قطتي شرسه"

الفصل الثاني عشر

روايه "قطتي الشرسه" 😻

البارت الثاني عشر :😘

اخر لحظاتنا الحلقه اللي فاتت لما 🤔.....💡 :
في غرفه أسر وفرقته 💪:
كان سيف نائم وعمرو أيضا.. وآدم يعبث في هاتفه وأسر نائم علي السرير ولكنه مستيقظ ويفكر بشرود.
ادم :أسر... أسر.. أسر.
أسر بعصبيه :عايز اي يا زفت؟
ادم :مالك متعصب ليه؟
أسر :مفيش.. مخنوق شويه.
ادم بتهكم:مخنوق من اي رجلك اتكسرت ولا حاجه ولا الكابتن طلع عينك النهارده ومخنوق منه.
أسر بعصبيه :ادم.... بس مش عايز كلام في الموضوع ده.. خلاص خلصنا.
ادم بعصبيه :لا مخلصناش... انا عايز اعرف انت عاملتها كده ليه النهارده؟؟
أسر بعصبيه : زيها زيكم... وبعدين انا عملتها ازاي.. كلكم جريتوا وهي اتعاقبت زيها زي اي حد.. وكمان كل الناس فطرت في ربع ساعه ومحدش اشتكي مش ذنبي ان الهانم كانت عماله تهزر وتضحك ومكالتش.. وكمان انا قولت اللي هيفوز علي التاني هيكمل مع اللي بعدو.. وهي فازت علي كل اللي لعبت معاهم.. وانا انت عارف اني لما بضرب مش بعرف قدامي راجل ولا ست.
ادم :أسر.. انا عارفك كويس يا صاحبي... انت كنت بتتحدي البت دي النهارده.. واحنا فضلنا ساكتين طول اليوم بالعافيه.
أسر بعصبيه :ادم.. قولتلك اني بعاملها زيكم.. وبعدين ده حافز ليها عشان متخافش.
ادم :لما نشوف يا أسر..هتعمل اي تاني.
أسر وهو يغمض عيونه :نام يا آدم وملكش دعوه بيا.
ادم :طيب
جلس أسر يفكر في مرام لسبب غير معروف ولكنه يريد اكتشاف هذه الشخصيه 🤔
****************
في اليوم التالي في منزل وائل وريم :
أشرقت الشمس وتمللت كارما في نومتها وفتحت عينيها بزهق وهي تتمتم بغيظ :اي الشمس دي.
ريم وهي تفتح الباب وتقول باستغراب :كارما اصحي.. أدهم عايزك تحت.
كارما وهي تتثائب :عايز اي أدهم علي الصبح؟
ريم باستغراب :بيقول رايح معاكي الكليه.. هو رايح معاكي لي؟
كارما وهي تقفز من علي السرير :ايوه ايوه ادهومي حبيبي ديما عند كلامه... امي انزلي ظبطيله كبايه لمون وفطار عقبال ما البس.
ريم باستغراب وهي تغلق الباب :وربنا انتوا مجانين.
نزلت ريم لادهم بينما دخلت كارما لتأخذ شاور وتوضأت وصلت ولبست بنطلون جينز ازرق فاتح وتيشيرت احمر بكم وجاكيت جينز ازرق بلون البنطلون وأخذت شنطه كروس من اللون الأحمر وارتدت كوتشي احمر اللون وصففت شعرها وجعلته ضفيرة) وخرجت من الغرف ونزلت الي الاسفل.
كارما بابتسامه :صباح الفل يا ادهومي 😊
أدهم :صباح الفل والياسمين على عيونك الحلوين يا كوكو.
ريم بشك :مش مطمنه لعلاقتكم دي.. انتوا امبارح كنتوا هتضريوا بعض بالجزم.
كارما وهي تضغط علي خد أدهم :كده يا ماما.. احنا نضرب بعض بالجزم.. دا ادهومتي حبيبي.
أدهم وهو يجذب كارما من يدها ليذهبوا :سلام بقا يا ريمو لما البت كارما ترجع هاقولك.
كارما :باي يا مامي.
ريم باستغراب :باي.
خرجت كارما مع أدهم.
كارما :نركب عربيتي؟
أدهم بغمز :عيب عليكي دلوقتي عربيتي انا.
كارما :اوك.
أدهم بعد أن ركبا العربيه : بقولك اي هتتعاملي ازاي هناك.. اصلي مش مطمنلك.
كارما بحنق :كده يا ادهومتي مش مطمنلي.
أدهم وهو يقود السياره :يا كوكو انتي مسترجله في نفسك واخاف لو قولتلك كلام حلو تديني بالقلم علي وشي.
كارما بضحك :لا متقلقش هحاول امسك ايدي.
أدهم بغمز  :لما نشوف يا قلبي.. بس اي الشياكه دي طلعتي مزه يا كوكو.
كارما بخجل مصتنع : ده من ذوقك يا بيبي.
أدهم بضحك :الله اكبر يا صلاة النبي.. كارما بتقول بيبي. اتعلمتيها فين دي؟
كارما بضحك :من واحده مايصه سمعتها بتتكلم في الكليه.
أدهم بضحك :الله يكون في عوني النهارده  الصراحه... طب البرنامج هيكون ازاي؟
كارما بشرح : بص يا ادهومتي احنا هنروح الكليه وندخل ونقعد في الكافتيريا وبعدين هروح المحاضرة وانت هتقعد تستناني وبعدين نروح بس كده.
أدهم بملل :يعني انا جاي معاكي عشان اعمل كده؟
كارما :ايوه.
أدهم :طب المهم عندك بنات حلوين في الكليه دي؟
كارما بصدمه :اه يا أدهم الكلب بقا انت جاي عشان تشوف البنات.. وانا اقول انت اقترحت تيجي ليه؟
أدهم بغمز :يا كوكو الحياة كده هات وخد وبعدين تبادل مصالح يا حب.
كارما وهي تضربه:انت واطي اصلا.
أدهم :شالله يخليكي يا حب.
كارما :أدهم غور ما تجيش معايا.
أدهم :خلينا نخلص بقا.
وصلا معا ونزل أدهم وامسك بيد كارما ودخلا الي الكليه.
أدهم :اي ده يا بتي كل الكليه بنات علي ولاد لابسين تقريبا زي بعض.. قال وانا اللي فاكر كليه صيدله بس اللي البنات فيها ملهومش في اللبس والميك اب والحاجات دي.. اتاري اعلام كمان.
كارما وهي تضربه :اسكت بقا.. انت واحد رخم و.....
اصتدمت كارما بفتاه ما.
الفتاه بأسف :اووبس سوري سوري مش كنت اخد بالي.
كارما :مفيش مشكله.
الفتاه :بجد سوري بس انا تايه ااالص ومش عارفه ادخل فين؟
كارما :ااالص؟ انتي جديده؟
الفتاه :اه انا اول يوم ليا هنا النهارده.
كارما :سنه كام؟
الفتاه :اولي.
كارما بابتسامه :دفعتي يعني.. هاي انا كارما وائل الصاوي.
الفتاه بابتسامه :هاي تشرفنا انا بانه رياض.
كارما :شكلك مش من هنا!
بانه :اه انا جايه من برا واول مره ليا في مصر.
كارما بابتسامه :مصر هتعجبك.
نظرت بانه لادهم الواقف ينظر لها ولا يحيد بنظره عنها.
لاحظت كارما ذلك فقالت بخبث :اه نسيت اعرفك ده أدهم زي ابن خالتي وخطي...........
أدهم وهو يضغط علي يدها بقوه :وخطيب الجامع اللي ورا مش كده يا كوكو.
كرامة بضحك :اه تقريبا.
بانه :اهلا تشرفنا.
أدهم بابتسامه واسعه :هي اهلا دي ليا؟
بانه بابتسامه :اه.
أدهم بغزل :يالهوي احلي اهلا سمعتها في حياتي.
كراما وهي تضغط علي قلبها :لالالالا كده كتير انا مرارتي متستحملش انا ممكن اموت لوسمعت منك كلمه كمان.
أدهم وهو يدفع كارما :روحي روحي معاكي محاضره.
كارما وهي تجذب بانه :وبانه كمان هتيجي معايا في نفس المحاضره.. باي يا بيبي.
أدهم وهو يلوح لهم ويهمس في نفسه :ااااه يا قلبي يخربيت جمالك انا مكنتش اتخيل اني هشوف كده في كليه اعلام.. انا حبيت اعلام اوي اوي.
اخذت بانه تدور في ذهن أدهم بشعرها الأحمر الناري ووجها الطفولي وبسمتها الرائعه ولهجتها المتكسرة.. ♥
*************************
مر يومان ومرام لاتخرج من غرفتها وتجلس علي السرير وتقضي الفتره التي يكون فيها الجميع يتدرب اما في النوم او التحدث مع والدتها ووالدها او مشاهده صورها مع أسر واسترجاع ذكرياتها والبكاء علي أيامها الراحله. وفي المساء تجلس مع فرقتها يتسامرون ويتحدثون ويقصوا عليها التمرين وشده الكابتن في التعامل معهم. وفي مساء اليوم الثاني وهي تجلس مع فرقتها.
رامي وقد احضر بعض الكاكاو☕ :اقسم بالله يا مرام انتي سبب سعادتنا في الاوضة دي.. انتي جبتي شاي وكاكاو وقهوه معاكي لا وكمان جبتي الكاتل اللي بتتحط فيه الميه... ده احسن معسكر طلعته في حياتي. 😋😙
مرام بزهو :عشان تعرف قيمتي بس. 😎
سامر بضحك :احمدوا ربنا انهم مش بيفتشوا الشنط والا كانت كل الحاجات دي اتحرزت 😂
مرام بضيق :ليه أن شاءلله 🙄
سامر :المفروض احنا طالعين نشقي في الصحرا مش نشرب كاكاو وقهوه وكمان في معطر جو.. انتي شنطتك دي شالت كل ده ازاي؟
مرام :يا سمورتي اوعي تسأل بنتي جبتي الحاجات دي ازي؟؟ دي قدرات خاصه.
رامي بصدمه :ياللهوييي هو انتي بنت؟؟
مرام :شوفت بقا طلعت بنت ياسبحان الله.
رامي :وانا اللي كنت فاكرك راجل بس منغير شنب.
مرام :معلش بقا اهو طلعت بنت.
رامي :مع اني شاكك في الموضوع بس اشطا 😂.
مرام بطفوله :تعالوا نقعد برا.
سامر وهو ينهض :اُوكِشَن.
حمزه :انا موافق... بس رجلك؟
مرام وهي تقف على رجلها :انا كويسه متقلقك.. يلا لحسن انا اتخنقت.
حمزه :طيب يلا.
رامي :طب هنعمل اي برا؟
مرام بخبث :هتعملني الحركات اللي اتعلمتوها اليومين دول.
رامي بحماسه:اوك ماشي.
مرام :واااو شكلك متحمس مش خايف!!!
رامي وهو يحتضن مرام ليضع يده علي كتفها وهي تتمسك بيه :مرام يا روحي.. مش معني انك بتغلبيني.. يبقي انا ضعيف او خواف.. لا يا قلبي انا قوي جدا.
مرام وهي تفتح الباب ليخرجا :انا عارفه يا رومي بهزر معاك يا قلبي.
رامي بضيق :بلاش رومي دي.. بتحسسني انا جبنه رومي 🧀
مرام بضحك :حبيبي يا رومي انا بحب الاسم ده 😍
رامي بضحك :اشطا طلامه بيعجبك اشطا افيش مشكله..
حمزه وهو يرفع حاجبه :مالهم الاتنين دول؟
سامر بخبث مصتنع :مش مطمن للعلاقه دي😂😂.
حمزه بضحك :ولا انا 😂
سامر بخبث :انت مش غيران؟؟
حمزه وهو يفكر بأريحيه :اممممم لا... مرام ورامي اكتر من اخوات.. وبعدين عادي احنا طول عمرنا بنتعامل كده سوا. وبعدين الموضوع ملهوش علاقه بالغيرة.. انا ايوه بحب مرام.. وهفضل احبها واحميها ديما
سامر بتفهم وهو قد أتقن ان حب حمزه لمرام ليس اكثر من حب اخوي ولكن حمزه لا يريد أن يعترف بهذا :طيب يا حمزه يلا بينا وراهم.
رامي :مرام انتي كويسه؟؟
مرام :انا كويسه الحمد لله متقلقش يا رومي.
رامي وهي يبتعد عنها :غوري يا باه ابو شكلك حتي.
مرام بحزن :كده يا رومي.. ماشي.. شكرا.. توجهت مرام للأمام قليلا وجلست علي الرمال البارده. وجلس جوارها رامي وحمزه وسامر.
رامي :الجو برد شويه هنا.
مرام وهي تهز راسها نفيا :لا والله الجو حلو جدا 
سامر :طب اي نعمل اي بقا؟
حمزه وهو يفرد جسده علي الرمال وينظر الي السماء :انا هعمل كده.
سامر وهو يفعل مثله :وانا كمان.
مرام وهي تقف لتضرب ارجلهم :قوم يا بغل منك ليه انا مش جايباكم عشان تقعدوا كده جاتكم البلا.
ادم وقد اتي إليهم :مش عيب عليكم نايمين كده وسايبين الكابتن القمر دي واقفه كده.
رامي وحمزه وسامر :اهلا ادم.
حمزه :ااتفضل اقعد معانا.
ادم :لا انا هتعرف علي الكابتن الأول.
رامي :ربنا معاك يا ولدي.
سامر بطريقه مسرحيه :جلبي عليك ياخييي من حر قولت اييي.. ربنا معاك بس متقولش كلمه كده ولا كده عشان وشك.
ادم بضحك :متخافوووش.. انا عايز اتعرف علي الكابتن بكل أدب ولله. تسمحيلي اكلمك بس من غير ضرب وحياة عيالك 😊
مرام بضحك :هههههه ياحرام الواد بقي يخاف.
ادم بضحك :انتي السبب.
مرام بضحك :معلش بقا.شكلك بقيت تحترمني.
ادم وهو يضع يده علي وجهه :اصل الاهانه وحشه بعيد عنك.
مرام بضحك :ههههههههههه فصلتني ياخي.
ادم بغمز :دا الجميل بيعرف يضحك اهو.. امال مقفلاها في وشنا ليه؟
مرام بضحك :حد قالك اني ممكن اكلكم.. انا بس وقت الجد مليش في الضحك والهزار.
ادم بغمز :ياريت الحياة تبقي هزار وضحك ديما معاكي وبلاش الجد عشان بتبقي شكلك وحش.
نظرت له مرام بحنق طفولي وفي داخلها تحن للماضي : بقي كده وربنا انت رخم.
ادم بضحك :طب ممكن نتعرف بقا.انا النقيب ادم سعد.
مرام بابتسامه :وانا الرائد مرام وائل الصاوي.
ادم باعجاب :وااو جبتي رائد دي امتي وازاي؟
مرام بضحك وهي تجلس :تعالي اقعد وانا اقولك.
ادم وهو يجلس بجانبها :وادي قاعده.. قولي بقا.
مرام بضحك :بص يا سيدي انا......

*ياتري مرام هتقول اي؟🤔
*واي حكايه بانه وادهم هلي هيقابلها تاني؟🤔
*أسر بيفكر في مرام ليه؟ 🤔
اي هيحصل الحلقه الجايه؟

تابعوني واكتبوا رايكم في الشخصيات وفي الروايه واتمني تشاركوني التوقعات ♥
وبالنسبه للشخصيات اي اكتر شخصيه عجباكم 🤔ورايكم ممكن عقده مرام تتفك ولا لا؟