لا ارتوي الا بعشقك بقلم نداء علي مكتملة

🍁الفصل الخامس🍁

الفصل الخامس

بالصيدلية الخاصة بأمل تجلس وامامها فريد، طبيب صيدلي يمتلك صيدلية مجاورة لأمل تعرفه منذ سنوات لم يتزوج من قبل وهو ببداية الاربعينات.

فريد : كلمتي عهود يا أمل ولا لسه ؟!

أمل : لسه يافريد لازم امهدلها الاول البنت كانت متعلقة بأبوها جداا وانا خايفة من رد فعلها .

فريد : ماهي هتعرف دلوقتي او بعدين لو تحبي اقعد معاها واحاول اقرب منها يمكن تتقبلني في حياتكم .

أمل : لا انا هتصرف معاها وارجوك متلحش عليا الموضوع مش سهل، لأن عبدالرحمن الله يرحمه مش مجرد أب وخلاص وعهود هتنساه بمرور الوقت عبدالرحمن كان قريب ليها عني مكنتش بتنام غير في حضنه، كل اسرارها كانت معاه، ابتسمت بحزن ثم أكملت.

اوقات كنت بغير من حبه ليها واوقات كنت بتمني اكون انا بنته زي عهود، مع انه كان احن زوج في الدنيا بس حنان الأب مع بنته مختلف، توقفت أمل عن الكلام، ثم أكملت حديثها بجدية انا هنتظر لما عهود تخلص السنة دي في المدرسة يافريد وهحاول اوصلها الموضوع بهدوء كمان يكون فات سنتين علي وفاة عبدالرحمن .

فريد بس كده كتير متنسيش اننا مفروض نسافر اخر السنه اوراق البعثة جهزت خلاص واحنا اتفقنا هتسافروا معايا.

أمل : ان شاء الله وقت السفر هكون فاتحتها واقتنعت بأذن الله، خلينا بقي نشوف شغلنا اتفضل علي الصيدلية بتاعتك.

فريد مبتسماََ َ : طيب شربوني شاي خليني اركز.

أمل : تمام تشرب الشاي وتمشي مفهوم فريد : حاضر يا فندم.

بينما فريد وامل يتحدثان معاََ، كان احد العاملين بالصيدلية ينظر اليهما بحزن وحذر وقد عزم علي ابلاغ عابد بما يحدث وراء ظهره.

🔸🔸🔸🔸🔸🔸🔸🔸🔸🔸🔸🔸🔸🔸

اطمأنت شادية ان الجميع قد غادروا المنزل واستوقفت هي أسامة للتحدث معه شادية : اقفل الباب وتعالي اقعد يا حبيبي أسامة : نعم ياماما

شادية : ليه دايماََ َ حاطط معاذ في دماغك وعلاقتك بيه مش حلوة يا اسامة ده اخوك الكبير وبيحبك

أسامة : انتم السبب انتِ وبابا، دايما بتفضلوه علينا .

شادية : طيب اسمعني يا اسامة وياريت الكلام اللي هقوله متسألنيش عنه تاني لانه بيوجع قلبي