لايك مش البرنامج يستبعدك من الحظر ❤
#امواج
حلقة ( 6 )
بقلم محمد مالك
محمود نزل
ركب سيارته ودرس في نهاية الزنقة
وقعد يستنا لبس سماعات ويستنا في دليل واحد يثبت خيانة اريج صوتي او الكمين الي داره
انه بيخش فالليل وبيشوف ع اساس مزرد !
شاهين درس سيارته ونزل
محمود مباش ينزل يبي يشد شئ بالثابت واكيد افضل وقت الليل مش النهار !
محمود قعد يستنا فالسيارة
مرة فاتح اغاني ومرة يتصفح فالنت
ومتحمل بالسيف
وصلوه مسجات عالايميل وعرف انه مكالمات من اريج وصلت لانه البرنامج يبعت فالمكالمة لما فيه نت بس
فتح القائمة ولبس السماعة اليمين وشاف لباب حوشهم
وفتح اول مكالمة كانت رن بس
والثانية كانت بينها وبين امها
والثالثة معا ساجدة في طريق وقتلها جيبي كم حاجة
محمود حول السماعة وحط التلفون علي الكرسي الي جنبه وتنهد بقلة حيلة
قال بينه وبين نفسه شاهين داخل علاش بتتصل بيه
شاف للساعة لقاها 7:07 والمغرب ياذن وقتها
شاف لتلفونه وكان يرن
رد عليه وكانه صاحبه روح بروح يقرو معا بعض طول عمرهم الابتدائي والاعدادي والثانوي ديما معا بعض حتا كل طلعه معا بعض والكل عارفين صحبتهم معا بعضهم كيف
رفع تلفون ورد علي عبد الخالق ( صاحبه ) : ايوا غالي
عبد الخالق: شن الجو
محمود: الحمد الله انتا شن اخبارك واخبار الولدة
عبد الخالق: بخير الحمد الله فنعمة وين معاش تبان من لما تزوجت
محمود: نديرو يوم ان شاء الله لاهى فالمحل
عبد الخالق: اصلا شاهين كان عندي بكرى وقتله خلى انتا قاعد اعزب شد علي خوك توكه شوية حسيته معجباش الكلام
محمود: اياه امتا تلقيتو
عبد الخالق قبل صلاة الظهر وقالي مش مزردين اليوم قتله اني معنديش علم مرات مزرد معا الجماعة هاده ليش اتصلت بيك قلت شكلك رخيت بيا ههههههههه
محمود كان شاد تلفون ويسمع في كلام عبد الخالق ووراسه يصفر لانه مقالش بايت برا الا لي اريج !!
عبد الخالق: الو يا غبي
محمود: شوية ونعاودلك غالي
عبد الخالق: تمام
محمود سكر الخط
ونزل من سيارة حط تلفون في جيبه وسكر باب السيارة بقوة قريب كسره من مكانه
ومشى للحوش وهوا الدنيا ظلام قدامه
فتح الباب وسكره بالقوة
وقعد يخبط عالباب وبالقوة
عادل فتح الباب: محمود ؟ خيرك تخبط هكي
محمود دف عادل بيده بعيد وركب الدروج
عادل..يشوف لي محمود راكب دروج: شن العائلة المريضة الي طحت فيها
شاف لي الممر وكان يسمع في صوت اريج وياسمين يضحكو
فتح باب داره ملقاش اريج
مشى لي دار ياسمين وكان باب مفتوح ومقعمزين يشربو في القهوة وفاتحين mbc دراما
اريج..شافت لي محمود : روحت ؟! مصارش من الزردة
وياسمين تشوف لي نظرة محمود عرفت انه في شئ لانه قارن حواجبه ومسكر يده
أنت تقرأ
امواج
Mistério / Suspenseاعلان__مقدمة الرواية الجديدة #امواج الاسم غريب شوية امواج ! شفته اكثر اسم مناسب لحياتي والواقع الي اني فيه ! لاني نتخبط زي الامواج والبحر لما يبداء هايج ف اوقات ومرات هادئ ف اوقات بس ع الاغلب تكون الامواج عاليآ وتضرب فيا اني بس في كل المواقف غالط...
