امواج

حلقة 11

#امواج
حلقة ( 11 ) ما قبل الاخيرة
بقلم محمد مالك

لايك قبل ما تقراء ❤

خش الدار ولقى اريج علي السرير وفاتحه فونهاا
شافت لي محمود

محمود..سكر الباب بالمفتاح
اريج خافت

^^^^^^

شاهين شااد فالقارب بقوة وخائف يغرق بيه لانه كانت الامواج قوية وتخبط خبط وكلهم مبلولين وميراث خائفة وكلهم خائفين

جمال: يااا لهوي يا لهووي

^^^^^^

طق باب حوشنا

نزلت من دروج لقيت عادل في صالة

عادل؛ خليك بنفتح اني
ياسمين؛ تمام

عادل طلع وفتح الباب لقى مراة واقفة اول مرة يشوفها : تفضلي
سوسن:ساجدة اهنى ؟!
عادل: ايه داخل تفضلي

خشت سوسن وقدامها عادل: تفضلي الصالون شوية وتجيك
سوسن..خشت الصالون وقعمزت
عادل راكب الدروج
ياسمين: من الي خشت هادي ؟!
عادل: منعرفهاش زيني زيك تبي ساجدة
ياسمين: به كلمها واني ننزل المطبخ
عادل..فتح باب الدار
ساجدة شافت لي عادل
عادل: في مراة في الصالون تبيك
ساجدة: مني ؟!
عادل: وين بنعرف اني انزلي شوفيها
ساجدة؛ هيا نواسى روحي بس

عادل طلع
وساجدة وقفت قدام المراية عدلت شعرها وبخت عطر ونزلت

لقت ياسمين فالمطبخ
وخشت الصالون
ساجدة؛ السلام...وسكتت لما شافت سوسن
سوسن: كملتي السلام العفو شن شفتى شيطان
ساجدة...تلفتت وسكرت باب الصالون ومشت لي سوسن وشدتها من يدهاا : تفضلي شن تبي ؟!
سوسن: لو كنتى اتفكري وقت تلغي الاتفاق انه حناخد الفلوس ونسكت لا يا ماما مش حنسكت وحنسود ايامك
ساجدة؛ شن تبي توا فلوس زيادة يعني ؟!
سوسن: لا ولدي يعيش معاكم ويعيش بين عيلة وحياة حلوة عنده ماما وعنده بابا
ساجدة: وقتلك ان هاده مش حيصير
سوسن: لا حيصير لان الي واقف فالجنان عادل علي ما اظن
ساجدة..شدت يد سوسن بقوة: اني منتهدتش فاهمة ولا نقتلك ونقتل عشرة زيك
سوسن: يعني مسكرة راسك ؟!
ساجدة: عندي فكرة
سوسن: نسمع
ساجدة: ناخد منك البيبي واني نتصرف فيه
سوسن: لا يا ماما كيف تتصرفي فيه اني مش حنرضا الا انه يعيش معاكم
ساجدة: اسمعي راه خلاص وصلت حدها عندي
سوسن..بعدت يد ساجدة من عليها: واني وصلت حدها عندي
ساجدة: انتي شن تبي من الاخير توا
سوسن: ولدي يعيش معاكم وانتي ماما والي برا بابا غير هكي لاا
ساجدة..دارت ايدها علي خصرها: لا يا ماما وعيون بابا انتي وهاده مش حيصير وهيا امشى لي حوشك وحتا دفعة الفلوس الجاية مش حنعطيك
سوسن: متاكدة
ساجدة: اها متاكدة
سوسن: توا حنمشي بس توا تشوفي

طلعت سوسن وفتحت الباب ووراها ساجدة

طلعو للجنان وكان عادل علي طاولة