قطتي شرسه"

الفصل الثاني والأربعين

رواية " قطتي الشرسة" 😻
** ** ** ** ** ** ** ** **

الفصل الثاني والأربعين ❤️... (الحلقة الأخيرة 😌)
** ** ** ** ** ** ** ** **:** ** ** ** ** ** ** **
في المديرية صباحا.
كانوا جميعا يجلسون يتناقشون عدا سامر ومرام بالفعل.
حمزة : طب ي جدعان لحد دلوقتي مستفدناش اي حاجة... ولا وصلنا للبضاعة ولا ميعاد التسليم ولا لزكريا ولا لأي اي حاجة.
سيف بتأكيد : صح... اليوم الزفت ده مكانش ليه لازمة.
عمرو بتفكير : ولا حتي عرفنا الجاسوس.. الموضوع صعب. احنا بقينا نشك ف نفسنا.
آسر : القضية معقدة مفيش اي خيط يوصلنا لأي حاجة.
قاطعهم دخول مرام المفاجئ وهي تهتف : هاااي عليكم يا شباب.
ادم بأبتسامة :ميرو ازيك؟
رامي بضحك : اي اللي جابك مش كنا ارتاحنا منك؟؟
نظرت له مرام بغيظ وتوجهت الي آسر وهي تهتف :ازيك ي آسر؟
آسر :ازيك ي حبيبتي اي اللي جابك؟؟
مرام وهي تضع حقيبتها علي المكتب وتجلس القرفصاء علي الكنبة : جاي احل اللغز.
آسر : لغز اي؟؟
مرام بأبتسامة :امممم لغز الجاسوس والمهمه المعقدة... خلاص كل حاجة لازم تبان.
عمرو : وانتي تعرفي الحل منين؟؟
مرام بضحك : منين دي بتاعتي انا.. إنما خلينا الأول نعرف مين الجاسوس؟؟
الجميع :مييين؟؟
مرام وهي تشير الي الباب وتهتف : اتفضل يا جاسوس.
دخل سامر وهو يهتف : صباح الخير.
ادم بأنشغال : صباح النور يا سامر تعالي بس علي جنب عشان الجاسوس يدخل.
انفجرت مرام وسامر ضاحكين.. توجهه سامر ليجلس بجانب مرام وهو يهتف : احب اعرفك بنفسي انا الجاسوس.
حمزة بعدم فهم : ده اللي هو ازاي يعني؟؟
مرام وهي تستعد للسرد: انا هقولك.... اللي حصل كالآتي .....

انا لما جيت هنا اول حاجة كنت عايزة اعملها اني انتقم من زكريا. بس كان الموضوع صعب علي واحدة معندهاش اي خبرة ف كل ده.. كان لازم ساعتها سيادة اللوا يزرع جاسوس بين العصابه عشان أخبارهم توصلنا اول بأول لحد ما نكون علي استعداد اننا نمسكهم... الجاسوس ده كان لازم يبقي حد من الفريق.. سيادة اللوا استغل ان سامر طلعت عليه إشاعة بأنه ظابط فاسد ومش بيمشي بالقانون بأنه يخلي سامر يتزرع بين العصابه ... طبعا سامر اخد وقت عشان يقنعهم انه معاهم.. فوق التلات سنين... وكل الشحنات كان سامر بيعديها ليهم بس كان الظباط المخدرات بيمسكوهم ف المكان اللي سامر مش مسؤل عنه ... كده سامر كان بيضرب عصفورين بحجر... بيكسب ثقتهم. و ف نفس الوقت هو ملهوش علاقة بالقبض عليهم... سامر هو اللي قال لزكريا اننا طلعنا شهر معسكر . وهو بردوا اللي قاله علي اللي حصل مع جاك.... لان جاك بعد ما سيبناه.. عرف كل حاجة... عرف انك مش صاحب الفندق ي آسر ولا كل الحكاية دي... ف كان لازم سامر يقول لزكريا قبل ما جاك يقوله.. عشان لو زكريا عرف من جاك ساعتها سامر هيتقتل... زكريا قال لسامر يبعت ويقول إن في تسليم بضاعة ف اليوم اللي طلعت فيه انا و حمزة و سيف.. المطلوب كان اني انا اللي اتمسك عشان يخلصوا مني... ف الوقت ده سامر مكانش عارف يعمل اي؟؟ لو رفض هيقتلوني ويقتلوه... و لو وافق هو اصلا مستحيل يسلمني ليهم بإديه... بلغ سيادة اللوا.. وهو طلعني مع سيف وحمزة ورفض آسر عشان عارف انه مجنون وممكن يعمل اي حاجة.