امواج

حلقة 9

#امواج
حلقة ( 9 )

بقلم محمد مالك

وهوا يشوف للبحر اتصل تلفونه ثاني
شاف لقاه حسام
شاهين
كيف حيرد

وفنفس الوقت
ميراث تصارع في حد يبي يعتدى عليها !

**
شاهين رد علي حسام
حسام:السلام عليكم
شاهين..يشوف للبحر:وعليكم السلام
حسام: كيف الحال
شاهين: الحمد الله
حسام: وين نلقاك ضروري نشوفك
شاهين: تلقاني ف طريق الشط
حسام:تمام لما قريب نوصل نتصل بيك
شاهين:تمام

سكر المكالمة وحط تلفونه في جيبه وحط ايديه في جيوب جاكته وقعد يتفرج علي البحر

وفنفس الحظة ميراث ضربت حد علي راسه وهربت

____________
عادل..مشى المحل بعد ما وقع فالشغل

عادل: شن جو السوق اليوم
محمود: زي كل يوم ماشي الحال
عادل: الحمد الله علي كل حال
محمود: شن بدير في موضوع شاهين
عادل: توا شوية ونكلم صاحبي الي يخدم فالمطار ونشوفو موعد طيارته
محمود: به وعرفت موعد طيارته
عادل: اليوم الي فيه طيارته مش حنخلوه يطلع من الحوش
محمود: ولو من قبلها طلع من الحوش مثلا يوم الي قبله
عادل: لو صار هكي نبدو عارفين علي اي خطوط حيركب وموعد الطيارة
محمود: معناها نقدرو نحصلو عليه ولو كان طالع بقارب زي ما قال زمان بنهج بهجرة غير شرعية وكان مزال شفتو وجهي
عادل: لو بقارب مش حنلقو اسمه في الحجوزات
محمود: صح شن تستنا كلمه صاحبك
عادل: مبكرى شاهين طالع وتحته فلوس معناها لو بيحجز اليوم مفروض ف نستنا لي الليل ونتصل بيه ونتاكدو
محمود: لو بتشده يوم السفر حيدير مشاكل
عادل: مرة هادي حنخليه فالحوش لو وصلت ان نضربه ونربطه
محمود..ناض من الكرسي: واني معاك في كل شئ بس علاش مفيش بنى ادم عبرني وقال بناخدو هدية لي امي خديت معاكم ولا زايد اني
عادل: فكرة الهدية من اصلها جابها شاهين نقصوه فلوس وكلمني يعني واضحه مش حيكلمك
محمود..هز راسه ووقف قدام باب المحل وطلع دخان من جيبه وولعه
عادل: حي عليك رجعت ادخن قصدك
محمود: من يوم المشكلة
عادل: وشن استفدت بالاخير شكيت في مرتك وبهدلتها ولا نقولك تتفكر وقت قتلك فيه موضوع بينا لازم نتموه اليوم الموضوع
محمود: فالحوش ؟
عادل: فالمحل نسكرو الباب ونتفاهمو
محمود..هز راسه بمعني تمام
عادل خش للمحل
و محمود قعد واقف البرا

_____________

ساجدة طلعت بتعطي مبلغ لي سوسن

واني واريج في دار نهدرزو
وماما لوطا فالمطبخ

اريج: حي عليه امجد هاده وشن دارله شاهين
ياسمين: حسب علمي انه ضربوه ووصلتني معلومة انه حبسوه
اريج: ومنين عرفتي
ياسمين: عندي صاحبتي صاحبتها اخت امجد زينب
اريج: وهيا قتلك
ياسمين: ايه وقتلى عيلة عار اصلا البنت مفيش ولد متكلمش فيه
اريج: دخلنا بيها نتكلمو عليها احنى كملي شاهين شن دار لما جا
ياسمين: اني خفت يقول لي محمود ولا عادل لكن حل الموضوت هوا بروحه وحضني
اريج..تسمع لي كلام ياسمين وسارحه
ياسمين: والله حسيت انه عندي سند وكلمته يجيبلي شفرة تعبت منها شفرتي الاول
اريج: ايه شاهين طيب بس موضوع السفر هاده مش عاجبني
ياسمين: موضوع السفر مش عاجب حد لعلمك بس
اريج: ربي يهديه ويصلح باله يارب
ياسمين: امين يارب