لا ارتوي الا بعشقك بقلم نداء علي مكتملة

🍁الفصل السادس🍁

الفصل السادس

امل : عهود مش هتخرج من بيتها، فاهم يا حاج عابد.

عابد : والله انك بجحة ومعندكيش حيا، عاوزة

تتجوزي وتدخلي راجل غريب مكان اخويا واسيبلك بنته كمان؟!

أمل : حقي انا مبعملش حاجة حرام، انت كنت متجوز ومخلف ورحت اتجوزت علي مراتك ومحدش قدرلك ووقتها كنت بتقولها بأعلي صوتك، حقي وشرع ربنا.

عابد بغضب : ميخصكيش، واه حقي وشرع ربنا وحقك انتِ كمان بس عالأقل اصبري شوية خلي عندك دم ولا خلاص هتموتي عالرجالة وعايزة بديل بسرعه.

أمل بغضب وحدة : احترم نفسك ومتدخلش في حياتي ولو مش هتقعد بأدبك يلا اتفضل برة.

عهود بضعف : انا جاية معاك ياعمي

أمل : مش هتخرجي من هنا فاااهمة، تراجعت عن غضبها اقتربت منها هامسة، ارجوكي ياحبيبتي متخليهوش يضحك عليكي هو طول عمره بيكرهني وهيستغل زعلك مني.

عابد : إنتِ متهمنيش في حاجة، عهود ابوها موصيني عليها وللاسف عليكي بس خلاص إنتِ لقيتي اللي ياخد باله منك سيبيني بقي اهتم ببنت اخويا .

أمل متجاهلة حديثها وبصرها معلق بطفلتها

عهود حبيبتي اهون عليكي، هتسيب ماما ليه كده يا بنتي ؟؟

عهود : اسفة ياماما كده احسن ليكي وليا عالأقل تبدأي حياة جديدة من كله ليه تربطي نفسك بحاجة من الماضي لو بتحبيني بجد سيبيني امشي انا عاوزة اروح لتيته.

أمل : مستحييييل انا مقدرش اعيش من غيرك.

عهود : لو مسبتنيش همشي هموت نفسي سمعتيني هنتحر علشان ارتاح واريحك.

اسرعت أمل باكية تستعين بجيرانها وصديقة عهود الوحيدة نورا

أمل ببكاء : الحقيني يانورا الحقيني عهود عاوزة تسبني.

نورا بحزن : عرفت ياطنط وحاولت اقنعها ومفيش فايدة.

والد نورا فؤاد الدين متدخلا بالحوار معاتبا لأمل :

حضرتك غلطتي مفروض كنت تبلغيني اول ما حصلت المشكلة احنا بنعتبركم اهلنا وعهود زي نورا وزياد.