وجعي_انت

25

وجعي_انت
#dodywehbe
حلقه 25

عمر: في صاله ايوه يا قلبي اها نتلاقو اليوم عندي مستشفي في ليل
ريهام:  ( اللي ذكرتها بأول الحلقات) ماشي حبيبي نتلاقو وسكرت،،،، هه امته بس يطلقك وياخذني بنشوفك تموتي قدامي مذلوله ونكسرلك خشمك اللي رفعته
ايه:  جت من الكوجينه وجها مقلوب  الغدا جاهز
عمر: صبا ،،،،،،،،،،
،قاعدين على طاوله
ايه: بهدوء من كنت تكلم
عمر: سيب الكاشيك كيف تسمعي عليه
ايه: لا بس سمعتك تسهري ونسألك عادي مافيها شي
عمر: صبا ،،،،،الحمدالله شبعت
ايه: بعصبيه انت كنك رايح هكي كنك فاهمني شن في ليش متغير شن دايرتلك نا
عمر: بصوت عالي صوتك مايعلش عليا فهمتي
ايه: صبت لا نبي نعلي صوتي لعند ماتفهمني ليش ادير هكي مازال ماسكرنا السنه وتغيرت
عمر: اصلا لو عارفك بنكدك هذا ما خذيتك من الاول
ايه: نزلن دموعها امته عمري زعلتك
عمر: يالااا عاد بلاش حركات زايدة وعدي من وجي
ايه: مصدومه منه جت بتمشي حست بدوخه مسكت بالطاوله
عمر: يشوفها وساكت
ايه:مشت بصعوبه وقبل ماتخش لدارها طاحت
عمر:  جاها يجري ايه ايه ويخبط علي وجها قامها وحطها على سرير

مروان : راقد على بطنه وبصوت عاالي،،،، يا امي
سالمه: خير خير كنك تعيط بوك راقد
مروان: الساعه كم
سالمه: توا خليتني نصبي من الصاله ونا كرعيه يوجعني تبي تسألني على ساعه ، الساعه 3 ونص ، وكنك ماعديت لشغلك اليوم مش صاح عندك مشروع وتشتغل عليه
مروان: عندش نيه تعبان
سالمه: كنك يا ولدي مريض
مروان: لالا كويس ،،، ربي يهدي سرك وطلعت
مروان: بعقله ارقد يا مروان كنك تفكر تنحرق شن تبي فيها ،،،،، لالا شن هي مرتي واقسم بالله العظيم لو يطلع الكلام هذا صاح لنقتلها و قطع حبل افكارة رنه فونه
مروان: ايوة
عزيز: تي وينك يا راجل مش على اساس تفتح الكافي
مروان: لالا فوتني اليوم توا نمسك في ليل
عزيز: شن رايك نشريه منك هو لك في الاسم وبس
مروان: نا من اول ما فتحته وعينك عليه تي ملح عدي افتح واحد بروحك
عزيز: يضحك منور يا برو سلام
مروان: سلام وغمض عيونه شوي يادوب اللي رقد فتح عيونه ياا ليبيا ليبياااا نعن جد برودك يا مرخيه
ليبيا: بهدوء كنك خيو شن في
مروان: لم شاف هدوائها استغغر آلله العظيم الساعه كم
ليبيا: الساعه 4
مروان: باه ورد غمض عيونه وبعد نص ساعه يا اسياااااا
اسيا: بصوت عالي كنككك
مروان: الساعه كم
اسيا: هييييياي علينا صرعتنا من بدري كل شوي تفجعنا بحت في موبايلك
مروان: قعمز ويسقم شعر وابتسم شن قلتي
اسيا: خافت ها وبصوت واطي ما قلت شي قتلك شوف الساعه في موبايلك
مروان: ومعصي على سنونه تعالي
اسيا: قربت شوي
مروان: اخره اخره
اسيا: قربتله
مروان: مسكها من وذنها مره اخره تعلي صوتك يا فرخه نقصه لك لسانك ونا حر مانبش نشوف الساعه ف موبايلي ونبيك تتعبي وتجي تقوليلي الساعه عندك اعتراض
اسيا: اااه اه لالا اسفه اسفه
مروان: عدي انتلفي ديري قهوة،،، وطلقها امشي براااا
وصبا توضا وصله العصر ولبس جينز امريكي وتيشرت ابيض فيها خربشه بالون الدمي وجاكيت خفيفه سودة وسبيدرو دمي وساعه سودة وسبح روحه بالعطر وطبعا الجل وخدا نظاراته وطلع
سالمه: يانجيلي ولدي الشخصيه نا
مروان: باس راسها ربي يخليك لنا
اسيا: كح كح شن امكمل عطرك كله ومدتله القهوه
مروان: بحت فيها ويشرب في قهوة