قطتي شرسه"

الفصل الثامن والعشرون

رواية "قطتي الشرسة" 😻

الفصل الثامن والعشرون :😚

واخر أحداث الحلقة اللي فاتت 🤔:
سيف :طب رامي روح آسر عايزك.
رامي :عايزني انا!! خير ان شاء الله؟
عمرو :منعرفش.. روح وهو هيقولك.

ذهب رامي الي آسر.
رامي :خير يا آسر؟
آسر :بقولك يا رامي هو انت تعرف مرام من بدري؟
رامي بلا مبالاه :اها.
آسر :طب انت اتعرفت عليها ازاي؟
سكت رامي قليلا فهو يعلم أن آسر يحاول استدراجة ليعرف اي شيئ عنها.. هل يخبره ام لا؟؟ انه بعد بضع ساعات سيكون زوجها أمام اللّه.. ويحق له ان يعلم اي شيئ عنها.. او علي الاقل ان يعلم مما هي مجروح فلا يفعل اشياء تزيد جرحها.. ولكن هل هكذا يخون صديقته؟؟ انه لا يخونها انه يحبها ويريد لها الخير.. ولكنه لايعلم هل ستكمل مع آسر مدي الحياة ام انها مجرد مهمة عليهم قضائها وينتهي بها الحال لتكون مطلقة.. فبعد ان كانت فتاة مات خطيبها فقط تصبح أيضا مطلقه.
رامي :وانت عايز تعرف لي؟
آسر :بص يا رامي انا بعد شويه هكون جوزها.. ومن بكرا هنطلع المهمة يعني مش هقدر اتكلم معاها خالص ولا اعرف عنها أي حاجه... وانا من حقي اني اعرف عنها أي حاجه عن حياتها علي الاقل.
رامي بخبث :وتعرف ليه هو انت هتبقي جوزها بجد يعني؟ دي مجرد مهمة لمدة أسبوع.. هتخلص وكل واحد يروح لحاله.
نظر له آسر نظرة حارقة جعلت رامي يكاد يقع من كثرة الضحك.
آسر وهو يرفع حاجبه :بتضحك علي اي؟؟
رامي وهو يحاول التماسك :اصل كل دي نظرة عشان قولت كلمة.. بس اللي عايز اقولهولك بقا يا معلم.. انك مفضوح وباين اوي انك واقع.. وان موضوع المهمة دي والجوازة جالك في الوقت المناسب صح؟
آسر وهو يكور يده في محاولة لضرب رامي :طب طلامة انا مفضوح اوي كده.. ماتيجي معايا سكة وترسيني علي الحوار.
رامي :كان علي عيني يا معلم.. بس اللي انت عايز تعرفه مينفعش غيرها تقولهولك.. ومش هتقوله غير لو هي حابة تكمل.
آسر بخيبة امل :طب مهو انا كده مش عارف مفاتيحها اي؟؟ صعب اوصلها واخليها تكمل معايا طول ما انا مش عارف ادخلها ازاي؟
رامي :متقلقش هتعرف تدخل.. لو انت بتحبها بجد هتدخل.. بس كل اللي اقدر اقولهولك.. إن مرام مرت بمرحلة صعبة جدا في حياتها.. والمرحلة دي لسة مقصرة عليها لحد دلوقتي.. يمكن دخولها العملية دي سببه انها عايزه تاخد طار قديم.
آسر :انا مش فاهم حاجه.🤤
رامي :مع الوقت هتفهم.. عليك أنت بس تعلقها بيك وبطريقتك تخليها تنسي اللي فات وتحبك.
آسر :هتحبني ازاي؟؟ هي مش مرتبطه؟🙄
رامي بدهشة :مين قالك انها مرتبطه؟؟🤨
آسر :سمعتك بتقولها كده قبل كده.. ده غير اني شوفت صورة حبيبها بنفسي.. بس اللي مستغربة انه اكيد عرف انها هتتجوز.. ازاي مظهرش ورفض حاجه زي دي.. هو اكيد لوبيحبها مش هيسمح انها تتجوز واحد تاني.
ضحك رامي بسخرية :واضح انك ركبت كل حاجه في دماغك غلط. 😏
آسر بعصبية :طب فهمني اي الصح بقا.
رامي بأستفزاز :لا. 😌
آسر بحدة :رامي 🤬
رامي بسخرية :عايز مني اي يا آسر؟؟ الله 🙄
آسر :رامي أنجز وهات من الاخر انت عارف انا عايز منك اي.
رامي ببرائه مصنتعه : ابدا.. وحياة ال.... ال الكرسي ده مأعرفش انت عايز اي؟
آسر :رامي.
رامي بضيق :بص انا قولتلك عايز تعرف حاجة اسألها هي مش انا.
آسر :طب سؤال واحد بس.. هي في حد في حياتها؟؟
رامي بضيق :انا اول مرة اعرف ان القائد بتاعنا زنان كده.. بص انا معرفش اسألها هي... عن اذنك.
وتركه رامي وذهب كم هو احمق كيف يتركه هكذا دون أن يخبرة بأي شئ.. كيف يتركه تائها يتخبط في خوف ففكرة ان من يحبها قد تكون تعشق اخر تكاد تقتله.. ولكن كل ما يعلمه انه قد يقتلع قلبها من مكانه ان علم انه يدق لآخر.. من اي اتي بهذا الشعور بالأنانية والتملك لا يعلم ولكنه يعلم انه يعشقها وسيفعل المستحيل ليظفر بقلبها... ❤️
وحين ابتعد رامي عنه انفجر في الضحك حتي ادمعت عيناه.. فهو لم يتخيل ابدا ان يحب القط الفأر.. فكيف لآسر أن يحب مرام.. ولكن ما اعجبه ان هناك نظرة شغف لمحها في عين آسر هل يمكن أن يكون قد احبها لدرجة العشق..إن مرام صديقته ويتمني لها الخير ويطلب من الله ان يعيد لها حياتها مره اخري.. فهل آسر هو من سيعيدها..؟
رامي بشرود :واضح ان ربنا كان كاتب ان حياتك يبقي فيها آسر.. اي آسر فيهم مش مهم المهم ان ربنا اكيد هيرجعلك حياتك تاني.