قطتي شرسه"

الفصل الثالث عشر

روايه "قطتي الشرسه" 😻

البارت الثالث عشر :

واخر لحظاتنا الحلقه اللي فاتت لما 🤔...... 💡:
مرام بضحك :عادي يا سيدي جبت رائد زي اي حد ما بيجيبها.
ادم باستنكار :يعني انتي عماله تقولي تعالي وانا اقولك وقعدتني وخليتي الناس من امبارح مستنين هتقولي اي عشان في الاخر تقوليلي جبتها زي ما اي حد بيجيبها.. روحي يا شيخه ربنا يسامحك.😑
انفجر الجميع في الضحك علي ادم حتي مرام لم تستطع ان تتوقف من نوبه الضحك التي جائتها.
عمرو وقد اتي إليهم : هي بجد بتضحك؟؟😳
نظر اليه الجميع وانفجروا ضاحكين مره اخري.
مرام بحنق طفولي :هو انا للدرجندي شريره وشايفني مش بضحك؟ 🤨
عمرو وهو في صدمه :يا جدعان هي دي اللي ادتنا كلنا علقه موت من يومين.. دي طلعت بتعرف تضحك وتتكلم زي البنات. 😳
ادم وهو يضحك :اقعد يا عموري وربنا دي طلعت مختلفه خالص عن ما كنا شايفينها.
عمرو وهى يجلس : اي ده انت اتعرفت عليها؟
ادم :ايون.
مرام وهي تجلس وتمد يدها لعمرو :هاي انا الرائد مرام وائل الصاوي.. تشرفنا... وانت ؟
عمرو وهو يمد يده بابتسامه :هاي واتنين وتلاته علي عيونك يا قمر.. انا النقيب عمرو حمدي... الشرف ليا يا جميل 😉
مرام وهي ترفع حاجبها وتضرب عمر علي كتفه :جرا اي يا سكر انت لاقتني بضحك تروح تقولي قمر وجميل لا يا هارتي انا هنا تعاملني زي ما بتعامل ادم واي راجل هنا.
عمرو وهو يرفع حاجبه :شخصيتك عجباني فعلا...قويه وكمان مش زي البنات.
رامي بمرح :بنات مين يا عموري وهو في بنات في القعده الحلوه دي!!
مرام بتأكيد :قوله يا رومي.. انا عن نفسي مش شايفه بنات 😂
سامر بمرح :طب احياة عيالك يا شيخ القعده دي لو كان فيها ست مش كانت هتبقي منكده.. لكن اي قاعده طلامه هي هاديه وكلها هزار وضحك تأكد أن هي مفيهاش ست.
عمرو بضحك :انتي حقك مهدور هنا خالص 😂
مرام بضحك :مين قالك كده؟؟ انا حقي موجود بس انا اللي مش بصنف نفسي تبع البنات مش اكتر 😂
عمرو بضحك :طب شوفتي الكلام خدنا ونسيت أسألك اخبار صحتك اي؟؟ انتي كويسه النهارده؟
مرام بابتسامه :اه كويسه الحمد لله شكرا على سؤالك 😊
ادم وهو يفرك شعره :انتي هتنزلي معانا بكرا؟
مرام بغمز :ايوه يا سيدي وهظبطكم.
ادم بحرج :طب بجد انتي مش زعلانه من اللي عمله أسر.
مرام وقد تصلبت لثواني فهذا الاسم حين يذكر تتدمر خلاياها ولكنها تماسكت بشق الأنفس وقالت بصوت مبحوح :ااا... اس.. أسر مين ؟
حمزه بسرعه ليكتشف نبضها هل هي بخير ام لا :مرام.. أسر ده يبقي القائد بتاع فريقهم مش احنا قولنالك!
مرام بهدوء مصتنع :ايوه.. ايوه صح.. بس هو القائد بتاعهم كان عملي اي يزعلني؟
ادم باستغراب :مهو القائد بتاعنا ده هو نفس ذات الشخص اللي بيدرب الفرق كلها.
مرام وهي تقف بصدمه :قصدك ان أسر ده هو نفس ذات الشخص المغفل الغبي الأحمق اللي معندوش دم  البارد اللي خلاني قاعده في السرير يومين!بسبب الافتري بتاعه وانه شخص مش بيحس باللي حواليه.
ادم بتأكيد :ايون.
رامي وهو يحاول مسك ضحكته : وهو نفس ذات الشخص اللي واقف وراكي يا ميرو.
مرام وهي تنظر خلفها بغل لذلك البارد الواقف خلفها يضع يده في جيبه وينظر لها وهو يرفع احد حاجبيه : هو ده بقا؟
رامي وقد قام بسرعه بجانب مرام ليهتف لأسر :اي ده الكابتن بنفسه منورنا اتفضل اقعد يا كابتن.
ويأخذ مرام من يدها بعيدا قليلا.
ثم همس لمرام :مرام انتي متخشبه كده ليه؟ انتي مش قولتي ان الاسم مش بيتعبك ولا بيفكرك بحاجه .
همست مرام  :في حياتي مفيش غير أسر واحد بس ومفيش حد شبهه ولا حد زيه وحتي لو الكائن ده يحمل نفس الاسم ف مش هيفكرني بيه.
رامي وهو يربت علي كتفها :طب تعالي اقعدي بقا وانسي.
مرام :لا هروح انام.
رامي بتصميم :لا عشان لو لقاكي نمتي هيقول انك بتخافي منه.
مرام هي تضربه علي راسه :انت عبيط يلا انا اخاف من ده!!
رامي :طب تعالي اقعدي.
جلست مرام بين  رامي وادم وبجانب رامي كان حمزه وسامر وبجانب ادم كان عمرو وجلس أسر أيضا.
ادم :متجمعين عند النبي ان شاء الله 😊
الجميع :ان شاء الله.
سامر :طب وبعدين؟
ادم بمرح :نلعب طبعا.
أسر :نعم؟؟
ادم بمرح :لالا والنبي فك وش القائد والكلام ده دلوقتي خلينا ننبسط ونستعد للي هتعمله فينا الصبح.
أسر ببراءه :ليه انا بعمل فيكم اي؟
مرام بتهكم:كل خير 😏
نظر أسر لها بابتسامه جانبيه تدل علي استهزاءه بكلامها.
حمزه :طب ده منظر ناس تلعب.. احنا كبار علي اللعب يا بابا.
ادم :علي اساس اني بقولك تعالي نلعب استغُمايه او علبه الوان!! 😒
سامر :طب هنلعب اي؟
ادم :صراحه 😌
مرام برفض :لا.
أدم :ليه؟
مرام بهدوء :ببساطه كده لعبه صراحه دي زي اسم علي مسمه بنسأل اسأله والمفروض نجاوب بصراحه وكل واحد عنده حاجات مينفعش يقولها في القعده دي لأننا لسه متعرفين... ومينفعش تقول لحد علي حاجه بصراحه وانت لسه عارفه.
ادم بتفكير :رد مقنع جدا جدا. 🤔
أعجب اير برد مرام جدا.. وابتسم حمزه علي ذكاء مرام لعمل حجه لمنع اللعبه حتي لا تُسأل عن شئ من الماضي.
ادم بتفكير :طب اي رايك.. عشان مفيش لعبه غيرها.. ممكن نلعبها ولو في سؤال جيه شخصي او صعب تقولي عليه.. هتقولي عديه ومحدش هيجبرك تجاوبي عليه.
مرام بتفكير :ممممم🤔..... موافقه 🤷‍♀
ادم :حلو جدا. نلعب بقا.
سيف وهو يمسك زجاجه ماء في يده :اي ده متجمعين وبتلعبوا من غيري.
سامر بمرح :ماشاء الله عمالين تهلوا واحد ورا التاني😂
سيف :امشي يعني.
رامي :لا ياعم اقعد بنهزر.
جلس سيف بجانبها وقال لمرام بابتسامه :ازيك دلوقتي كويسه؟
مرام بابتسامه :كويسه الحمد لله.
سيف بتقديم نفسه :انا الرائد سيف الاسيوطي.
مرام :تشرفنا.. الرائد مرام وائل الصاوي.
سيف باعجاب :جبتي رائد دي امتي؟
مرام بابتسامه :جب.........
ادم مقاطعا :والنبي مانتي تاعبه نفسك وقايل انا هقوله.. هي جابتها زي ما اي حد بجيبها.
انفجرت مرام وفرقتها في الضحك ومعهم ادم والدهشه علي وجه كلا من أسر وعمرو وسيف.
ولكن أسر لم تدم دهشته كثيرا فضحكتها كانت لها أثر في جذب انتباهه للمرة الثانية لتجعله يتوه بها مجددا.
سيف :مش فاهم؟
حمزه بضحك :اصل ادم سأل نفس السؤال وهي جاوبت الاجابه دي 😂
سيف :اه تمام 😂😂👌👍
ادم :نلعب بقا.
امسك ادم زجاجه الماء التي كانت في يد سيف ولفها وجاءت اللفه علي سيف يسأل مرام.
ادم :سيف اسأل مرام.. بس خد بالك في اسأله هي هتقولك عديها ف تعديها.
سيف وهو ينظر لعيون مرام  :تمام..... اممممم مرام هو ده لون عيونك عسلي ولا مستلفاها من حد؟
ادم :اي السؤال الغريب ده؟؟ يعني اكيد لون عينيها مش هتلبس لينسيز في مكان زي ده 😏
مرام بضحك ونفي :لا مش لون عيني. هي فعلا لينسيز 😂
ادم بصدمه :أحلفي.
مرام بضحك :والله.
سيف :طب لونها اي؟
مرام وهي تلف الزجاجه :هي مش اللعبه سؤال واحد ولا اي؟ يلا انا هلفها.
لفت مرام الزجاجه لتستقر علي رامي يسأل عمرو.
رامي :عمرو انت دخلت شرطه لي؟
عمرو :اممم عشان ده كان هدفي من زمان اوي.. وبحب الشغلانه دي جدا.
رامي :ربنا يوفقك فيها.
امسك عمرو الزجاجه ولفها لتستقر علي أسر يسأل حمزه.
أسر : حمزه... أسألك اي؟
حمزه بضحك :اي حاجه مش فارقه يا كابتن.
أسر بضحك :لا كابتن اي يا راجل هنا مفيش كابتن الكلام ده الصبح بس.
رامي بصدمه :اي ده انت زي نيزار؟
أسر باستغراب :نيزار مين؟
رامي بمرح :نيزار اللي في فيلم أمير البحار... ده الصبح بيبقي حاجه وبليل حاجه تاني خالص.
أسر بضحك :حاجه زي كده.. المهم خلينا في السؤال... طيب يا حمزه انت وفرقتك تعرفوا بعض بقالكم كام سنه؟ يعني كل واحد فيهم تعرفوا من كام سنه؟
حمزه :اممم احنا مع بعض من زمان اوي.. انا ورامي وسامر صحاب من قبل الكليه وكمان مرام نعرفها معرفه عائليه احنا أكبر منها بثلاث سنين.
أسر :اه تمام.
امسك حمزه الزجاجه ولفها مره اخري لتستقر بين مرام وعمرو ليسال عمرو.
عمرو بضحك :انا السؤال بتاعي بقا هيبقي سؤال سيف اللي هو لون عينك الحقيقي اي؟
مرام بضحك :انتوا مصممين علي السؤال بقا... بس على العموم اللون ازرق.
ادم بضحك :يعني انتي قولتي عسلي لا وخليتيها ازرق مره واحده اي النصب ده.
مرام بضحك :مش نصب والله... بجد عيني زرقا.
ادم بتحدي :طب اثبتي. 😏
مرام :ازاي ؟🙄
ادم :شيلي اللينسيز 😁
صمتت مرام قليلا ثم تذكرت أسر وكلماته لها في الماضي ♥🍃
*أسر بحب وهو ينظر في عيونها :مرام مش عايز حد يشوف عيونك دي غيري... عيونك دي ملكي انا . انا وبس ومش من حق أي حد تاني يشوفها ولا يغرق فيها غيري 😍*
مرام وقد فاقت من شرودها :معلش يا آدم دي لا عشان عيني بتوجعني لما اشيلها.
ادم :طيب تمام اوك. نكمل لعب بقا.
مرام وهي تتثائب وتنظر في الساعه في يدها :اي ده الساعه بقت ١٠ احنا قعدنا هنا كتير اوي.. يلا ننام.. ثم اكملت بتهكم وهي تنظر لأسر.. عشان نستعد بكرا تاني للابتلاء.
أسر بتأكيد :معاها حق يلا كله ينام.. ثم اكمل بسخريه.. وعشان تبقوا فايقين بكرا للابتلاء.
ادم وهو يضع يده علي قلبه :كده انا اتأكد اننا هنتفرم.
مرام وهي تنهض :انشف يلا.. يلا تصبحوا علي خير يا شباب.
حمزه :تصبحوا على خير.
رامي :بكرا نقعد كده تاني.
سامر :يلا تصبحوا على خير.
ادم :ان شاء الله نقعد تاني.
عمرو :وانتوا من اهل الخير.
سيف :باي.
ودع الجميع بعضهم واتجه ا الي غرفهم واستقل كل منهم سريره ونام الجميع عداا.. أسر الذي بقا يفكرفي تلك الفتاه العنيده التي هي مزيج من القوه والبهجه والضحك والرقه والضعف في نفس الوقت.. سيسعي لمعرفة شخصيتها اكيد..... 🤔🍃.

*هل هيقدر أسر يكتشف مرام؟ 🤔
*هل ستسمح ملكه الغموض لغريب ان يقتحم حصونها ليكتشف عاملها الخاص؟ 🤔
*أسر حبيب مرام مات ازاي؟ 🤔
*اي المعرفه العائليه اللي بتربط حمزه ورامي وسامر بمرام؟ 🤔

رايكم ♥