وجعي_انت

37

#وجعي_انت
#dodywehbe

37
مروان: ماعدلش ومسك يدي وعدينا لسيارة وسينا وعزيز وليببا واسيا مستغربين بس اصيل فهم
مروان: طار في سيارة بسرعه غريبه
نا: نبحت فيه وساكته ومش عارفه كنه، ،،،، وصلنا لحوش
خشيت لصاله وسلحت وشاحي عزقته ونبحت فيه 
نا:  بعصبيه تفضل شن عندك احكي ليش درت هكي حرام يعني يمر يوم عليا من غير ما اديرلي مشكله قولي بس لأمته بنتحملك نا
مروان: بهدوء خشي جو ومن غير كلام
نا: سبحان الله بدقيقه تتغير اللي يشوفك توا ما يقولش كنت ح تقلب فينا السياره شن الا حراج اللي درته لي باي عين بنشوف هلك توا 
مروان: بعصبيه هذا اللي هامك درتلك احراج ام تقعدي تحكيلي مع هذا وهذك وتتضحكي وتصبي تقعمزي جنبه هذا عادي صاااح
نا: بهزوة ونحكي بيدي كيف كيف قصدك عشان حكيت مع اصيل درت هكي وشن فيها  ان شاءالله وربعت ايديا
مروان:  بعصبيه فيها واجد في حاجه اسمها حدود يا مدام لم مايكونش عندك راجل ديري هكي تماااام وتوا انهي وخشي من وجي
نا:  بحتت فيه وخذيت نفس بالقوة مروان انا ساكته بمزاجي هذا كله اللي اديريه فيه اناا ساكته لاني مانبش نكبر المشاكل بينا بس ما ادزيها عليا ح يجي يوم وح تخسرني
مروان: قرب مني وابتسم ايوة هذا اللي نبي نسمعه منك من الاول ان يجي يوم وتسيبيني مالا ليش قاعدة توا تقدري تمشي  مش محتاج حد يشفق عليااا فاهمه ولا لا
نا: بعياط وعيوني دموع اناا قاعدة معاك لاني نحبكك افهم افهم شن الكلام اللي تقول فيه يعني هذا اللي في عقلك انت  ان شاءالله يجيني مرض ونموت وتتريح مني ونخلص من العيشه اللي نا فيها
مروان: عيونه حمر بحت فيه بنظرة حسيت روحي طلعت مني سيبني وخش لصالون،،،،،،،،
خشيت لدار عزقت روحي على سرير بكيت بكيت لأمته بنتحمل امته بنخلص من شبح ملاك ،،،،،هذا اللي في عقله ان ح يجي يوم ونسيبه معقوله يفكر هكي لان خطيبته ماتت قعمزت ومسحت دموعي، ،،، حتي لم مرضتت الخوف اللي شفته في عيونه مش طبيعي معقوله عنده هوس وحاله من الحاجه هذي ،،،،،صبيت وغيرت دبشي وكلمت دعاء
دعاء: بيسو يا قلبي شخبارك
نا:  مرايفتلك شنجوك وشخبار هلك
دعاء: بخير الحمدالله وينك مختفيه قريب نجحز الفيلو وانتي ماتعرفي شي
نا: لا عارفه قالتها لي ماما نجك لي شن داير معاك يأسر
دعاء: اه على يأسر مشاكل قبل الفرح نا مخنوقه وخايفه نكلمه نفش غلي فيه وهو مسكين متحمل
نا: ههههههه،،،،، باه قتلك بنسألك
دعاء: شن
نا:  اممم ممكن الشخص يكون عندة حاله وسكتت ماعرفتش شن نقول قصدي يعني حاجه صارت معه من قبل مش كويسة وخايف تصير معه من جديد
دعاء: نعم شن هذا فهمتش عليك
نا: اووف ما القيت الا انتي نسالك كتله غباء خلاص فوتي
دعاء: ماشي ماشي على فكرة بكرا النتيجه
نا: تكذبي
دعاء: قالو الله اعلم
نا: ان شاءالله خير سلميلي على فيروز و رهف وعمتي
دعاء: يوصل ي قلبي  سلآم
نا: سلام ،،،، قعدت ساعه نفكر ونقلب في عقلي قريب طرشقت ،،،،،،،رفعت شعري صبيت طلعت نمشي بشويش صبيت جنب باب الصالون القيته متمدد ويده على وجه خشيت وقعمزت على طاوله جنب الكنبه اللي راقد عليها
حس عليا رفع يدة وقعمز
مروان: قعمز وملامحه برود شن تبي
نا: بتردد مديت يدي على خدة وجت عيوني في عيونه  قعدنا ساكتين كنها انخلقت لغه جديدة بينا❤ ماعرفتش شن نحكي جيت بنصبي،،،،، كرني واضبطني وكانه بيخشيني جو قلبه دفن راسه في رقبتي
نا: نزلت دموعي ،،حسيت دموعه على رقبتي، يبكي مروان يبكي لهدرجه تعبان من جوا لهدرجه مقهور ومكسور
مروان: بغصه ماعش تدعي على روحك
نا: حطيت يدي على شعرة، ،،،  مروان افهمني نا نحبك وبنكمل حياتي معاك لاني مانقدرش نعيش بدونك وماقدرتش نكمل من البكاء
مروان: اشش خلاص
مروان : صبا وشألني لدار ووو.......