وجعي_انت

39

💔     وجعي_انت
#dodywehbe

حلقة39

نا:مديتله الصورة وبغصه هذي ملاك
اصيل: مسكها وبحت فيها وبحت فيه بصدمه
نا: ابتسمت بقهر معني متأكدة انها هي  واذا مازلت في عقلي وما نتخيلش اللي في صورة تشبهلي و واجدد اخرة
اصيل: انتي مافي حد يشبهك
نا: نزلن دموعي تزوجني عشان نشبهلها
اصيل: بيسان اسمعي
نا: اصيل بالله عليك قولي تزوجني عشانها
اصيل: هز راسه
نا: قصدك دار فيه هذا كله عشان هذي وكلكم تعرفو ونا قاعدة نفس الهبله بس بس نا بيسان مش مجرد شبه هو ليش هكي وحسيت بوجع بظهري مش طبيعي
اصيل: مش عارف شن نقولك و جا بيكمل جانا صوت مروان
مروان: بصدمه شن صاااير هنا شن اديري هنا
نا: دموعي تنزل بحتت فيه بكرهه وخشيت مش عارفه كيف وصلت لجوا قريب طحت مسكتني ليبيا
ليبيا: كنك بيسان شن في
نا: مسحت دموعي مافي شي وين ماما
ليبيا : روحت من قبل شوي دورتك ما القيتكش
نا: سلحت وشاحي خشيت لدار ندور شنطتي

اصيل: مروان اهدا وافهم
مروان: من غير ما يحكي ضربه بوني طاح على ارض نزل لعندة ،،، شن تبيني نفهم نعن&
اصيل: حطه يده على خشمه افهم يا حيوان جبتلي صورة وتسأل فيه على ملاك امسك وخبطله الصوره على صدرة
جا يجري مراد
مراد: كنكم شن في
مروان: صبا وخش جو  وطاحت الصورة على ارض ويخبط على باب بالقوة
ليبيا: كنك شن في
مروان: كلميها لي
ليبيا: من بيسان خش مافي حد ماكملتش كلامها الا وخش مروان بسرعة
نا: نبكي رد وراسك
ايمن: ايوة بيسو
نا: بنحكي كر مني الموبايل وخبطه في ساس ادشدش
مروان: مسكني من كتوفي و معصي ع سنونه  مع من تبي تحكي قوليلي شن كنتي اديري برا معه احكي تسألي فيه على شن ناااااا قداااااام وجك شن تبي تعرفي قوليلي ومستحيل نكذب عليك 
نا: نبحت فيه وساكته وحطيت يدي على بطني حسيت كنه موس خش فيه
مروان: مسكلي وجي ومسحلي دموعي وبهدوء ونبرة حب،،،، ااااحكي واللهي مش حنديرلك شي ماتخفش احكييي ماتقعديش ساكته  ماتخلينش نطلع من عقلي
نا: بدموعي والكلام يطلع بالغصب طلقني وتواااا
مروان:انصدم  وضحك تي شن تحكي يا فرخه تحسبيها بالسهوله هذي
نا: بعدتت عنه وبعصبية،،، نكرهك انت واحد اناني ماتبش اطلقني نقتل روحي خير مانعيش ما واحد نفسك انت مش راجل كذاب جاني كف منه طحت ع الارض
مروان:بعياط تسكرررررري فمك شكلي تسهلت معاك واجد وصبي هي هيييي قدامييي
نا:  نموت ولا نمشي معاك مانش طالعه معاك
ليبيا: يا ماما ماما تعالي شوفيهن بسرعه
سالمه وفاطمه صبو يجارو 
سالمه: تخبط على باب افتح يا مروان
مروان: حولوووو وماحد يدخل
سالمه: سلم اولدي افتحلي شوي بس الله يربحك 
فتحلها وعيونه حمر ويسقم شعرة
سالمه: كنكم شن في اصواتكم وجتني تجري قعمزت ع ارض كنك يا بنيتي وحضنتني
نا: قعدت نبكي وبعبرة قوليله يا عمتي مانبش نمشي معه 
سالمه: ان شاءالله مديت يدك عليها ليش ليش شن في
مروان: بعياط نا طاااالع بس واقسم بالله تخليها تتطلع لمكان يا امي نحرق الحوش فوق روسكم وطلع ركب في سياره وكلم اصيل