وجعي_انت

15

#وجعي_انت

حلقه 15
بعد فرح ايه بشهر " يوم الأربعاء  ساعه 4 ف عشيه
ايمن: اووووووو مراجع خشي خشي
دعاء: مراجع عينك وين بيسو
ايمن: اهي ف دار  مع امي
نا : قاعده ع نت رفعت راسي وينك ي كلبه تحكش معايا
دعاء: بلا حركات اهو جيتك
نا : شهر كامل ما نشوفك تفف
دعاء:  حنرقد عندك اليومم
نا : وغصب عنك
دعاء:  شخبارك ي عميمه وسلمت عليها
ماما : بخير شخبارك  وين امك وخواتك
دعاء: بكرا يجوا شخبار ايه
نا : الحمدالله بخير نكلم فيها مبسوطه
دعاء: حتي هي تركيا
نا : هههههههه عقبالك
ايمن : خش عقبالك ع شن
نا : اه لا ولا شي تعالي ي دعاء درت كيكه تعالي نديرو نسكافيه
وخشينا لكوجينه
دعاء: كنك شغلتيني عليك امس لم كلمتك
نا : بتنهيدة  اااه وعيوني دموعو خالد ي دعاء له 3 أيام مقفل فونه ومسكر نت وحقربي مانرقد حاسه قلبي بيوقف
دعاء: يييي كنه ان شاء الله خير
نا : مش عارفه وتميت نبكي واقسم بالله لو فيه حاجه نقتل روحي ومش عارفه كني نا رايح ينقطع نفسي  واجد
دعاء: لالا خلاص اس توا يخش خوك وكنك انتي راه تكون ردتلك الازماا
نا : ونا نمسح دموعي شكلها،،، بكرا عيد ميلاد ماما هذا ليش قتلك باتي نبي نديرلها حاجه
دعاء: حاضر من عيوني نديرو شاورما وبطاطا امبطنه وترفل ونشرو كيكه وعصير وسلاطات
نا : وبيتزا
دعاء: شورك طبعا😂 ع عموم جبتي المواد وامته نديرو
نا : توا ندز ايمن ونديروهن ف ليل بعد ترقد ماما وبكرا ايمن يجيب الكيكه وتجي عمتي وخالتي ونديرولها مفجاء العشيه
دعاء:  وخالك💔
نا : كنه خالو
دعاء: اه لا قصدي بيجي
نا : اكيده ليش في حاجه
دعاء: بيسو بنقولك
نا : تي احكي ع خشت ايمن
ايمن: يدخن وينفخ دخانه فش تحكو
نا : ليش التطفل هذا
ايمن: 😒زففف سكري فمك
نا : يارب صبرك قتلك عيد ميلاد ماما بكرا طبعا مش مذكر
ايمن : اه اه لالا مذكر طبعا
نا : واضح وطلعت الورقه من الدولاب جيبي كل هذا وصي ع كيكه وبكرا تجيبها ف عشيه وراك تحكي بندرلها مفجاء
ايمن:تمام الهديه شوري
نا : نجك لي تمام
ايمن: شخبار فيروز
دعاء: كويسه وبحتت فيه بأستغراب نظام كنه

وبعدها ساعه 11 خشت ماما ترقد ونزلنا نا ودعاء بدينا نجهززو
نا : اسس ادرش صوت
دعاء: تي باهي وين الملح
نا : اهو قدامك
دعاء: نديرو شاوما ونحطوها بالفريز وبيتزا نحطوش جبنه بكرا ف تسخين نحطو وبطاطا مبطنه بكرا
نا : تمام ومسكت فوني هييي دعاء خالد  استلم المسجات وفتح واتس اهو متصل
دعاء: دزيله بسرعه كنه مادزلك
نا :  مش عارفه معنى كلمته فوق 20 مكالمه و10 مسجات ونزلو دموعي نار ع وجي  وحسيت قلبي وجعني حسيت بشعور شين مهما نحكي مانقدرش نوصفه كنه يا ربي ويدي بدت ترجف ماعش عرفت نكتب شعور واعر  كنك ي حبيبي كنك ي روحي اللي كنت تقولي مستحيل نقعد ساعه من غير مانسمع صوتك اللي كنت تقولي انتي نور عيوني انتي بس لم نسمع صوتك تجيني راحه غريبه اللي كنت تقولي نا مانقدرش نعيش بلاك اهو عشت ي خالد قدرت تعقد بدون 3 أيام بس نا ما رقدت فيهن ماغمضت عيني ماوقفت تفكير فيك ،  هذا كله ماسكه الفون وفاتحه الواتس ونشوف فيه متصل ومش عارفه شن نكتب