#امواج
حلقة ( 5 )
بقلم محمد مالك
وصلنا العيادة وكان في عندنا موعد مسبق
خشيت اني قبله
وشفت لقيت الدكتورة مش نفسها الي متفاهمة معاها
وقفت شوية وقتلها : لو سمحتي دكتورة الي كانت هنا الصبح وين ؟!
دكتورة: دكتورة ابتسام صارلها ظرف وطلعت
ساجدة..مصدومة ووعادل واقف برا الباب يستنا فيها مش يشوف بالجهاز وهيا مش عارفة تتصرف
دكتورة: ايه تفضلي ونادى ع زوجك نشوفو معا بعض بالجهاز
ساجدة: لا اني مش حندير الا عند دكتورة الي نعرفها
دكتورة: مفيش فرق تفضلي يا مدام ونديرلك الجهاز
ساجدة...تهز براسها بمعني لا وفتحت الباب وطلعت
عادل..شاف ساجدة: شن صار نخش ؟!
ساجدة: دكتورتي مهناش
عادل: فيه دكتورة ثانية قالو
ساجدة: ايه فيه لكن منستريحش الا عند دكتورتي خلاص نروحو ونجو غدوا
عادل..بعصاب: شن لعب هوا افتحى الباب ونخشو نشوفو عندها اني معاك متخافيش
ساجدة: بالله عليك عادل غدوا الصبح عند دكتورتي خير
عادل: واقسم بالله ما طالع لن نشوف
ساجدة زادت توترت وعرفت انها في موقف لا يحسد عليه
عادل: هيااا بسرعة عندي حساب معا الي فالحوش بعدين
ساجدة: تمام اعطيني خمس دقائق نخش الدكتورة استناني
عادل: تمام بسرعة
فتحت الباب وخشيت
دكتورة: غيرتي رايك !؟
ساجدة..تتنفس بسرعة من توتر الي هيا فيه: شوفي دكتورة نعطيك شريط تشغليه بدل ما تحطي الجهاز عليا
دكتورة: مفهمتش يعني بنحط شريط مسجل مسبق ؟! مش بتشوفي البيبي
ساجدة..تتنفس بسرعة وبعصاب: مفيش بيبي
دكتورة: اسفة منقدرش
ساجدة: لو سمحتى زوجي برا والخبر الوحيد الي فرح بيه في حياته كلها متكسريش بخاطره
دكتورة: يعني كنتى متفاهمة معا دكتورة ابتسام
وساجدة: ايه هاده السبب يعني توا موافقة نعطيك الشريط ؟!
دكتورة: بس دكتورة ابتسام معروفة متتعاملش الا بمقابل
ساجدة..عضت شاربها: تمام نعطيك الفين دينار
دكتورة..اشرت بصبعها برقم 4
ساجدة...كيف بتتكلم عادل فتح الباب
عادل: السلام عليكم دكتورة ..وشاف لي ساجدة شن صار
ساجدة..هزت راسها لدكتورة بمعنى موافقة: ايه بديره توا
ساجدة قربت من طاولة الدكتورة وحطت الشريط وعادل مش منتبه
دكتورة خدت الشريط وركباته بالجهاز
ساجدة رقدت ع سرير وخائفة دكتورة تفضحها او يصير شئ
عادل فرحان والابتسامة ع وجهه
ويستنا فالحظة بثانية ودقيقة
دكتورة حطت الجهاز علي بطن ساجدة
وقلبها كان ينبض من الخوف
وعادل كان فرحان وقلبه ينبض وهوا يستنا فالحظة هادي 💔
دكتورة فتحت الجهاز وطلعت الصورة وكان فيه يتحرك وقعدت تشرح دكتورة لي عادل
وعادل قريب يطير
وطلب صور
اني استريحت وانه طلعت من هالموقف
عادل بعد ما طلعت من العيادة
وقف عالمحل وخدالي فيريرو لانه نحبها وكان يشوفلي ويضحك طول الطريق
واني لما تجي عيني في عينه نبتسم بس من داخل ضميري موجعني 💔
أنت تقرأ
امواج
Misteri / Thrillerاعلان__مقدمة الرواية الجديدة #امواج الاسم غريب شوية امواج ! شفته اكثر اسم مناسب لحياتي والواقع الي اني فيه ! لاني نتخبط زي الامواج والبحر لما يبداء هايج ف اوقات ومرات هادئ ف اوقات بس ع الاغلب تكون الامواج عاليآ وتضرب فيا اني بس في كل المواقف غالط...
