#امواج
حلقة 12 والاخيرة
بقلم محمد مالك ❤
قعد يفتش في ميراث بعد مسها في مكان ***
ميراث ضربت الشرطي كف
الشرطي شد ميراث من شعرها
اني هنى خديت خطوة تعبتر غلط وصح فنفس الوقت
شاهين ضرب الشرطي براسه علي خشمه
فلمح البصر تلقطو الشرطة قريب 6 علي شاهين ويضربو فيه وهوا علي الارض
وميراث تعيط وعلي شاد ميراث ومش قادرين يديرو شئ
كانو الشباب علي و ومروان واسماعيل
كل الي مدايرينه شادين ميراث الي كانت تعيط وتبكي تفكني من ايديهم
اني قعدت نتالم من ضربهم العشوائي وين ما يجي يجي في كل مكان تقريبا تخيل 6 وانتا علي الارض وكلهم يضربو فيك تقريبا وين ما تجي رجلهم وايدهم فيك في كل مكان
قعدت نحس بالالم حاولت نغطى راسي بيدي لكن حصلت خبطات هلبا عليه وحسيت روحي بنفقد الوعى
لكن ربك ما ينسا حد الضابط او المسوؤل عليهم جا من بعيد ويقولهم اقفو طبعا يكلم فيهم بالايطالي بس لما قعد يعيط من بعيد كلهم شافو له وقفو ضرب
جاء الضابظ وهما وخرو شوية من عليا
واني حرفيا كنت عاجز نحساب روحي نشليت ومنقدرش نحرك رجليا نهائي وجسمي كله يوجع مش قاادر نتحرك نحرك في عيوني بس
نزل نص ركبه الضابط قعد يكلم فيا ورفعلي راسي هكي وشاف تحت عيوني وقعد يتكلم بالايطالي معا واحد منهم
مشا جابلي مياه وشربني
ميراث كانت تشوف وتبكي
وعلي شادها
قعد الضابط يتكلم بالايطالي
بعدين جو زوز رفعوني من الارض
ميراث قعدت تعيط وين واخدينه
ضابط تقول فهم كلامها واشر بيده بمعنى تعالو حتا انتو
اني كانو رافعيني نشوف للسماء هكي ودايخ وجسمي يوجع والله شعور واحساس حتا لعدوك ما تتمناه 💔
ركبونا فوق هكي
ودخلونا زي المكاتب هلبااا ولاصقين في بعض زي الافلام لو عرفتو مقصدي حطوني علي الكانبه
وخشو معاي ميراث والباقي
طول لفو عليا وميراث تشوفلي وعيونها حمرر من البكاء
والضابط واقف علي الشرطة الي ضربوني ويعيط وياشر بصبعه عليا واضح انه كان يتكلم عليا وكيف ضربوني
وبعدين قعد يتكلم واحد من الشرطة ويقوله ضربني وهاده علاش
بس الضابط قعد يعيط وسكتو الشرطة ويشوفوله
ميراث..شدت يدي ومسحت دموعها بيدها اليسار: شن يوجع!
اني معنديش حيل نتكلم مكسر تكسير بمعني الكلمة رفعت حواجبي ونزلتهم
علي: ضربوه هلبا ال ***** هادو
مروان: مفروض أدخلنا معقولة هكي يضربوه
اسماعيل: ادخل مش ترقد فالكنبه الي جنبه افهمو انتو مش في ليبيا توا يعني الغلطة بورطة بس قال التاجر رد بالكم توقعو علي شئ ! تحملو الاهانة وزي ما يقولو الي يطلع من داره يقل مقداره
علي..قعمز علي كرسي وحط ايديه علي راسه
وكلنا قعدنا نستنو فيهم ومش عارفين حتا شن نديرو
أنت تقرأ
امواج
Misteri / Thrillerاعلان__مقدمة الرواية الجديدة #امواج الاسم غريب شوية امواج ! شفته اكثر اسم مناسب لحياتي والواقع الي اني فيه ! لاني نتخبط زي الامواج والبحر لما يبداء هايج ف اوقات ومرات هادئ ف اوقات بس ع الاغلب تكون الامواج عاليآ وتضرب فيا اني بس في كل المواقف غالط...
