كل منا يرى الخيانة بمفهومه الخاص.. حسب ارائه واعتقاداته
فالبعض يعتقد ان الخيانة هي الخيانة الجسدية
والبعض يرى ان الخيانة تبدأ بمجرد التفكير
ربما الكذب والخداع خيانة.. الأخذ دون ان اعطي خيانة
وهناك من يسامح وينسي
ومنا من يتناسى لكي يكمل حياته
والبعض...
صعد الي غرفتها بعد عقد القران.. استأذن عدة مرات ولم يسمع اجابتها.. تنهد بعمق ثم فتح الباب بحذر
نظر اليها وجدها تحتضن جسدها بخوف وتنام بفراشها
اقترب منها بحذر هامساََ : عهود.. انتي كويسة!!؟؟
نظرت اليه دون رد.. نظرات يعلمها وعانى منها من قبل
اجلسها برفق وقربها من احضانها قائلاََ : عيطي
طلعي كل اللي جواكي وارتاحي.. متخافيش ياعهود انا حاسس بيكي
انفجرت باكية تنتحب بقوة : كان نفسي احضنها يامعاذ.. كان نفسي تبقي معايا في يوم زي ده جرأتها وهي بتزعق للكل.. خلوني نسيت انها أمي هي ليه قاسية وجاحدة كده لييييه!!!!!
ابعدها عن احضانه ورفع وجهها اليه قائلاََ : مش عاوزك تعيطي تاني بسببها.. مش عاوز اشوف دموعك دي تاني لازم تبقي قوية فاهمة!!؟ خلاص انتي بقيتي مراتي.. مسؤولة مني انا
عهود بخجل دون رد معاذ : انا اول مرة اخش دنيا تقلبيها مناحة.. ينفع كده!!؟
