر هيضربني.
تارا التي كانت تجلس مع ريم :هيضربك ليه يا ميرو.
مرام بكذب :معرفش والله يا خالتو.
أسر بصوت عالي :مرااااااااام.
مرام بخوف :يا بابي.
وائل وقد اتي :في ايه؟
أسر بصوت عالي :اسأل بنتك.
وائل :في ايه يا مرام؟!
مرام بخوف :بيزعقلي عشان بقوله خرجني.
وائل :طب وده اللي مزعلك يا أسر ما تخرجها مش انت خطيبها بردو.
اير بضيق :عمي بلاش البت دي تضحك عليك... انا من أمتي بقولها علي الخروج لا... الحكايه أن السنيورة عايزة تخرج كده.
وائل :كده اللي هو ازاي يعني... انا فاكر انها لابسه كده عشان في البيت.
مرام :انت كمان يا بابا.. ماله لبسي.
أسر :مالهوش قصير ضيق وشفاف بس كده... اطلعي حالا غيري المسخرة دي.
مرام بضيق وهي تصعد :يووووووووه مغرور.
صعدت غرفتها وهي تسب ذلك المغفل الذي يتحكم بها ولكنها سعيده جدا لغيرته عليها فهي ارتدت ذلك اللبس حتي تري غيرته عليها.. كم تعشقه عندما يغار ويغضب لانه يحبها تحبه وتعشقه ولا تستطيع العيش من دونه.
طرق باب غرفتها ودخل هو.
أسر وهو ينظر لها :انتي ليه بتستفزيني.
مرام وهي تقترب منه بدلع :عشان بحبك.
أسر وه يبتلع ريقه ويهمس بخبث :عندك فكره انك بطريقتك دي هتخليني اعمل حاجه هتندمي عليها وممكن الناس اللي تحت دول يلبسونا قضيه آداب.
مرام بخجل :علي فكره انت قليل الادب.
أسر بخبث :انا قليل الادب.. طب تعالي اثبتلك اني قليل الادب.
وحاول تقبليها ولكنها جرت منه وهي تضحك بسعاده وشقاوه مع حبيبها.
مرام بضحك :لو جدع امسكني يا أسر.
اسر بضحك وصوت عالي :مرام.... مرام... مرام...
مرام
مرام
فاقت مرام من ذكرياتها علي صوت حمزه هو يناديها.
حمزه :مرااااااااااام.
مرام بتوهان :ايوه يا اسر.
حمزه بتنهيده وحزن علي رفيقته :انا حمزه يا مرام مش أسر.
نظرت له مرام.. تمنت لو ان من أمامها الان كان أسر.
تركته مرام وذهبت مسرعه اللي الحمام واخذت تبكي بدموعها التي تصارع لتخفيها.. ولتصرخ بوجع :وحشتنيييي يا اسررررر.
********************
رايكم ف الروايه اكمل والا لا