#امواج
الحلقة ( 1 ) 🌊
بقلم ( محمد مالك))
اليوم اسعد يوم في حياتي
شخص الي ضحيت علي خاطره وحاربت اهلي علي خاطره جايب امه وخواته
بعد 6 سنين واقفة معاه لما يبنئ في حوشنا المستقبلي واختارت الديكور وصالونات والمطبخ كله ع ذوقي ❤ وكيف ما نحب واكثر
واخيرآ حلم حياتي يتحقق 😢
اخر مكالمة كانت في الليل وكانت الاحلى وهوا يهدرزلي كيف امه تجهز في روحها وخدالي هدية نحبهاا قال ❤
سكرت المكالمة وصليت الفجر
ورقدت بعد معانآ واني نفكر طول الليل ونستنا في الحظة بدقيقة والثانية خدآني النوم واني نفكر ومبتسمة ❤
فقت الصبح بكرى مرقدتش ثلاثة ساعات من ان تفكيري مشتت ومتوترة وفرحانة فنفس الوقت شعور صعب وصفه الي مر بيه يفهم الي نحس بيه حاليا ❤
نسيت نوصفلكم روحي ونعطيكم معلومات عليا
اسمي ياسمين مواليد 88
عيوني كحل عاديات وشعري اسود
بيضاء وملامحي حلوة
طويلة مش قصيرة
خطبوني هلبا بس اتمسكت في حب حياتي ( امجد )
6 سنين اي حد يطق بابنا نرفض فيه رفضت ولد عمي وصارتلي مشكلة وقطعونا بسبب الموضوع وعمي قالي كلام واجعني لليوم ومستحيل نسامحه عليه وخصوصا كيف هزبني ع خاطر رفضت ولده ؟!
ما علينا منهم قصتهم حتوضح معا الوقت
اني قبل الاخيرة في خوتي
الصغير فينا شاهين92
والكبير عادل مواليد 82 متزوج ساجدة
والمتوسط محمود 86 خاطب بنت خالتي وعرسهم قريب
بابا خلانا محل غدائية قبل ما يتوفا في 2015
وخوتي يخدمو فيه وكبروه السنة هادي خدو محل الي في جنبه وكبروه
المحل هاده يوكل فينا ويشرب فينا ❤ومعاش بابا الله يرحمه طبعا معاناة مش ناخدوه كل شهر بس الحمد الله حالنا علي قدنا
فتحت اغنية وقعدت نجهز في الروحي الصبح
درت شعري وتيت شن حنلبس
وماما تاعبه معاي من الصبح طلعت جابت حلويات
نخليكم معا قصتي ❤
محمود: امي تبي شئ ؟!
ماما: لا وليدي غير شوف اختك
محمود..من لوطا بصوت عالي: تبي حاجة يا ياسمين
ياسمين..نمشط في شعري: لالا صحيت نبي شاهين يكلمني نتصل بيه مقفل
محمود: ماشي المحل توا نكلمه
ماما: طريقك زينه ربي يبعد عليك ولاد وبنات الحرام يارب يا وليدي ونفرح بيك وناخدلك اريج يارب
محمود..مبتسم وعاجبه الكلام خصوصا لما قالت ناخدلك اريج: هيا في امأن الله
درت شعري واني متوترة كملت ونزلت نعاون في ماما في المطبخ
ياسمين: وين ساجدة ماما مختفية اليوم
ماما: امتا قعدت مرت خوك طالعة من الصبح عطها كسرة في رجليها وهيا مفيش قهوة مش ماشيتلها وبعدين خوك عادل يبدا يشكي ويعيط معنديش فلوس وهيا مفلسة بيه قليلة الاصل هادي
ياسمين: خلاص خليها ادبر حالها حتا هيا مسكينة لتوا مجابتش صغار وتاعبه وعادل عصبي مرات يدره الكبد
ماما: مش حنستناها نبي نشوف صغار ولدي البكر اني لما نزوجه مراة ثانية ونشوف صغاره باذن الله
ياسمين: اني بنساوي الصالونات وبنشوف الجنان
ماما: اني نكمل تطيب ونجيك
أنت تقرأ
امواج
Mystery / Thrillerاعلان__مقدمة الرواية الجديدة #امواج الاسم غريب شوية امواج ! شفته اكثر اسم مناسب لحياتي والواقع الي اني فيه ! لاني نتخبط زي الامواج والبحر لما يبداء هايج ف اوقات ومرات هادئ ف اوقات بس ع الاغلب تكون الامواج عاليآ وتضرب فيا اني بس في كل المواقف غالط...
