امواج

حلقة 4

#امواج
حلقة ( 4 )

بقلم محمد مالك ❤

فقت الصبح علي عياط ماما

ماما: ووووه عليا الذهب وين

نضت مخلوعة ونجري وناضو معاي البنات

اول ما طلعت من الدار لقيت ماما تخبط علي رجليها وتعيط اني سمعتها تعيط عالذهب بس متوقعتش انه مخنوب يعني قلت اكيد محولاته من مكانه وناسيه او موقف هكي

اريج راعشة وجها اصفر
و ساجدة خائفة

عادل مهناش طالع من الصبح كان
وشاهين حتا سمع العياط مطلعش من داره
محمود جي يجري كان فالدور الارضي يفطر

محمود: خيره الذهب يا امي توا تلقيه معاش تعيطي بتلمي علينا الناس
ماما وقاعدة تخبط علي رجليها: مهناش ذهبي مهناش كيف منعيطش كيف
اريج: عمتي توا نلقوه يعني وين بيمشي
ياسمين: تعالي ندورو عليه ثاني
ماما..تبكي وكان واجعها عالاخر : قتلك مهناش مكانه ثابت منحركش فيه ودورت فالدار ما لقيته
ساجدة: العفوو وين بيختفي من بيخنبه
ياسمين..سمعت كلمة خنبة حسيت الاتهام شمل كل حد نحبه وبدون اي دافع: محدش فينا يخنب الحمد الله اشبح المتعود يخنب قبل من
محمود:ضمي فمك شوية توا ندورو في الذهب خشي دوري انتا وياها وبلا دوة

شاهين فتح الباب وشافلنا ونزل المطبخ

خشيت اني وساجدة واريج قلبنا الدار فوقي لوطي وشئ الذهب اختفى انقلبت الارض وبلعاته

ساجدة تتكلم هيا واريج بصوت واطئ بحكم منسمعهمش : زعما شاهين خنبه
اريج:مستحيل يديرها شاهين
ساجدة: وشن عرفك انتي
اريج: اني نعرفه اكثر منكم كلكم
وناضت اريج
اني سمعت كلامهم بحكم كان صوتهم واطئ بس سمعتهم وذاني ماشاء الله 😅

ماما تبكي وحاطه ايديها علي راسها
محمود: توا نلقوه يا امي ولا حقاااا
ماما..تلفتت : حقااا شن
محمود:امس شاهين يبي فلوس ودار عركة واليوم ذهبك مهناش
اريج: حرام عليك الظلم ظلمات يوم القيامة !
محمود: تي اما ظلم الموضوع واضح زي عين الشمس وتقول ظلم
ياسمين: شاهين مستحيل يديرها
شاهين..راكب الدروج: مزالك ستة ايام
محمود: شوفي يا امي احنى راعشين وهوا ياكل ويقولي مزال ستة ايام عالفلوس تي نقطع ايدي الا هوا الي خانبهم

ماما ربي يهديها سمعت لكلام محمود وقلبها ولع نار تقدرو تقولو هاده الشئ الوحيد الي خلاه بابا الله يرحمه لي ماما والي هوا الذهب
ماما مشت لي دار شاهين وقربعت الباب وطبعا احنى وراها خطوة بخطوة

شاهين: خيركم تقول الردع خاشين عليا
ماما..تعيط وكانت منهارة عالاخر: طلع الذهب
شاهين: لااا هكي معاش نتفاهمو
ماما: طلع الذهب حاسه السكر بيجيني طلع
شاهين: هادي دار قدامك فتشى الذهب مش عندي ولا قربته شوفي ولدك محمود ناقصينه فلوس ومش يدلع مرته اكيد خنبهم هوا
ماما..قعدت ساكته ثواني بعدين بدت تقلب في دار شاهين وهيا تفتش
محمود...كان يبي يرد علي كلام شاهين بس لانه امه منهارة سكت وبلعها المرة هادي بس قاعد متحلف في شاهين وشاك فيه
وشاهين شاك في محمود
ماما بعد ما قلبت الدار وملقتش الذهب مشت لي دار محمود وكنا نتبعو فيها قلبت الحوش فوقي لوطي بمعني الكلمة ولما ملقتش الذهب في ولا دار