لا ارتوي الا بعشقك بقلم نداء علي مكتملة

اقتباس

بعد مرور ٥ سنوات اصبحت عهود بالثانوية العامة والكل يتنظر ظهور النتيجة بترقب
ريم : ها يا دودو لو جبتي مجموع طب هتعملي ايه وهتقنعي بابا ازاي انك مش هتدخلي طب
عهود : انا نفسي ادخل فنون جميلة او فنون مسرحية.. عارفة انه صعب يوافق بس هحاول
ريم : الوحيد اللي ممكن يساعدك هو ابيه معاذ
عهود : لالالا معاذ ايه بس حرام عليكي ده بيخوفني لما يبصلي اروح اقوله عاوزة ادخل فنون مسرحية يقتلني
ريم : خلينا نصبر.. يمكن تطلعي فاشلة وتريحي قلبنا ومتجبيش طب ولا هندسة

بكلية الشرطة يقوم معاذ باداء التدريبات الخاصة لتأهيل الطلبة للتخرج من كلية الشرطة وممارسة دورهم باتقان في مكافحة الجرائم
العميد جاد الدسوقي مسؤول عن متابعة المتدرين ويري ان معاذ لديه قدرات وذكاء يؤهله ان يصبح ضابط شرطة ذو مكانة مميزة

رجع عابد من محل الدهب الرئيسي.. ده محلهم الاولاني وعابد رافض يسيبه بيقعد فيه هو وبيشغله بيعتبره وش الخير عليهم

عابد : السلام عليكم يا أم معاذ
شادية : وعليكم السلام يا حج.. تتغدي اجهزلك الاكل
عابد : معاذ رجع من الكلية ولا لسه
شادية : لا لسه ان شاء الله زمانه علي وصول
عابد : انا طالع اوضته في فواتير معاه هطلع اشوفها وانتي جهزي الغدا
عابد بعد ما دور عالفواتير اللي محتاجها لفت نظره مجلة محطوطة تحت مخدة معاذ.. مسكها عابد بفضول.. فضل دقايق مش مستوعب اللي شايفه ولا الصور الموجودة
عابد : يانهار ابوك اسود يامعاذ.. مجلة قذرة زي دي ايه جابها هنا ولو حد من اخواتك شافها يبقي ايه الحل... شكلك محتاج تتربي من جديد يا حضرة الظابط وبسببك هعجل بقرار جوازك انت وعهود

تاني يوم الصبح الكل متجمع بيفطروا بهدوء معاذ مرعوب وبيفكر ابوه شاف المجلة ولا لا.. عابد بيفكر ازاي يقولهم قراره.. عهود خايفة تواجه عمها بقرارها

ريم بسعادة : النتيجة ظهرت يا جماعه... الحمد لله نجحنا والمجموع جاااامد
عابد بهدوء : جبتي كام انتي وعهود
ريم : الحمد لله انا ٩٠ وعهود ٩٨
عابد : الحمد لله.. مبروك يادكتورة عهود.. اخيرا هتحققي حلم ابوكي الله يرحمه وتطلعي دكتورة زيه
ريم بحذر : مش يمكن هي مش حابة تدخل طب
عابد بغضب : محدش هنا له رأي بعد رأيي
عهود بخوف : بعد اذن حضرتك انا كنت يعني.. احم بقول ممكن ادخل طب بس انتسب لمعهد فنون جميلة
عابد بحدة : لو الكلام ده اتكرر تاني هزعلك.. البيت ده شكله عاوز تربية من جديد.. ولا ايه رأيك يا معاذ
معاذ : ها... اللي حضرتك تقوله يتنفذ
ابتعد عابد غاضبا.. ثم توقف ووجه كلامه للجميع بلهجة لا تقبل النقاش
الخميس الجاي كتب كتاب عهود ومعاذ
صدمة للكل.. اول واحدة انتبهت وردت هي عهود
عهود : كتب كتاب مين ياعمي
عابد : انا كلامي واضح انتي ومعاذ هينكتب كتابكم اخر الاسبوع
عهود : وانا ايه مليش رأي.. انا مستحيل اتجوز في السن ده وابيه معاذ بعتبره اخويا
عابد : وانت رأيك ايه يامعاذ بيه
معاذ : اللي حضرتك تشوفه يابابا بس فعلا عهود لسه صغيرة و...
عابد : الكلام انتهي.. ابوكي الله يرحمه وجف جصادي واتجوز امك غصب عننا وفي النهاية لما مات نسيت كل حاجة واتجوزت.. ونسيتك انتي نفسك
يمكن انتي شيفاني قاسي وظالم.. بس انا خايف عليكي وعلي فلوسك ومفيش حد هيخاف عليكي زي ابن عمك

فاقت عهود من ذكرياتها علي صوت مدير اعمالها بينبهها انه البرنامج هيبدأ.. وانها بعد دقايق هتكون عالهوا

ابتسمت عهود بطريقة جميلة.. ساحرة.. برغم الالم والحزن اللي عايش جواها واللي بتعتبره جزء من كيانها الا انها اتعودت وقت ما تطلع قدام الجمهور ميظهرش للناس غير ابتسامة جذابة وبس 😔
⁦

❣️⁩⁦❣️⁩⁦❣️⁩⁦❣️⁩⁦❣️⁩⁦❣️⁩⁦❣️⁩⁦❣️⁩⁦❣️⁩⁦❣️⁩⁦❣️⁩⁦❣️⁩⁦❣️⁩

تابعوا روايات لي جديده نزلت حالا 👇👇👇

وصفولي الصبر الجزء التالت

https://my.w.tt/Q4c8pFI3E7

أمواج قاتلة

https://my.w.tt/xMAqnQZPSab