لا ارتوي الا بعشقك بقلم نداء علي مكتملة

🍁الفصل السابع🍁

الفصل السابع

بدأ الجميع في السعي لتحقيق الفوز، حاولت الفتيات بكل الطرق التغلب علي فريق الأولاد ولكن معاذ لديه قدرة كبيرة علي ممارسة العديد من الالعاب ولذلك تمكن من تحقيق الفوز لفريقه.

معاذ محاولاََ التفكير في عقاب مناسب للفريق الخاسر.

بعد قليل نظر معاذ الي عهود قائلاََ َ : ها ياحجة تحبي العقاب يبقي عالفريق كله ولا عليكي بما ان إنتِ اللي انسحبتي من لسانك وعرضتي فكرة العقاب.

عهود بثقة : لا هنفذ انا

معاذ : خلاص عفونا عنك، انتوا بردة لعبتوا كويس وحاولتوا تفوزوا.

عهود بغضب : لأ، انا مصممة عالإتفاق اتفضل خلص.

حسن واسامة : مابلاش يابنتي ده بيطلب طلبات عجيبة،

ده في مرة خلانا نعد عدد حبايات كيلو عدس.

ريم ضاحكة : ومرة رسم لحسن قرد علي وشه وفضل ماشي بيه طول اليوم.

عهود بخوف حاولت اخفائه : مفيش مشكلة معاذ : خلاص تعالي بوسيني وقوليلي، اسفة ياحبيبي.

عهود بخجل : حبك برص لأ طبعا.

معاذ ضاحكاََ َ : وانتِ مش عجبك ده غيرك يتمنوا.

عهود : مبيفهموش طبعا، واكملت بتحذير موجهه اصبعها امامه

لو طلبت طلبات مؤدبة هنفذها، غير كده لأ.

معاذ : خلاص، ادخلي اعمليلي كوباية شاي بحليب وهاتيها وقوليلي اتفضل يا استاذ معاذ.

عهود بتأفف : حاضر.

معاذ : متتأخريش وتعمليها انتِ اوعي حد يعملها بدالك.

عهود : طيب خلاص، أووفف.

توجهت عهود الي داخل البيت تبحث بترقب شديد وحذر عن المطلوب لإعداد الشاي بالحليب.

سألتها شادية بهدوء : بتدوري علي ايه يا دودو انتِ جعانة ياقلبي؟!