خرج من المرحاض و هو ينظر لها بغيظ على بكائها هذا فحقاً هذا كثير هو يمل سريعاً
زفر بملل و هو يحدثها " قومي يلا استحمي و اجهزى عشان منتأخرش على الطيارة "
نظرت له بغيظ و هى تنهض لتدلف المرحاض و تستحم و خرجت ارتدت فستان باللون الأحمر و حجاب من اللون الاوف وايت . رآها بهذا الجمال فـ غار ، هل الناس ستراها بهذا الجمال ؟ هل سينظر لها الرجال ؟! توقف عند هذه النقطه و هو يقول بغضب
" غيرى الزفت اللى انتِ لبساه ده و البسي حاجه عدلة احنا مسافرين دبي مش رايحين امبابة "
نظرت له بغيظ " ملكش دعوه امبابة امبابة ، ده زوقي و انا بحبه "
احمد " مينفعش تكوني مرات اشهر واحد بتاع ماركة ملابس و تكوني لابسة بالمنظر ده غيرى القرف ده اخلصي "
مريهان بغيظ " يعم انت مالك عاجبني و مش هغيره "
ذهب لها بقسوة و هو يمسكها من معصمها " متعانديش معايا احسنلك يا مريهان عشان مزعلكيش ماااشي ، يلااا غيرى الزفت ده و كلامى مش هكرره بعد كده ، ان متسمعش من اول مره هتشوفي وش تانى "
دخلت لغرفة الملابس dressing room لتنتقي فستان آخر من تصاميم احمد و ارتدته كان باللون اللاڤندر و خرجت لتلبس الحجاب امام المرآه
رآها فأسرته مرة اخرى ماذا يفعل لكي تضع حد لجمالها هذا ، وجدها تضع مكياج فزفر بغضب
" انتِ اتجننتي ، انت ايه اللى بتحطيه على وشك ده امسحي القرف ده و ملاقيش حاجه لامسه وشك تمام !! تمام "
مريهان بحزن " على فكره انا بحط ميكب عشان ادارى اثار الضرب و الاحمرار ده مش بحطه عشان ابان حلوة او اتدلع "
زفر بضيق فخرج خارج الغرفة هو يعرف انها صحيحه بكلامها و انها تضع شئ بسيط و هادئ ليس مثل الراقصات او فتايات الليل لكنه يغار عليها ماذا يفعل بقلبة هو ليس له دخل بالفعل
_ الغيرة ! الغيرة اسمي معاني الحب بس بحدود لان فعلا لما بتزيد عن حدها بتتقلب ضدها « كل شئ زاد عن حده انقلب ضده » ده بالظبط اللى بيحصل فالغيرة لو زادت عن حدها بتتحول لخنقة و شك و حياة صعبة لا تخلو من المشاكل و العناد ..محدش بيعرف يتصنع الغيرة لان ده بيبقي احساس جاي من جوانا بجد ، على قد ما هى حلوة للطرف الآخر بس بتبقي صعبه على الطرف اللى بيغير لانه بيحس بأكلان فى قلبة ، بيبقي عاوز الشخص ده ملك ليه هو بس محدش يشوفه غيرة ، محدش يضحكه او يبسطه غيرة ، بيبقي عاوزه ملكه .
خليني اقول حاجه ان الغيرة عمرها ما بتقل لانها لو قلت فـ دة معناه ان الحب قل او انعدم الاهتمام و الشغف فى العلاقة فى بقت علاقة بارده ...« اللى يبطل غيرة يبقي بطل يحب »
____________
خرجت له بحزن و ملامح مكتئبة و هو تسحب الشنطه الخاصه بها
ذهب لها و هو يأخذها منها و يخرج الحقيبه من الباب ثم دخل و امسك حقيبته ايضاً اخرجها ..و أمر البواب بأن ينزلها للسيارة
و ذهبوا للمطار ...
هاتفتها منال و هى بالسيارة حتى ردت عليها
منال بفرحه واضحه بصوتها " حبيبي صباحية مبااااركه "
ابتسمت مريهان بسخرية و هي تنظر لـ أحمد بجانبها
" الله يبارك فيكِ حبيبي "
نظر احمد لها بتنهيده و كأنه تضايق من شئ
لم تهتم فأكملت حديثها مع صديقتها
منال " اعذريني حبيبتي معرفتش أجيلك خالص النهارده عندى شيفت بس هجيلك بكره ان شاء الله "
مريهان " لا يـ حبيبي متتعبيش نفسك انا عارفه ظروف شغلك متقلقيش بس انا مسافرة دلوقتى رايحه المطار اهو "
منال بفرحه " ايييه ده بجد رايحه الهاني مون فين بقي يا خلبوصه يا سريعه انتِ "
ابتسمت مريهان على سخرية القدر " رايحين دبي ، طب هكلمك بعدين يا منال باى دلوقتى "
منال " مع السلامه حبيبتي خلى بالك من نفسك "
مريهان " حاضر ، باى باى "
اغلقت معها الهاتف فهى لم تريد الحديث كثيراً لانها متضايقة و ما حدث معها جعلها لا تريد الحديث اطلاقاً مع اي شخص
نظر لها احمد بغيرة " متقوليش حبيبي دي لحد تانى انت سااامعه "
مريهان بصدمه " انت اتجننت بجد ، هو ايه اللى متقوليش لحد حبيبي دي بنت و انت عارف كده كويس و بعدين مش هتتحكم فى كلامى كمان يعني بطل هبل بقي شوية اوووف انت تعبتني بجد "
احمد " والله ! تعبتك و هو انتِ لسه شوفتي تعب ماشي اصبرى
مش انتِ متجوزانى عشان فلوسي انا هغرقك فلوس "
تضايقت من تلقيحه بالحديث لا تعرف كيف تبرر له ما حدث مع خلود لكنه شك بها فلن تريحه و ستتركه يتعذب هكذا بتفكيره مثلما يعذبها هو جسدياً و نفسياً
_ بمناسبة الراحه النفسية فـ الانسان نفسه يلاقي حد يطمنه بجد و يحسسه براحه نفسيه كبيرة بعيداً عن مشاكل و هموم الحياة الصعبه ، الواحد محتاج حد سلس و مرن فى حياته عشان ميقفش على الواحده و نبوظ حالتنا النفسية بإيدينا ، ده الدكاترة النفسيين دلوقتي بقوا شغالين اكتر من دكاتره التانية بسبب ان الشعب كله جاله حزن و اكتئاب و امراض نفسية تانيه كتيرة بسبب الناس المحيطين بيه كانو هما السبب .
الانسان لازم يدعي ربنا ديماً انه يلاقي راحته مع حد قريب منه حد بيتمناله الخير بجد .
________
يجتمع كلاً من خلود و منال و شريف بالعمل ، يجلس دكتور شريف على مقعد فى الدور فى الزاوية الخاصة بالمكتب و التمريض و تجلس منال بجانبهم و خلود ايضاً
خلود بتساؤل " الا يا دكتور شريف لية الناس مبقتش تحب الخير لبعضها زي الاول "
دكتور شريف " ما تسألى الناس دي و انا مالى "
اراد ان يقطع معها الحديث لانها لا يثق بها و لا يحب التحدث معها نهائياً ، فرحت منال داخلياً من هذا الرد و هو تبتسم و تنظر لهاتفها ، ظن هو انها تكلم شخص ما يجعلها تبتسم هكذا
دكتور شريف " ما تضحكينا معاكى يا منال "
نظرت له و هى ترجع لطبيعتها مرة اخرى دون ضحك " هو الضحك اتمنع من امتا مش فاهمه ! عادى اضحك براحتي و مبضحكش حد معايا " انهت جملتها و هى تلوى شفتيها بعلامة للسخرية
غضب هو من ردها ، هى الآن لا تعرف انه تقدم لخطبتها ...لم يقل لها أحد من اهلها الى الآن
دكتور شريف " انا هطلب اكل اطلبلكو ايه معايا "
خلود " تيجي نطلب من ماك "
نظرت لها منال بحماس و هي تقول " لا نطلب من bazoka احسن بموت فيه بجد "
دكتور شريف بهيمان " خلاص يبقي نطلب من بازوكا "
نظرت له خلود برفعة حاجب " و ده اسمه ايه ده ان شاء الله اي المحن ده ، احم قصدي ايه ده فيه ايه "
ابتسمت منال عليه لانه لبي طلبها و وجدته يهاتف المحل فوراً حتى يطلب لها الأكل الذى تحبه و لم يراعي لـ رأي خلود و يعيطه قيمه نهائياً فظنت انه لديه بعض المشاعر تجاهها .
دق قلبها بعنف عند تذكر هذه الكلمه فقط فما بالك بإرتباطهم حقيقي سيغشي عليها من الصدمه ان اعترف لها بحبه
_ ناس كتير بتدارى حبها لحد ما تدخل البيت من بابة و الحكاية دي بتبقي صعبه قوى ، تخيل حد انت بتحبه و بتموت فيه شغال معاك فى نفس المكان او بتشوفه كتير و رغم كده ملكش الحق انك تكلمه و تحب فيه بسبب انك محترم مشاعرك و مشاعرها لحد ما تبقي خطيبتك او مراتك ، و زى ما الموضوع ده صعب فـ ربنا مكافأته احسن بكتير و دى بتبقي من الطف العلاقات و الجوازات حقيقي لو كملت . ربنا يكتبلكو الحلال مع اللى بتحبوهم يا حبايبي و يرزقكوا الزوج الصالح اللى يصونكو و يدخل البيت من بابة ♡
أنت تقرأ
عشقت ممرضة
Roman d'amourسَيمُر كُل مُرّ ، سيتمهد الطريق وينطوي تعب الأيام ، سينتهي كل ما حدث معك وكأنه لم يكن ، سترحل الاوجاع من الدُنيا.. مثلما جاءت يوماً بلا استئذان، سيطرق الفرح باب قلبك بدون حساب ، سَتعود كما كُنت ذلك الشَخص القوي ، ستُقابل أشخاصاً أفضَل ، ثق بالله وَ...
