انتهت مريهان من ترويق منزلهم بشكل جيد و لمعت الزجاج و رشت المعطر لانها عرفت ان احمد سيأتى هو وعائلتة مساءً فدلفت لتنعم بحمام مريح يزيح توترها ، وضعت بعض الورود بالماء و انتهت من استحمامها و هى ترمى نفسها على الفراش بتنهيدة لتفكر بأحمد الذى لم يخرج من بالها منذ ان تقدم لها ..
شغلت الاغاني على اغنية رومانسية و اندمجت معها حتى وجدت الهاتف يرن بعد قليل
تأفأفت عندما رأت اسم خلود
مريهان " الو "
خلود " ازيك يا ميرى معلش غلست عليكي النهارده بس كنت محتاجاكى فى طلب "
مريهان بإبتسامة " اؤمرى يا ستى "
خلود " كنت عايزاكي تيجي معايا الهيبر اللى فى المعادى النهارده عامل عروض حلوة و كمان عشان لما كريم و اهله يجو عندنا يلاقوا حاجه عليها القيمه ميقولوش فقرا و كده "
مريهان بطيبة قلب " لا طبعا متقوليش الكلام ده تانى عيب و ماشي انا هاجي معاكي عشان انت صحبتي و حبيبتي بس عيشي عيشتك عادى عشان هو كريم شخص و عمرة ما هيقول حاجه "
خلود " اممم هو مش هيقول بس اهله انت عارفه بقي الناس الاغنية دول بيتنططو على الناس "
مريهان " بصي هو احمد جاي النهارده هو و اهله ممكن تخلى الخروجه دي بكره "
فكرت خلود قليلاً بـ انها كيف ستخبرها ان احمد ايضاً سيتأخر بشقتة
خلود بحزن " يا مريهان ده كريم احتمال يجي بكره و ده اول طلب اطلبه منك و لو تحبي تتصلى بـ احمد تقوليلة يتأخر شوية على ما نيجي "
مريهان " انت عارفه اني مش بكلمه يا بنتي هقوله ايه بس المعادى بعيدة عنى شوية زي ما انت عارفه "
خلود " مش لازم تقوليلة انك رايحه المعادى اكدبي عليه بـ أي حاجه و خلاص و ده هى نص ساعه يا ميرى و هنرجع تاني بليز عشان خاطرى "
بعد الحاحها عليها بالحديث وافقت فوراً لانها صديقتها و لا تريد ان تتضع فى موقف محرج عند خطبتها فـ هاتفت احمد على الفور
نهض احمد من جلسته بعدما رأي رقم مريهان و هو يبتسم و كأن حال الدنيا تغير جميعا بوجهه ففهم كريم على الفور فـ خرج حتى يتحدثوا براحه اكبر
احمد " الو ازيك يا عروسة "
مريهان بخجل " ازيك انت يا احمد عامل ايه "
احمد بسعادة " بقيت اسعد انسان فلدنيا لما سمعت صوتك "
خجلت مريهان أكثر و احمر وجهها من الخجل ف حاولت الخروج من الموقف
" احمد لو سمحت ممكن تتأخروا النهارده شوية "
احمد بإستغراب " اشمعنا يعنى "
مريهان " هروح اجيب شوية حجات مع خلود و هى محتاجانى معاها و صدقنى هحاول على قد ما اقدر متأخرش ، بس متعرفش حد من هنا انى كلمتك عشان مينفعش قبل الخطوبة تمام "
احمد بتلقائية " ماشي يا حبيبي "
نظرت هى للهاتف بصدمه و هى تغلقة بسرعه بسبب تزايد ضربات قلبها العنيفه من كلمتها هذه ، بالتأكيد لا يقصد و لكن هذه الكلمة هزت قلبها .
اما هو ففهم خجلها و ضحك بصوت رجولى و هو يرجع بظهره للمقعد مرة اخرى .
_ بنبقي مضطرين نخبي احياناً عشان ميحصلناش مشاكل فـ بتتفهم على هيئة كدب زى اللى مثلا لو قولت لفلان انا رايح المكان الفلانى بس مقولتش هتعمل ايه لإن اللى هتعمله هيزعل الشخص ده منك فـ بيتفهم كدب رغم انك قايل الحقيقه و قايل المكان بس بالنسبالهم مش قايل الحقيقة اللى بجد فـبتتاخد على هيئة كدب ، الصراحه لما بتتبنى فى اي علاقة بتبقي من اقوى العلاقات اللى فى الدنيا بسبب الثقه ، الصراحه رابط قوى جداً للحفاظ على اي علاقة اياً كانت بقي تحت مسمى ايه حب ، صحاب ، اهل ، عشرة عمر .."
أنت تقرأ
عشقت ممرضة
Romanceسَيمُر كُل مُرّ ، سيتمهد الطريق وينطوي تعب الأيام ، سينتهي كل ما حدث معك وكأنه لم يكن ، سترحل الاوجاع من الدُنيا.. مثلما جاءت يوماً بلا استئذان، سيطرق الفرح باب قلبك بدون حساب ، سَتعود كما كُنت ذلك الشَخص القوي ، ستُقابل أشخاصاً أفضَل ، ثق بالله وَ...
