عشقت ممرضة

الفصل الثالث

معلش ع التأخير الفظيع ده ..بس اهو فضيت شهرين وهنزل الروايه كلها ف الاسبوع ده عشان فيه روايه رابعه هتنزل الاسبوع الجاى 💙لو كنتو نسيتوا الاحداث ممكن ترجعوا تقرأها ع السريع كده كده كانوا فصلين بس 💙

★*******★

فى مساء هذا اليوم ذهبت خلود لمنزل كريم حتى تقوم بواجباتها كممرضه
كان يسكن فى ڤيلا فى احدى الاماكن الراقيه هى ملك لوالده وليس هو من بناها لإنه عمل قريباً وعنده بعض المال وليس الكثير لان الشركه ملك ل أحمد وليس لكريم
وصلت الى المكان المطلوب ورأت كثير من الجارد الذين يمتلكون اجساد ضخمه ومخيفه ولكن هى لم ترتعب ابداً لأن مهنه التمريض علمتها أن لا تهاب اي شيئ وخاصةً الرجال لأنها لربما تتعرض لموقف ماا
اوصلها حارس لغرفته ثم تركها وذهب وهى دلفت للداخل
اما كريم فأنفجرت اساريره عندما رآها وكأن الاكسجين كان منقطع عنه ثم عاد بدخولها
كريم : اتفضلى ي مس خلود
خلود ببرود : ازى حضرتك عامل ايه دلوقتى
كريم بإبتسامه : الحمد لله يقلبي
خلود بصدمه : قلبك ف عينك انت اتهبلت ولا ايه
اما هو ف صمت ولكنه يبتسم بالداخل
خلود وهى تعمل بعصبيه شديده على جرحه وتضغط على رجله بقوه اما هو فتأوه ولكن مازال يبتسم بخبث : ههههه م براحه ي مس خلود
خلود : اكتر من كده ...م تنشف شويه ي عم التوتو
كريم : هههه كريم بقي توتو
خلود : انا كده غيرت ع الجرح وخلاص هو تقريباً خف لانه كان طفيف خالص ...محتاج منك بس شويه قوه ونشفان
شدها من زراعها على الفراش حتى اوقعها عليه ويده ممسكه بخصرها : حلو القوه دى صح
خلود وهى تضربه بقبضتها على صدره : اوعى كده انت حيوان انا مستحيل أكمل هنا
كريم وهو مازال ممسكها بقوه : م تثبتى كده ي بنتى بقي الله
خلود وهى مازالت تضربه : اوعى ي حقير انت اثبت ايه بس ثم ضربته برجلها على جرحه
حتى تأوه وتركها : طب اقسم بالله ي خلود لو طلعتى برا الباب ده لاشرد عيلتك كلها خلود بصدمه: قصدك ايه
كريم : قصدى ان امك مريضه قلب وابوكى بياع فاكهه واخواتك ف اعدادى وبيدرسوا ومحتاجين فلوس
خلود : انت عرفت كل المعلومات دى منين
وبعدين انت مفكر انى مستنيه فلوسك ..بلها واشبع بيها ي ابن ابوك
كريم : حظك ..استنينى بس كده اسبوع بالظبط وابدأ امشي برجلى
خلود : هتعمل ايه يعنى ، فاكرنى هخاف من ال زيك ...انا قابلت اوسخ منك كتير ...وبعرف اتعامل مع ال شبهك كويس اوى ...انا خلصت ال جايه عشانه ...نلتقي بكره ي استاااذ كريم
كريم ..استنى انا مخلصتش كلامى
لكنها كانت قد خرجت ...

★*******★
فى اليوم التالى ...عصراً
ميرى : بت ي منال برن عليكى من بدرى مبترديش ليه ي زفته الطين
منال : انا ف شفت وفيه كذا ادميشن ومش فاضيه والله
ميرى : اه عارفه عارفه ..المهم عايزه اخد رأيك ف حاجه
منال : اؤمرينى ي قلب قلبي
ميرى بضحكه : هق هق من امتا الحنيه دى ي سخيفه
منال : بقي انا سخيفه ..تصدقي انى غلطانه غورى ، اخلصي قولى عايزه ايه
ميرى : احمد ال متخانقه معاه ال حكيتلكوا عنه ده
منال : ماله
ميرى : م تستنى اخلص كلامى ي بقره ، المهم هو عازمنى على جلسه تصوير وانى اقوله رأيي ف تصميمه وملاحظاته وكده يعنى
منال : ايوه يعنى متصله تستأذنينى انك تروحى ولا ايه
ميرى : يا بنت ال**** انا مش عايزه اغلط ف امك ست محترمه
منال : اغلطى كده وانا هغلط ف عيلتك كلها مش امك بس
ميرى : المهم بجد عايزه فستان حلو البسه ...برأيك البس انهو واحد ولون ايه انتى عارفه انه هيبقي فيه مزز هناك عشان عارضات ازياء وغيره وانا مش اقل منهم وعايزه البس حلو
منال : فيه فستان احمر نارى عندك كده تحفه البسيه
ميرى : تصدقي صح مجاش ف بالى ابداً عشان ملبستهوش غير مره واحده
منال : ايوه وهيبقي تحفه مع بشرتك البيضه
ميرى : اشطااا انا هجهز من دلوقتى عشان العرض كمان تلت ساعات
منال بصدمه :هتلبسي ف تلت ساعات
ميرى : على م آخد شاور والبس ف ساعه واعمل full makeup ف ساعتين انتى عارفه لازم آخد وقتى كويس عشان يطلع حلو
منال : ي بنتى انتى مزه من غير حاجه والله
ميرى : عارفه بس النهارده كل ال هناك هيكونوا كده وانا عايزه اطلع من جو الكآبه ده بقي وهحاول اعمل لوك يطلعنى من المود
منال : ماشي ي قلبي متتأخريش بس بليل
ميرى : بقولك اي ي منال م تيجى معايا انا مكسوفه اروح لوحدى
منال : هاااه لا طبعاً وبعدين انا عندى شفت
ميرى : ي ستى استأذنى او خلى واحده تانيه تمسك مكانك مجتش ع مره ما انتى ديماً تمسكانهم
منال : تصدقي صح !! ده حتى بقالى كتير مخرجتش ولا فكيت عن نفسي من التمريض ال خلى الواحد جاله اكتئاب ده
ميرى : يعنى اشطا استناكى ...يلا بقي اتصرفى بسرعه وروحى البسي وانا لما اجهز هرن عليكى
منال : ماشي ي قلبي يلا باى
....
وتجهزت ميرى وكانت كالقمر تماماً بمكياجها الكامل الهادئ الذى أبرز ملامحها الجميله وهاتفت منال وكانت تجهزت هى الاخرى وكانا يحسدا على جمالهما وذهبا بعد معادهما بربع ساعه وكان العرض بدأ
لم يلاحظهم أحد لان كانوا ظهرهم لهم
دلفت ميرى وجلست بجانب أحمد ف الامام وفى هذا الوقت لفتت انظار البعض الذى كان يشاهد العرض وفرح احمد بوجودها وحضورها وقال بابتسامه
احمد : ميرى انا فرحت جداً انك جيتى بجد متتخيليش فرحتى
ميرى بضحكه : يلا ابسط ي عم
احمد : تابعى بقي معايا وقوليلى أيه ال عايز يتعدل عشان ابقي اظبطه ف الحفله الجايه وملحظاتك وكده
ميرى : انت عارف انى مليش ف الفاشون اوى بس هحاول
ركزت ميرى جيداً ووجدت ان الملابس قيمه للغايه وبالفعل اعجبها التصميم بشده
بعد
انتهاء العرض
احمد : ها ي ستى ايه رأيك ف العرض وملاحظاتك اكيد هتفيدنى
ميرى بابتسامه: بص يا سيدى اولاً اللبس يجنن والموديلز انتو مختارينهم فى منتهى الدقه ومفيش تعديل علي اللبس ولا الموديل بس فيه حاجه صغيره لازم تخلى بالك منها ودى ال بوظت تقريباً العرض ومديتش الهدوم والتفصيل حقه
احمد بإستغراب : هو ايه ؟!
ميرى : لو لاحظت وانت بتتفرج ع الصور هتلاقي وش الموديلز منور اوى ومخلى الصوره كأنها مش طبيعيه ومش حلوه وده يرجع للميكب ارتست بتاعتكو
احمد : ازاى فهمينى
ميرى : فيه فونديشن بيبقى فيه نسبه spf كبيره وده ال بيعمل فلاش باك والمفروض ميكب ارتست ف عروض وحفلات زى دى تكون عارفه التكات دى
احمد : ايوا انا فعلا خدت بالى ان الصور مش مديه اللبس حقه والصور فاتحه ...
ثم احتضن يدها بيديه وقال بإمتنان : ميرى شكراً بجد انك نبهتينى على حاجه زى دى
سحبت يدها بسرعه فى خجل : لا عادى يعنى ده كان مجرد رأي ...ايه ده منال فين قالتها وهى تلتفت حولها
احمد : اكيد خرجت تشم هوا شويه ، ثوانى بقي عشان الكاميرات ال جايه تستضيفنى دى
أخذ بعض الصحفين بسؤاله وتصويره ولكن بعض الصور ظهرت ميرى بها ولكن بدون قصد ولكن هناك عيون تراقبهم بشر و وعد بإستغلال هذه الصور لصالحه

★*********★

السماء المغيمه مظهر القمر فى السماء بعض حبيبات المطر تتساقط ولكن ببطء وبخفه وكأنها تزين الجو واقفه تلك الملاك يديها بجيب ملابسها الثقيله التى انتقتها بسبب هذا الجو ولكن لفت انتباهها رائحه دخان نظرت لجانبها واذ هى ترى دكتورها الذى يحث الجميع على الاخلاق والمحافظه على الصحه كان على بعض انشات منها
منال : احم دكتور هو حضرتك بتشرب سجاير
شريف ببرود : انتى شايفه ايه
منال بإحراج : طب ما غلط عليكى عشان صحة حضرتك
شريف : وانتى مش خايفه على صحتك ليه
منال بإستغراب : ليه حضرتك شايفنى بشرب سجاير ولا خمره
شريف : لا واقفه ف السقعه
منال : مش عارفه حسه انى مخنوقه ومش هاممنى التعب ولا ان اي حاجه تحصلى
شريف بحنيه : مالك احكيلى
منال : تعال نقعد هنا طيب
واشارت بيدها على مدرج على هيئه اماكن للجلوس ولكنه طبقات ولكن مغطى بشجر ثقيل حيث لا يستطيع المطر العبور من بين ثناياه
مد شريف يده لها مرحباً بالفكره ...دبت قشعريره فى جسده عندما لامست يده وكأنه امتلك الكون كله عندما اجتمع يديهما معاً اخذها وسار على المدرج حتى جلسا فى الأعلى بحيث يرا أي احد بالسفل ولكن لا أحد يراهما من كثافه ورق الشجر المتدلى
منال : الله حلو أوى المكان ده
شريف بحنيه وهو مازال يمسك يدها بكفيه : هاا ي ستى مالك بقي احكيلى واتأكدى ان مفيش اي كلمه هتطلع برا
منال بتوتر : والله دى حاجات عاديه اللى خانقانى
شريف : طيب بصي ف عينى واحكيلى
منال بنبرة فتور وحزن : حسه ان الدنيا تقيله على قلبي حسه ان مفيش حاجه قادره تفرحنى ولا أي حد ...الشارع بتاعنا كله شايفنى على انى مش محترمه عشان دخلت تمريض
شريف بإستغراب : ازاى يعنى دخلتى تمريض ف تبقي مش محترمه
منال بسخريه : اصل عندنا معنى كلمه ممرضه هى انى بتجاوز الحدود ف كلامى او انى بتعامل مع رجاله ف بكلمهم بسهوله او انى بشتم
شريف : طب وانتى ليه تاخدى بكلامهم ، طول م انتى واثقه بنفسك ميهمكيش حد
منال : انا فعلا مش بيهمنى حد ، بس كلامهم ف شرفى وانى بكلم رجاله وكده ده قاتلنى ي شريف
شريف بالرغم من حزنه عليها ولكن عندما نطقت اسمه بدون القاب وبهذه النبره ود ولو يقبلها فى الحال ، لا يعرف ما هذا الشعور الذى يراوده عندما تكون بجانبه والاكثر عند نطقها لاسمه
شريف بحمحمه رجوليه : يبقي المطلوب منك تثبتيلهم ده قدام عينهم ، يعنى لما
حد يتعب تساعديه فوراً ومتتأخريش على حد وتصرفاتك تبقي هى هى متتغيرش وتفضلى محترماهم حتى بعد م غلطوا فيكى ..لانهم بيعملوا كده عشان انتى تخرجى عن شعورك وتغلطى وتطلعى ف الآخر انتى ال غلطانه ومش محترمه فعلاً ...فاهمه قصدى
منال بفتور : فاهمه وعارفه كل ده بس نفسيتى ..!
شريف بحنيه : مالها نفسيتك ، قولتلك احكيلى كل حاجه وكأنى ورقه بتكتبي فيها ال وجعك وبعد شويه هتحرقيها
منال : نفسيتى !! انا نفسي مسدوده من كل حاجه ف حياتى مش كئابه بس نفسيتى مش متظبطه ، الحوار بقي ان مبقاش ليا نفس فعلاً اعمل حاجه بقيت بحب اقعد لوحدى ومبقاش عندى طاقه اعافر فى حاجه ولا خلق اتعامل مع حد معرفش مالى بس مقفوله من كل حاجه ..
شريف وقد لاحظ دموعها ولكنه بلحظه كان ممسكاً بمنديل ورقياً يمسح خدها به
فاقت هى على لمسته لبشرتها وكأن لدغتها حيه من هذا الشعور والاحساس ووقفت فى ثوانىٍ
منال : احم يلا نرجع
شريف وقد احس بخجلها وانها لم ترد التحدث أكثر : خلاص يست البنات يلاا ندخل ، او نمشي اللى انتى عاوزاه...

★******★
wafaamatar1111 تابعونى عشان توصلكو رواياتى الجديده واعملوا تصويت ( ڤوت) ع البارت ده 😍💙