وجعي_انت

16

#وجعي_انت 

حلقه 16

ايمن : وينك ي وسخه ي حقيره نعن &&&& واقسم بالله نقتلك 
نا :  صبيت وقفت ف مكاني نبحت فيه ومصدومه مع من  يحكي هذاا ونبحت ف علي
علي : كنك شن في لمن تدوي
ايمن: جا طول عندي ومسكني من شعري وعطاني كف طحت منه ع ارض💔
دعاء وماما يعيطو شن في
ماما: مش قادرة تصبي مقعمزه ف مكانها وتعيط ليش  تضرب اختك
علي: كنك ي راجل شن دايره الوسخه
نا : بحتت ف علي وعيوني دموع دغري هكي من غير ما يعرف حتي السبب
ايمن: بصوت عااالي عطا موبايله لعلي بحت شوف اختك شن داااايره وطيتي راسناا ي وسخه ويرفس فيه ع بطني بكراعه
نا : من الوجع خلاص مش قادرة نحكي ونفسي قريب ينقطع
ماما:وهي تبكي وتعيط عدي عدي ي بنتي كلمي ياسر حيقتلوها
دعاء: ويننن موبايلك
ماما: ف مربوعه ،،،،
عدت تجري دعاء
وفتحت فون ماما وادور ع ياسر
علي: يبحت ف موبايل وعيونه حمر
فريحه: شن في ي علي شن دايره الفرخه هذي اصلا من اول ما خشت ع جامعه وهي متغيره
علي: رفعني من كتوفي من الارض ونا شبه دايخه ودموعي ع خدي ويهز فييي شن هذا ي وسخه ي ساقطه ي بنت&&ويعطيني كف اخر طلع الدم من خشمي وطحت جا راسي ع طاوله ماعش حسيت بحاجه ويضرب فيا بكراعه ع ظهري
دعاء:وهي تبكي  الو ياسر وينك تعال بسرعه
ياسر: بحت ف فونه ورده ع وذنه ايوه شن فيي زح توا غير روحت
دعاء: مش قادرة تحكي ايمننن و بيسان تعال بسرعه
ياسر:  هاااا شن باهي باه توا نجي سكر طول ورد بسياره قريب انقلبت فيه
ماما: بعياط حولو عنها وجت تزحف نفس العيل الصغير بنتي بنتي نوضي وحطت راسي ف حضنها بيسان وتخبط ع وجي
فريحه: علي بسرعه شيلها لمستشفي البنت دايخه نبش نخسرك بسببها نا
علي: وصوته عالي واقسم بالله  لو تموت هنااا ماهي طالعه من الحوش
ايمن: ساكت وعيونه حمر
صوت تخبيط ع حوش
دعاء: عرفت ان ياسر عدت تجري وفتحت
ياسر: شن في شن صاير
دعاء: تبكيي وماسكه يدة تكر فيه غير تعال شيل بيسان لمستشفي
ياسر خش طول وانصدم بحت فيه وف علي وايمن شن في بصوت عالي ازززف نعن احكو ليش درتو فيها هكي 
علي : بصوت عالي انت اطلع منهااا فاهمه تخلينش نبدا فيك مااالكش علاقه
يأسر: مسكه من سوريته من فوق اطلع منها ي مسخ وعطا دماغ ف راسه داير فيها راجل ع اختك انا اللي ح نكسر راسك وعده يجري شوري وقامني
ياسر: دعاء بسرعه حطي حاجه ع راسك واافتحي باب السياره فيسع
دعاء: كرت وشاحها وطلعت تجري فتحت باب السياره وركبت وطلع ياسر حطني من لاورة مع دعاء وركب وطلع طول
ياسر:  دعاء احكي معها خبطي ع وجها
دعاء: تخبط ع وجي بيسان سمعتني بيسان حي عليا ي ياسر حي ماتردش
ياسر: بصوت عالي ازف تركبش  وصل لمستشفي وشألني وخش هووو انتو اللي هنا وجا واحد ومعه البريله وحطني عليها وجا يجري الدكتور بسرعه ويحكي مع ياسر شن حادث ،،ياسر يمسح ف وجه وهز راسه ،ودعاء تبكي حسبي الله فيهم الكلاب ياسر خلاص اسكتي وخشي شعرك يكفي هي جبتها وشعرها مطلوق
دعاء: بصوت واطي وقتك توا
ياسر: رن موبايله ايمن رد،،،،،، ها ي وسخ حسابك عندي
ايمن: أما  مستشفي امي بتجي
ياسر: عطا العنون وسكر ف وجه
دعاء: قاعده ع كرسي تبكي وتفكرك ايديها ببعضهن
ياسر : جا قعد جنبها احكيلي شن صار
دعاء: وهي تبكي مش قادرة تحكي ايمنن
ياسر: بصوت واطي اسس خلاص ويمسحلها دموعها
دعاء: مسكت يده ونزلتها وبرمت وجها 
بعد شوي جا ايمن وماما
ماما: وينهي وينهي ومسكت ف ياسر
ياسر: جوا مع دكتور ان شاء الله خير تخفش
ماما : عمليات ليش العمليات  وتخبط ف وجها
ايمن : يبحت فيها وعيونه حمر وساكت ،،،،بعد شوي طلع الدكتور
الدكتور: بحت ف ياسر انت زوجها،،،
يأسر: لاا نا خالها
الدكتور:متاكد ي استاذ ان حادث
ياسر: بحت ف ايمن ان شاءالله
ماما: بنتي ي دكتور قولي شن صارلها
الدكتور: محصله خبطه ع راسها وصارلها نزيف بسيط  والواضح من جسمها انها مضروبه ضربه قويه وبحت ف ياسر
ياسر: بحت ف ايمن وعيونه كلها شر
الدكتور: وقفنلها النزيف وراسها مافش داعي نخيطها لانها بسيطه بس بندرلها صوره  باش نطمنو ولاباس ان شاءالله
ماما : نقدر نشوفها
الدكتور: بعد الصورة وعده
ودارولي صور وطلعوني ف دار عاديه
بعد 3 ساعات فتحت عيوني بشويش ونرمش القيت ماما ماسكه يدي وتبوس فيها
نا : بصوت واطي و مبحوح ماما
ماما: الحمدالله ياربي شن حاسه ي بنتي
نا : نبكي ظهري وبطني ي ماما
ماما: تبكي ياريت  فيه ولا فيك
نا : بعيد الشر وخش الدكتور اووو بيسان شن الأخبار قوليلي شن حاسه
نا :  نبكي ظهري وبطني وحاسه نفسي ح ينقطع
الدكتور: بحت ف ماما ممكن ي حويجه تتطلعي شوي لو سمحتي
ماما : بحتت فيه ان شاءالله وطلعت
الدكتور: بيسان هلك قالو ان حادث ونا متاكد انك مضروبه قوليلي من دار هكي
نا : سكتت ودموعي نزلو
"""ف عقلي شن بنقولك ي دكتور خوتي اللي كل واحد عرض عضلاته عليه ونا مش عارفه شن السبب خوتي اللي نشوف روحي فيهم خوتي اللي ماعندش غيرهم بعد وفاء بابا شن بنقولك ي دكتور💔