قطتي شرسه"

الفصل السابع والعشرون

رواية "قطتي الشرسة"😻

الفصل السابع والعشرون :❤️

واخر أحداث الحلقه اللي فاتت 🤔:

في غرفة والدا مرام :
ريم :يعني هو قالك كده؟
وائل بفرحه :ايوه.
ريم بأبتسامه :يعني الموضوع مش كده وكده زي ما بتك قالت.
وائل :بصي هو مرام فاكره كده.. يعني مرام كل اللي تعرفه ان الجواز ده لمدة أسبوع بس... لكن هو جيه النهارده مع اللوا احمد وطلب ايدها مني وكمان قالي ان الموضوع بالنسباله بجد.. وهو بعد ما يتجوزوا والمهمه تخلص هيقنعها.
ريم :انا كنت رافضه.. بس طلامه هو عايزها بجد انا فرحانه.. هو اسمه اي؟؟
وائل :اسمه آسر.
ريم وهي تضع يدها على رأسها :تاني يا مرام. 😱
وائل بحزن :يمكن ربنا حب يعوضها عن آسر اللي مات.
ريم :ربنا يريح قلبها.
وائل بضحك :بس يارب الواد بنتك متخليهوش يطفش.
ريم بزعل مصتنع :اخص عليك دي مرام حتة سكرة لولا اللي حصل كات زمان البيت مليان بضحكها دلوقتي... المهم تعالى نتكلم معاها.
***********************
في منزل آسر :
سارة بفرحه :بجد يا آسر انت هتتجوز؟؟
آسر :اتجوز اي بس.. مش لما ست الكل تفك التكشيرة اللي علي وشها دي الأول... مالك يا قلبي زعلانه لي؟؟
السيدة هند :مش عارف زعلانه لي؟
آسر :يا ماما يا حبيبتي ما انا فهمتك انها زميلتي وانا بس اتفقت مع باباها عشان نعمل موافقة مبدأيه.
السيدة هند :طب دي وفهمناها... لكن كتب كتاب بكرا ازاي؟؟ دي مش فاهمه.. يعني انت تطلب ايدها النهارده ومن غير ما تخدني معاك وتخليني اشوفها.. ولا فترة خطوبة.. ولا اي حاجه.. كده كتب كتاب علي طول.. اي اللي يخليك تعمل كده؟
آسر :ياست الكل ما انا قولتلك.. اني أعجبت بيها. وعايز اتجوز بسرعه عشان انتي ترضي عني وتبطلي تقولي اتجوز.
السيدة هند :آسر يابن بطني.. انا عارفاك كويسه.. انت بقالك سنين بقولك اتجوز وبطنشني.. اشمعنى دلوقتي.. لا وكمان تتجوز بكرا.. طب كنت قولتلي قبلها.
آسر بهمس :كان علي عيني والله بس انا شخصيا عارف الموضوع ده النهارده 😂.
السيدة هند :بتقول اي؟؟
آسر بضحك :بقولك.. موافقه ولا لا؟
السيدة هند بتفكير :مش هوافق غير لما تقولي الحقيقة.
سارة :جرا اي يا ماما هو تحقيق ماقالك هيتجوز وخلاص.. خلينا نفرح بيه.
السيدة هند :اخرسي انتي يا مقصوفة الرقبة 😡
سارة :الواحد مش عارف يفرح في البيت ده 🙄
آسر بابتسامة :خلاص يا ماما وافقي الله يكرم اصلك.
صرخت والدته وهي تضرب بيدها علي فخذها :اوعي يا واد تكون متجوزها عرفي وهي حامل منك وجاي تتجوزها عشان تتستر عليها.
سارة وهي تنهض لترحل :لا لحد كده واستوب.. انا همشي لان الست الوالده هتبدأ في روايه من بتوعها.. ربنا يعينك يا معلم.
آسر وهو يخبط كف بأخر :يخربيت الروايات والأفلام اللي بوظوا دماغكم... ياماما يا حبيبتي الموضوع مش مستاهل كل ده.
السيدة هند :طب قولي مستاهل اي يا فالح؟؟
آسر بأبتسامة متسعة :مستاهل انك توافقي.
السيدة هند :قولتلك هوافق لما اعرف الحقيقة.
آسر بتنهيده :حاضر يا أمي هقولك بصي هو في الحقيقة كده انا هسافر بعد بكرا عندي مأمورية في الغردقة.. وانا كده كده كان في نيتي الجواز منها.. ف قولت بما اني مسافر.. اتجوز ونكتب الكتاب ونروح نقضي شهر العسل بالمرة ولما نرجع نعمل فرح.
السيدة هند بضحكه :بتضحك عليا يا آسر!! اوعي تكون فاكر اني مش عارفة انك بتضحك عليا.
آسر وقد علم انه لا مفر :بصي يا ماما من الاخر كده احنا طالعين انا وهي مأمورية مع بعض فعلا.. ومن شروطها اننا نبقي في نفس المكان.. يعني في نفس الأوضة و كمان لازم يبان ان في علاقة بينا ف عشان حرام انا وهي نبقي في علي الوضع ده قررنا نكتب الكتاب ولما المأمورية تخلص هنبقى نشوف هنعمل اي؟
السيدة هند بنظرة عتاب :وانتوا ملقيتوش غير الجواز.. هي اعراض الناس لعبة.. افرض اطلقتوا تبقي هي مطلقة واتحسبت عليها جوازه.. وحلني بقا لحد ما حد يرضي يتجوز مطلقة.
آسر بأبتسامه خبيثة :ده لو طلقتها.
السيدة هند بضحكة خافتة :شكلها عجباك!
آسر وهو يسرح فيها :جدا.
السيدة هند :طب يعني كده الجواز هيبقي حقيقي؟؟
آسر :بصي يا ماما هي فاكره ان الجواز اسبوع المأمورية بس وهنطلق... بس انا النهارده روحت لوالدها وطلبتها منه رسميا.. هو مكانش موافق لما عرف انها شغل.. بس لما اقنعته اني عايز اتجوزها علي طول فضل يفكر وبعد فترة من التفكير والاقناع وافق.
السيدة هند :ربنا يعمل اللي في الخير.. طب انا عايزه اشوفها.
آسر :بكرا في كتب الكتاب.. العيلتين هيبقوا موجودين.. متقلقيش.
السيدة هند :ربنا يفرح قلبك ويسعدك يا بني.
آسر بفرحة :يعني موافقة!
السيدة عند بأبتسامة :اه. موافقة.. ربنا يتمملك علي خير.
قبل أسر يد والدته بحب واحتضنها بفرحة عارمة فهو حتي الآن لا يصدق ان ما حدث حقيقة.. صعد اللي غرفتة وخلع قميصة ورماه جانبا وارخي جسده علي سريره واضعا يديه خلف رأسه.. سارحا فيها.. ولكنه افاق علي شئ آثار عقلة.
آسر لنفسه :المفروض انها مرتبطة.. وانا شوفت حبيبها ده بنفسي.. بس لما اتكلمت مع والدها مجبليش سيرة إن في حد في حياتها... ممكن تكون بتحبه من وراهم؟! (احس بنيران تشتعل في قلبه رويدا).. ياتري في حد في حياتك فعلا يا مرام؟.. مش مهم.. المهم انك هتبقي بتاعتي انا.. وساعتها وريني حد هيقرب منك ازاي؟؟ وقتها بس اللي هقدر انسف اي حد يجي جنبك.. وهعرف مين الشخص ده.. لازم اعرف.
وبعد قليل من التفكير نام علي الفور فهو يود لو تلك الدقائق البطيئه تمر بسرعة حتي يراها مجددا.
*************************
في منزل مرام :
مرام :بجد!! انتوا موافقين ؟؟
وائل والدها :ايوه موافقين.
مرام :اي التغير المفاجأ ده؟؟
وائل والدها :اللوا احمد اقنعني ان ده عشان مأمورية مهمه جدا... بس عايز أسألك انتي موافقة.
مرام بصدق :انت عارف اني مش موافقة يا بابا.. وعارف أن ده غصب عني.. انا عملت كده عشان امسك الكلب اللي كان السبب في موت آسر.. وبعدين انا عمالة ادعي ربنا ان الجوازة دي متتحسبش عليا.. بابا انا عمري ما حبيت غير آسر ولا هحب زيه.. ومش عايزة احب غيرة اصلا.. تعرف اصلا انا حاسه انه زعلان مني.. وهيضايق لو انا اتجوزت غيرة.. تفتكر هو خلاص كده زعل مني ومش هيحبني تاني؟
كانت مرام تتحدث بألم كانت كالطفلة التائهة التي لا تدري اي طريق تسلك.. كطفلة تتمسك بشخص تحبة وتخشي ان يحزن منها... كان والدها ينظر لها بألم اما والدتها ففي الحال ذهبت لتحتضنها. بينما كارما وتالين تنظران لها بحزن ودمعهم سائل علي وجوههم.
مرام وهي تمسح دمعها :جرا اي انتوا هتفضلوا تبكوا كده كتير.. بطلوا بكا آسر كده هيزعل.
احتضنها والدتها جيدا وقالت بأبتسامه :متخافيش هو مش هيزعل ابدا.. هو فرحان جدا انك بتحبيه.. بس هيفرح اكتر لما يلاقيكي فرحانه ومش موقفه حياتك.. متفكريش انك لو اتجوزتي واحد تاني هو كده هيزعل.. اكيد هيبقي مبسوط جدا عشانك.. اللي بيحب حد بيتمناله السعادة. صح.
مرام وهي تتشبث بها جيدا وتغلق عيونها بألم :صح.. بس هو هيبقي مبسوط اكتر لما اموت وابقي معاه هو فوق مش مع حد تاني.
ضربتها والدتها بخفه وهتفت بألم :بعد الشر عنك متقوليش كده تاني.
تركت مرام والدتها واتجهت الي والدها واحتضنته ونظرت لعيونه بضعف وهتفت :بابا تفتكر هيزعل مني؟
احتضنها والدها بحب ومسد على ظهرها بحنان وهتف :مش هيزعل منك ابدا يا حبيبتي.
مرام بضعف :بس انا اللي كنت السبب في موته.. ودلوقتي هتجوز... يعني هو مات عشاني.. وانا اعيش حياتي بعده عادي ازاي؟؟ ده ميرضيش ربنا...انا كده قاسية اوي.
اقتربت منها تالين ووضعت يدها على كتفها وهتفت بألم :انتي مش السبب في موته.. ده قضاء ربنا.. آسر كان نعمه من ربنا.. وربنا اخده عندو.. كل واحد وليه قدر يا مرام.. كلنا هنموت.. لو مكانش مات وقتها.. كان ممكن تحصله حاجه ابشع من كده ويموت بردو.
مرام بصراخ :بس مفيش ابشع من اللي حصله عشاني.
أخذوا يهدأوها وخرجت كارما مسرعه تحضر بعض المياه والدواء المهدء الذي تأخذه مرام.. واحضرت بعض عصير الليمون. واعطتهم لها.. وبعد مده كانت مرام في ثبات عميق في حضن والدها.
حملها والدها برفق ووضعها علي الفراش ودثرها جيدا.. وأخذت والدتها ريم تقرأ علي رأسها بعض الآيات القرآنية.. لعل روحها تهدأ وتسكن قليلا.
وخرج الجميع تاركين اياها ترتاح قليلا.
ذهبت تالين مع كارما لغرفتها لتبيت معاها.. بينما توجهه وائل وريم معا اللي غرفتهم.. تاركين أنفسهم للغد دون أن يفكروا كيف سيكون.. فكل ما هو مهم ان تكون ابنتهم سعيده.
**************
مرام بحب :وحشتني اوي ❤️
آسر بحب :وانتي كمان وحشتيني اوي اوي 💓
ركضت مرام له واحتضنته بحب وعشق وتشبثت بيه جيدا.. وهي لا تصدق انه الان أمامها.. وانها تحتضنه هكذا. ❤️
آسر بضحك :يخربيتك يا مجنونة.. ماسكاني كده ليه؟
رفعت عيونها له بنظرة طفوليه :مش قادره اسيبك.. ماتروحش تاني بقا.. خليك معايا 😣
ابتسم آسر لها بحب وامسك بوجهها بين راحته وهتف بحب : حبيبي.. لازم اروح.. كلنا في رحله وانا رحلتي خلصت وكان لازم اروح.
مرام بدموع :مكنتش هتروح.. بس انا السبب في ده.
آسر بحب :اوعي تفكري كده ابدا.. انتي مش السبب ده قدر.. انا عمري وكان انتهي عند اللحظه دي.. متلوميش نفسك.. لأنك لو فكرتي كده تاني.. وقتها اللي هزعل منك.
مرام بنظرة خوف :آسر انا هتجوز 😞
ابتسم لها آسر وهتف :عارف.. وجاي اقولك النهاردة مبروك يا احلي حاجه في دنيتي.. ووافقي.. وافرحي.
نظرت له مرام بألم :انت ازاي تقول كده؟؟ انت مش كنت بتقولي انك بتحبني.. وانه مش من حق أي حد تاني يحبني غيرك.. واني مش من حق حد تاني.. ازاي جاي تقولي مبروك.. ازاي جاي تقولي افرح.. فرحتي كانت معاك انت.. فرحي كان معاك انت... انا مش عايزه غير ابقي مراتك انت.
آسر :بس انا مش موجود.
مرام :خلاص.. هستني لحد ما اجيلك وابقي معاك.
آسر :لا.. لازم تحبي وتعيشي وترتاحي من همك ده.ارجعي لحياتك تاني لو بتحبيني.
احتضنته مرام بشده وغمست رأسها في صدره وهي تستنشق رائحته التي افتقدتها :ايوه بحبك بحبك اوي اوي.. بس متسيبنيش لوسمحت.. آسر لوبتحبني اوعيى تسيبني.
آسر :انا كمان بحبك اوي وعمري ماهسيبك.
رفعت مرام رأسها بخضه يا الهي كيف هذا لقد احتضنت آسر حبيبها القديم والان تسمع صوت اخر وحين نظرت له وجدت انه آسر الثاني.. كيف تبدلا هكذا.
مرام بصراخ وهي تدور حول نفسها تبحث عنه :آسرررر.. آآآسىرررررر.. آسر انت فين؟
حاول الاخر الاقتراب منها ليقول بحب :انا هنا قدامك يا مرام.. اهدي.
لتصرخ فيه بكل قوة وانهيار :ابعد عني.. انت مش آسر.. انا عايزه آسر... آسر ارجوك ارجع.. ارجوك متسيبنيش.. خليك جنبي.. انا محتاجاك اوي.. انا بموت من غيرك.. ارجوك إسمع كلامي وتعالي.
لتقع علي الارض بأنهيار فهى ماعادت تحتمل حياتها من دونه.
ليلحق بها الاخر ويحتضنها بحب.. ويغرسها داخل أحضانه ليقول بحب :انا هنا جنبك.. وعمري ما هسيبك وهفضل سندك وحمايتك للأبد.. بس ارجوكي انتي متسيبينيش.
مرام بضعف :بس انا مش عايزاك انت.. انا عايزه حبيبي.
آسر بحب :انا حبيبك.
مرام بضعف :لا مش انت.. هو.. هو اللي حبيبي.
آسر :طب تسمحيلي ابقي حبيبك؟
نظرت له مرام بدهشة ولكن تبدلت نظرتها للسعاده حين لمحت حبيبها يقف خلف آسر الذي يحضنها.. حاولت الفرار لتلحق بحبيبها ولكن حبيبها أشار لها لتتوقف... وفي نفس اللحظه سأل آسر الذي يحتضنها سؤاله مرة أخرى :تسمحيلي ابقي حبيبك؟؟
لم تكن لتجيبه ولكن وجدت حبيبها يبتسم لها ويهز رأسها بنعم.. كأنه يشجعها علي القبول.. احقا يوافق ان تكون لآخر.. احقا لم يعد يريدها ملكاً له فقط.. ويسمح لها الآن بأن تكون لآخر.
وبدون اراده منها وجدت نفسها تؤمي برأسها بنعم.. كدليل علي موافقتها.. ولكن في الحقيقة هي لم توافق.. بل فعلت هذا بدون إرادة منها... اما الاخر فأحتضنها بشده دليل علي سعادته بما درا..
نظرت للذي ابتسم بسعاده وادار وجهه ليرحل.. حاولت النداء عليه ولكن اختفي صوتها.. رأتها يسير بسعاده متوجها لطريق ابيض اللون.. وظل يسير حتي إختفي تماما.
وبعدها خرج صوتها وهي تهتف :آسررررررررر.
..
استيقظت مرام من نومها وهي تتصبب عرقا..
مرام وهي تضع يدها علي قلبها :يارب انا اى اللى عملته في الحلم ده؟؟ ازاي اوفق... لا ده جواز صوري وعلي ورق بس... يلا ربنا يستر.
نظرت حولها وجدت ان الشمس أشرقت وان اليوم الجديد قد حضر.. واليوم هو كتب كتابها.
نهضت بتثاقل وأخذت حماما دافئا لعله يريح اعصابها.. وتوضأت وصلت غرضها.. وارتدت (بنطلون جينز ازرق وقميص ابيض وجاكيت كت اسود اللون.. وارتدت حذاء رياضي ابيض اللون... وصففت ذلك الشعر المستعار الذي ترتديه.. ونظرت لنفسها في المرأه.
مرم بتقيم :اممممم حلو مش بطال.. يعني اهو افضل من لبس الرجاله بردو.. مش انا بلبس زي الرجاله ومحتاجه تعديل وربنا لوريك يا آسر يا رخم. 😈