وجعي_انت

22

#وجعي_انت

حلقه 22

مر شهر وماما بدت في العلاج الطبيعي والحمدالله صحتها احسن
وايه يومي عندنا ودرنا يوم لرجاله وبكرا تلبيستي بس قالو بيديرو قرايه فاتحه ،،علي مايبش خطوبه حرامني من أقل حاجه وايمن علاقتي فيه احسن من قبل ودعاء لها اسبوع راقدة عندي
وخالد سمعت ان فرحه قريب💔
وبالنسبه لي تعبانه ومهدودة وكل ساعه تمر عليا كانها سنه نشفت دموعي كنت نحلم نفسي نفس اي بنت ننخطب لواحد نحبه ونكون فرحانه ياريتني حتي حنقعد مخطوبه خلاص بكرا ح تنتهي حياتي حنكون متزوجه لواحد ما شفته غير مرتين ومع هذا كله مانبش انبين ضعفي وقررت نرضا بنصيب

‏إنهيارات داخليه بمظهر ثابت.

دعاء :تي صبي يلا نلحقو نشوفو كم محل
نا: قتلك لا يعني لا بنلبس فستان تلبيست ايه وخلاص
دعاء: حتي هو سمح بس سمبل
نا: فوتي تعالي هنا مش ع اساس خالي بيخطبك
دعاء: قالي ناجلوها شوي ع خاطر عميمه نسرين
نا: ماما الحمدالله صحتها احسن ماعش تاجلو
دعاء: ان شاءالله خير
ايه: بيسو حجزتلك عند الكوافيره تاعت فرحي راه
نا: هزيت راسي
خالتي: شن اديرو هنا صبن
نا: مش كل حاجه واتيه
خالتي: بكرا حتقعدي متزوجه وبحتي اتقولي قاعدة ف عزا وشن قررتي تلبسي
نا: فستاني الوردي
خالتي: شهقت لالا تلبسي تاع فرح اختك يسهف
نا: بحتت في دعاء وحسيت روحي بننفجر
دعاء: حست عليا لالا يا عميمه حتي الوردي سمح
خالتي: لا والف لا تلبسي الازرق ولوتبي اتغيري ف وردي وهم اكيدة توا يجيبو واحد اتغيري فيه غير الكلام هذا ماعندنش طالعه نشوف امك
ايه: ليش ماشريتي واحد ي بيسو
نا: مانبش خلاص مش قررتو عليا اهم قرارات في حياتي وتبو نلبس على ذوقكن اخرة
ايه: خلاص اسكتي ماعش ينفع الكلام هذا

وجت فيروز و ريم وعمتي واحلام بنت خالتي حامل

عمتي: قالبه وجها مبروك ان شاءالله نشوف عيالك
نا: بنضحك تخيلت روحي عندي بيبي في نص حزني تجيني افكار ونموت من الضحك ،،، الله يبارك فيك عقبال البنات
ريم: الف مبروك بيسو
نا: نجك لي الله يبارك فيكي
عمتي: وين امك
نا: فوق مع خالتي
فيروز: توشوش دعاء اسكتي امس خوك دار فينا يوم
دعاء: هيييي احلفي شن دار
فيروز: كسر الحوش فوق راسنا وطلع ولعند توا ما جاء خايفه يدير حاجه بس
دعاء: ربي يسترناا ويمشي اليوم وبكرا على خير
وجت فريحه خير عليكم وسلمت علينا وقعمزت تهدرز

فريحه:بنقولك عم صاحبتي عمها،،، بو راجلها بيزوجو شن رايك اندل عليك
ريم: وجها قعد انصفر الستر شن تشوفي فيه ي فريحه بتزوجيني لعجوز
فريحه: مش عجوز هكي في 50 سنه
ايه: فريحه شن الكلام هذا وقتك توا
فريحه: نا الغلطانه اللي بنستر عليها
ريم: صبت وخشت لكوجينه تبكي
ايه: ريم ماتبكش تفهي النوعيه هذي ماتخليها تحطمك انتي مازالتي صغيرة وعيالك ماشاءالله عليهم وقاعدة تقري كم سنه تتخرجي وتشتغلي انت اخترتي حريتك
ريم: تبكي شن ذنبي نا اذا تزوجت واحد يبيني خدامه عنده و عند هله حتي نطلع راسي من الروشن ممنوع ليش مايفكرو في السبب اللي وصلنا لمرحله الطلاق قبل مايحكو ولا شن بتستر عليا ليش قاعدة في شارع نا
ايه: حضنتها خلاص اهدي تعدلش عليها