وجعي_انت

7,8

#وجعي_انت 
حلقه 7
فتحت وألقيت خمس طلبات مراسله وطلب صداقه
القيت رساله من نور رديت عليها ودزيتلها طلب ع فيس
وألقيت من واحد معايه نعرفه بشكل بس😐
وألقيت من ابراهيم : خير ي انسه بس بنقولك بلاش تكبير راس لان ح يجي يوم ونكسره لك تم
نا : هههههههههه وحقربي عيل تي كنه
ايه : خيرك تضحكي
نا : لالا شي ودزيتله تي والله تفوتني مش ناقصني عيل نفسك ودزيتها وحطيته ف حظر .....

والقيت طلب صداقه 😳 تي وحقربي هو خشيت ع بروفيله هوو يوم ايه الحقيني 😱
ايه : كنككك الستر
نا : بحتي من دزلي طلب حي ع امي
ايه : من
نا : دكتور اليوم جانا بس كيف عرف ايميلي
ايه : هيتي كلا نشوفه انتي قاعده ف قروب الكليه؟
نا : اها خشيت من اول ما سجلت بعدها فصل نت
ايه: اوكي جابه من قروب اكيده تي طررف نعنشكلك
نا : مش ح نقبل شن نبي فيه اصلا بارد وثقيل ووواك
ايه : اقبلي بلا اهبال ليش يدزلك ف حاجه بعدها هذا دكتورك مش طالب معاك حي عليك يسقطك
نا : زعماا حي عليا
ايه : اهاا اقبلي واسكتي
نا : هيتي فوني هيتي وقبلت الطلب وقلبي ح يطلع من مكانه مش عارفه ليش خايفه

بعدها صليت العصر وحطيت راسي ع مخدة ورقدت وعيت ساعه 10 مفجوعه نزلت
نزلت القيت ماما وايه ياكلو
نا : معقوله ي ايه تخليني لتوا
ايه: صوتي راح وانتي ولا كنه تقولي عزقينك ف بير
نا : نعسسانه تغير روتيني من اول ما بدت جامعه
ماما: شدي روحك ايوه وفكيني من الدوه الفاضيه
نا : إن شاء الله
وقعمزت درت توست وجبت عصير

جا ايمن
ايمن: خير ي احويجه
ماما: خير ي ولدي
نا : ونحن ما يتسلم علينا
ايمن:  زفففف كلا اطلعي من راسي
نا: تف
ايمن: شننننن شن هذي ي استاذة وصبا مسكني من شعري
نا : تي حول ي ماااااااما
ايه: هههههههههه
ماما: ايمن سيب اختك
ايمن: تسكري خاربك نبش نسمع صوتك
نا :😭باااهي
ايمن: نبي نسجلك ف حافله مش فاضيلك يومي نا
نا : باه مالا سجلني مع دعاء 
ايمن : قعمز ياكل ف توست اللي نا درته ليش دعاء مع من مسجله
نا : سمم قصدي مسجله تقريبا مع واحد اسمه طه&&& ،،،،،،،،،،ع اساس مانعرفش اسمه😂
ايمن:  شرق وهو يأكل فنص تي من جدك تبيني نحطك مع هذا واحد مختل عقليآ وكنها دعاء ما لقت غيره
ماما : كنك تحكي ع شاب هكي
ايمن: تي ي احويجه مش تمام بكللل
نا : بلعت ريقي حي عليك ي دعاء ويحطها اخر وحدة ي سلام
ايه : توشويش كنك تعرفيه شوفي وجك حي عليك
نا : لا لا من وين بنعرفه
ايمن : شن فييي خيررر
وطق الباب
نا : صبيت بنفتح
ايمن: شن رايك تاخذي السيارة  بالمره واديري لفه ف شارع كان ف خاطرك
نا : ياااريت😍٠
ايمن : ارتزعيي مكانك 😡
ماما: يبييياي ع بختي العطيب تكسر الباب صبي ي ايمن  امشي افتح
ايمن: تي من قليل الذوققق اللي بيجناا توا وفتح الباب
ايمن: فيروز😅
فيروز: معلش نحن قليلات الذوق
ايمن: يضحك ههههه تي خشو خشو
نا : فيروز دعاء غررريبه😍 امس كنت عندكم رايفتولي
دعاء: ماغريب غير شيطان شن جوك اليوم
ماما: خير حبيباتي شخباركن
فيروز ودعاء: الحمدالله
ايه : شن صاير ف دنيا وف ليل اخره 
ماما: اسكتي ي بت
دعاء: ههههههه والله مش عارفه محمد قالنا هي نمشو لحوش عيت خالي 
ماما: ي مرحبتين وين محمد وعيال اختك ريم
فيروز: اهو برا مع ايمن
دعاء:العيال جا بوهم وقال توا يردهن لم ترد ريم
ماما: كوييس عادي بوهم مش حد غريب
خش محمد: السلام وعليكم
نحن وعليكم السلام
نا: مش قادره نشوفه ولا نحط عيني في عينه دعاء تعالي
طلعنا فوق
نا :  كنك جوك مش تمام
دعاء: اسكتي سقطت
نا : هييي ثاني سنه هذي
دعاء: وراسك ماتزديها عليا اصلا بنحول نا مش عارفه ليش خشيت تقنيه
نا : مفروض من سنتين الكلام هذا  بس ماا علينا ربي يعوضك  شن بتخشي
دعاء: نفكر نخش نفسك اقتصاد
نا : ياريت الله😍 بس لحقي روحك قبل جزئي
دعاء: خلاص السبت نقول لمحمد يمشي يسجلني
ونزلنا قعدنا نسهرو لعند ساعه 12 جاني ع ماسنجر شن جوك رفعت راسي القيت يبحت ما رديتش
محمد : كنك تبش تردي
نا : محمد لو دزيت حرف اخر ح نعطيك بلوك
محمد : هههه ديريها كلا
نا : براحتك ودرت بلوك وبحتت فيه القيت عيونه قريب يطلعو وصبا هي ي بنات

#وجعي_انت