وجعي_انت

17

#وجعي_انت
#dodywehbe

حلقه 17
مر اسبوعين ونا وكالعادة قاعدة ف داري وما نطلعش منهاا انكملها انفكر ونحكي مع روحي قريب انهبلت ايمن مايبش يشوفني،،،،،،،
وعلي يجي يومي وسمعني كلام تمنيت لو متت قبل مانسمعه وكسرلي فوني،،،،،،،،
ايه كلمت ماما وقالتلها بتجي الاسبوع الجاي،،،،،، وطلعت نتيجتي وجبت الاوله ع دفعه ومافرحت ولا اهتميت
كل تفكيره عنده خالد وبس ح نموت ونعرف ليش سيبني بسهوله هذي

""‏ذرفت ما يكفي من الدموع لعام كامل علمتني كل تلك الدموع شيئًا واحدًا حقيقة أن البكاء لا يحل شيئًا💔

دعاء:  ف شن تفكري ي فرخه
نا : ابتسمت امته جيتي
فيروز: مدت راسهااا خيررر
نا : يا هلا شخبارك
فيروز: بخير ي حنه واخيرا عطلنا
دعاء: مش مصدقه كيف جبتها الجيد
نا : ههههه الحمدالله المهم نجحنا
دعاء: شخبار ويه
نا : بخير الاسبوع الجاي بتجي مرايفه عليها موت
دعاء: عرفت عليك باهي قوليلها بالك تلقا حل مع ايمن وعلي
نا : بحتت ف فيروز وفنصت ف دعاء
فيروز: بلاش تفنيص عرفت كل حاجه سمعتها وهي تحكي معاك
نا : الله الله وسمعتها اكيده عمتي وريم ومحمد
دعاء: هههههههه مش لهدرجه
نا : حق شن صار فيها نور
دعاء: تغير وجها سقطت 
نا : يييياي ربي يعوضها
دعاء: بصوت واطي ربي ياخذها
نا : شن
دعاء : شي شي تعالي نطلعو للمول يطلعنا حمادي
نا : ههههاي وايمن اللي جوا كلا اسكتي
دعاء : ماعليك تعالي ي فيروز عدي ديري جوك واقنعيه
فيروز: تمام وصبت
دعاء: تي زح تعالي هنا حطي روج ديري شعرك ماشيه تفجعي الراجل
نا : حطيت يدي ع فمي دعاااء تعلمي اختك ع انحراف
دعاء: مغير اسكتي انتي
فيروز: طبعاااا خبرة بس بحتي ي بيسو شن لابسه ادبها وضحكت
نا : من اللي ادبك هييي رديتي لطه 😳
دعاء: وجها انحمر ومتخزرطه لالا
نا : من مالا
دعاء: ياسر
نا : ياسر خالي
دعاء: هزت راسها
نا : سكتت
دعاء: والله الموضوع مالش واجد واقسم بالله
نا : عادي ي هبله وين نلقو لخالو احسن واطيب منك بس نا زعلانه منه
دعاء: ليش شن دارلك واللهي نوريه
نا: ماهي هنا المشكله ما دار لي شي ورايح معاملته برود بكل احساسي ان مصدق الكلام عليه
دعاء: انتي عرفتي شن قصتك اصلا
نا : هزيت راسي سمعت علي يحكي لماما صور ما صور فيدوات والله ح ننهبل
دعاء: بيسان اسمعي فتحي عقلك الموضوع ف انه خالد وبعدها خوتك احساسي ف وحدة وراء هذا كله
نا: بكل برود من يعني 
دعاء: بكل ثقه نور مثلا
نا : بصدمه مستحيل اديرها وبعدين نور ماعندهش صوري وتعرفي شن معش بنعرف من اللي دار هكي والحمد الله اللي صار هكي لاني عرفت معزتي عند هلي مش مسامحه حد ونزلت دموعي لا علي ولا ايمن حتي ماما ع سكتوها هذا مش مسامحتها ولا بعمري ح نسامح خالد💔

"""‏يقهرني الكلام اللي ماقدر اشرحه ولا اقدر اكتمه""""

دعاء : ي عمري امك مسكينه طول عمرها ماتقدرش توقف ف وجه علي وحكم القوي ع ضعيف خلاص اهدي """ف عقلها كيف بنقولك بس ان خالد خطب نور"""""