وجعي_انت

31

#وجعي_انت

31
ساعه 9 ص
نا: وعيت القيت روحي جنب مراون ابتسمت تلقائيآ وحطيت يدي تحت خدي وقعدت نتأمل فيه توا غير عرفت ليش عيونك حمر طلعت تشرب تنهدت ربي يهديك نا لازم نساعدة باش نسيبه وقربت منه شوي وصغرت عيوني ماشاءالله علك طول رموش اطول من رموشي ولحيته تجنن .......حي عليا شن قاعدة ندير نا هذا اللي كسرني امس حسبي الله صبي صبي بلا هبال صبيت شوي شوي توضيت وصليت الصبح وجهزت فطور وحطيت شاهي على نا وجهزت القهوة وقعدت نفطر جعانه موت حسيت روحي مرايفه على ماما نعرفها واعيه في الوقت هذا تقرا سورة الكهف كلمتها رن
نا: ماما شخبارك
ماما : يا مرحب بي بنيتي شخبارك شن دايرة قطعتي بياا يا بيسو كسدت من دونك
نا: عيوني دموعو مرايفه عليك شخبار صحتك تاخذي دواك وشن داير معاك علي بقصه الحوش
ماما: بخير بخير الحمدالله على كل حال علي مازال مصمم يبيع الحوش
نا: ربي ياخذة
ماما: لا يا بيسان ماتحكش خوك الكبير ربي يهدي ويردة لعقله
نا: ياارب وايمن شنجو
ماما: اهو امفرش على ارض وراقد امس شافني مقعمزة بروحي رقد معايا
نا: نجك لي طول عمر حنونه وقلبه علينا
ماما : شن حال راجلك وعمتك نبيك تبيضيلي وجي ايوه
نا: بخير الحمدالله عمتي فش احسن منها وراجلي كويس
ماما: الحمدالله ربي يسعدك انتي واختك
نا: يااارب توصي حاجه وديري بالك على صحتك
ماما: ان شاءالله مع السلامه
نا: سلام ،،،، وسكرت عديت على مرايا مشطت شعري ونبحت فيه اوووف مايشبعش نوم كساد رن موبايله القيته مراد بعدها طق الباب لابست ملايه الصلاه وفتحت مراد ماسك احطام
مراد: صباح الخير
نا: صباح النور، ،، وطلعت مروة على اخر طرز
مروة: بدلع صباحو
نا:  ابتسمت صباح الخير
مراد: وينه الافندي بنمشو ......بوي كلمني وقالي بيطلعو توا
نا: راقد
مراد: هكي ديما مستحيل يلتزم بالمواعيد على اساس نمشو مع بعض خلاص نحن نسبقوكم
نا: تمام
مروة: مسكت يد مراد باي بيسو نشوفك غادي
نا: باي وسكرت وتنهدت حولت تعت الصلاه وقعدت ندور في شقه درت الحوسه ودرت الحمام ومازال راقد ،،، عصبت وبعدين معه هذا بيكملها نوم جيته
نا: مروان مروان مروووان
مروان: فتح عيونه وابتسم نعم
نا: انحرجت كنه هذا اكيدة يحلم ،،،، مراد كلمك
مروان: لف روحه بالورغان وغمض عيونه اقفلي الموبايل
نا:  قوست فمي وفنصت عيوني شن والبحر
مروان: لا مانبش نمشي
نا: لالا نبي بحر نا صبي سدك نوم شن هالكساد
مروان: خلاص نمشو بكررا
نا: عزقت عليه المخدة بارد
مروان: شن قلتي
نا: باااارد،،،،،،، وصبيت طلعت لصاله ولعت التليفزيون سمعت صوت باب الحمام ،،،،، بعد نص ساعه نا نبحت في ساعه تي شن هذا لو عريس كان طلع سمعت صوته سقمت روحي وبحتت في تليفزيون طلع لابس تيشرت اسود وبرمودة لتحت الركبه بيج وريحه عطره وشعرة ولحيته
نا : بيسو راكي تبحتي فيه توا يصدق روحه
مروان: قعمز صبي ديري قهوة
نا: نبحت في تليفزيون الفطور على طاوله والقهوة واتيه
مروان: صبي جبيها لي هنا خيرلك
نا: صبيت سخنتها وجبتها مديتها بالصفرة تفضل
مروان: صبا ومسك ايديه على صفرة زين ،،،
نا: رفعت عيوني فيه وماحكيت ولا كلمه انسحرت ف عيونه اول مرة نركز فيه هكي ماقدرتش مانبحت فيهن
مروان: رفع حاجبه وابتسم هااي وين عديتي
نا: هااا معاك شن تبي
مروان: سكت .......قصدك ماسمعتي شن قتلك
نا: سمعت خلاص امسك القهوة ،،،، وخيشت لدار حطيت يدي على قلبي ونتنفس كني شن صار من امس ليوم لازم نفطن لروحي شكلي انهبلت رسمي نااا،،،،،،،،، وقعمزت على سرير ومسكت فوني القيت رساله من دعاء ان تلبيستها الاسبوع الجاي ابتسمت ياعمري يا خالو واخيرا بنفرح فيك
مروان: لمن تبتسمي
نا: رفعت راسي القيت مصبي على باب في عقلي هذا ليش  يدير هكي فعلا يضايق ولا لاني مرته وخلاص وهو مسؤول مني
مروان: نحكي نااا
نا: ها مع دعاء دزتلي تلبيستها الاسبوع الجاي
مروان: عقد حواجبه اهااا باه صبي البسي هي
نا: فرحت بنمشو
مروان : ههههههه صبي اها وبصوت واطي  هذا اللي يتزوج طفله 
نا: شن قلت
مروان: شي وجاب دخانه ما اطولش بسرعه وطلع
نا: وعي توا ويقولي بسرعه اووف ولابست بنطلون كحلي واسع شوي وسوريه بودريه فوق ركبه بشوي وشاح لحمي وكندره
وبوك صغير حطيت في موبايلي ودرت واقي شمس ورسمت ايلانير رسمه رقيقه  وروج بيح مات
طلعت
مروان: شن هذا
نا: كنك
مروان: كنه شعرك طالع
نا: هو يطلع بروحي هي تأخرنا
مروان: سبحان الله يطلع بروحه سقمي وشاحك وهي نزلنا وطول الطريق ماحد حكا نا حسيته بيحكي بس مش قادر مش عارفه ليش جاني الشعور هذا
مروان: ايوه شنجو
اصيل: ميه ميه الجو صقع راح عليك
مروان:  قولي اما مصيف
اصيل: أعطه العنون وسكر
نا: بحتت في مروان حط اغاني 
مروان: طلعي من هنا الوصله
نا: فتحتها ومديت يدي القيت صورة جيت بنطلعها
مروان: سكرها طول
نا: اااه يدي كنك
مروان: تحطش شي راسي صداع
نا: عارفتها صورة لخطيبته طلعت سماعات وحطيت اغنيه ليسا """" اناا مريضه اهتمام ما بدي اشفى""""""
ومش عارفه ليش اضيقت حسيت روحي بنبكي نزل على محل جاب معلبات وشوكلاطات وشبس في اكياس حطهن وطلع
وصلنا ونزلنا ماشاءالله قوم سلمت عليهن وخشيت جو مع الصبايا 
عوض: وينك طولت
مروان: تي اي طولت ساعه 1 
عوض: طلعنا من 9 نحن
اصيل: طبعا مايجي الا على واتي