#امواج
حلقة ( 3 )
بقلم محمد مالك
شاهين واقف قدام الحوش
يبي يخش يقلب الحوش علي موضوع الفلوس ومحمود ومغلول بكل
شاف الساعة لقاها 12
اتصل ب اريج
اريج درت: اهلين كيف الحال
شاهين..بدون اي مقدمات: شن قررتي
اريج:مزال مقررتش
شاهين: يا توا يا انسى
اريج:مش موافقة منقدرش ندير هكي لي ماما !
شاهين: تمام مبروك عليك محمود
اريج: شاهين..
سكر الخط علي وجهي !
بس مقدرتش نجلط ماما وانزل رأس خوتي الارض بالعملة هادي وناس يبدو يقولو اهما بنتهم هربت معا واحد 💔
شاهين كان ناوى الشر وزاد توا بعد ما سمع قرار اريج
فتح الباب
ولقى فالجنان علي طول الطاولة
اني وماما ومحمود وعادل
وساجدة ركبت دارها بترقد
عادل: وين لتوا
شاهين: كيف حالكم
ماما: خليتلك حصتك من الشواء فالكوشة نجيبها لك
شاهين: لالا خليك نبيك في موضوع
محمود شاف لي عادل وفهمو الموضوع علي طول
اني نشوف فيهم يتكلمو ومعنديش جهد نشاركهم كنت ملتزمة الصمت ونسمع بس
شاهين جبد كرسي وقعمز:امي نبي فلوس
ماما: ومن وين بنجيبهم لك اني وشن بدير بيهم
شاهين:نبي نسافر
ماما..حطت يدها علي صدرها:وين بتسافر وقت سفر هوا
شاهين: لا بنهاجر مرة وحدة وجهي هاده معاش تشوفوه نهائي
عادل: خيرك شارب حاجة قبل ما تجي تسمع في روحك شن تقول
شاهين..خبط عالطاولة : اصلا شن محصل منكم اني
اني وماما وكل من كان عالطاولة نخلعو من الخبطة وكانت مش متوقعة نهائي بكل
محمود بعياط:خيرك انتا تبي نكسرلك راسك
شاهين..شاف لي امه:حقاا ولدك محمود ياكل في حقنا لعلمكم بس والمحل اخدمو فيه بروحكم من اليوم معاش بنقربه اني والفلوس توا ندبرهم وبنهاجر بيهم
وخش
محمود بيلحقه
عادل شد محمود:خليه في حاله
محمود: كيف نخليه متشوفش فيه مش مداير قيمة لي حط ويخبط عالطاولة ويعيط توا نركب نكسرله راسه
عادل: شاهين من زمان هكي يشد يكبت في روحه وينفجر ميتحملش خليه توا يهدآ
اني نضت قتلهم تصبحو علي خير وخشيت داري
كل ما نخش للدار قلبي يغم عليا والله ما عارفة السبب
ممكن لانه اكثر مكان هدرزت فيه علي امجد 💔
خشيت حطيت الفون فالشحن ودرت دوش
جففت شعري واستشورته وخشيت فراشي فتحت الفون ولقيت مكالمتين فائتة من رقم غريب
اتصلت بيه قالي ( ليس لديك رصيد استخدم جنيه في وقته )
طفيت الفون وحطيت راسي عالمخدة وبين عيوني صور امجد معا الناس وكيف يباركوله ولا دارلي حظر مش منشوفش الصور 💔 ولا علاش قالي جايب اهلي بيخطبوك وفرحني وكسرني وفنفس اليوم 💔
اما من الجهة الثانية
عادل يحكي لي ساجدة شن صار علي الطاولة
ومشكلة شاهين
وكان يشوف لي ساجدة بنظرة حتا يوم عرسهم مش هكي من الفرحه الي مالية عيونه وقلبه وكان طول اليوم مبتسم
أنت تقرأ
امواج
Mystery / Thrillerاعلان__مقدمة الرواية الجديدة #امواج الاسم غريب شوية امواج ! شفته اكثر اسم مناسب لحياتي والواقع الي اني فيه ! لاني نتخبط زي الامواج والبحر لما يبداء هايج ف اوقات ومرات هادئ ف اوقات بس ع الاغلب تكون الامواج عاليآ وتضرب فيا اني بس في كل المواقف غالط...
