وجعي_انت

19

وبالنسبه لشخصيات الجديدة عائله جديدة خشيتها وبسيطه بس حنرد نذكرها
عوض: راجل طيب وقلبه كبير ومايدخلش بكل التفاصيل بس لم يحكي كلمه لازم تصير
سالمه: وواعرة لابعد حد بس حنونه وأختها حميدة اللي ذكرتها بالحلقات السابقه وعندها تلات عويل وتوم بنات
محمود ومروان ومراد
و ليبيا واسيا

#وجعي_انت

حلقه 19
قبل خمس سنين
مروان:  مصدوم قصدك سرطان
دكتور: افهمني ي استاذ ورم الراس وسرطان الثدي نبسه النجاح في علاجهم كبيرة وفي امل بس لو تتطلع برا احسن من هنا حتي انه في انواع كيماوي لكل نوع سرطان وهذي حاجه مع الاسف فيش منها هنا
مروان: يسمع الدكتور ومازال ما قال حرف الخبر كان ك صاعقه عليه صبا من مكانه بصعوبه وبرم بيطلع
الدكتور: استاذ مروان التحاليل
مروان: رد وكر التحاليل منه ويده ترعش وطلع لسياره عزق التحاليل ع كرسي الاخر وحط ايديه و راسه ع دريكسيون
ويبكي بجد يبكي
ملاكه بتعدي منه حبيبته واحلى حاجه صرتله بتعدي منه بالسهوله هذي مازال ماشبع منها مازال يبيها يبي حنانها يبي اللي ماعمرها زعلاته اي حاجه يقوللها  حاضر من عيوني كانت ملاك بحق وحقيق يارب ماتعاقبني  ياارب ماتحرمني منها يارب ما تخليني نفقد روحي معها نا حنموت لو صرلها حاجه

‏"اللهُم صبرًا ، اللهُم جبرًا ، اللهُم قوة❤.

وما رفع رأسه الا ع رنت موبايله يمكن هذي المره العشرين اللي يرن فيها شاف اسمها "ملاكي❤"" بلع ريقه ومسح دموعه وبصوته المخنوق : ايوه
ملاك بصوتها اللي يجنن: مروووان حرام عليك ليش ماترد كنت بنكلم هلك توا معقوله هذي المكالمة 21  ي استاذ وماما قالتلك جبت التحاليل !! قطع عليها
مروان بصوت مخنوق ودموعه تنزل وعيونه حمر: نحبك

صُوتَك اخذ قلبِي وكُل شعُورِي❤

ملاك: سكتت شوي ونا مانحبكش زعلانه منك بس مش توا حسابك ع عموم جبت التحاليل
مروان يمسح ف وجه : ااها اه جبتهن
ملاك: شن طلع اكيده استرس من ضغط القرايا
مروان كاتم ومش قادره يحكي : اممم وين امك
ملاك: بحتت ف ساعه 11 ونص الصبح اكيده ف عمل
" امها تشتغل موظفه في كليه التربيه والتعليم """
مروان : باهي ي عمري نرد نكلمك
ملاك بصوت زعلان : تمام باي
اوف كنه هذا يحكي هكي وماجش ف بالها انه مات الف موته لم سمع صوتها ماعمرها كانت متوقعه انها تمرض 

امها: تخبط ع وجها ف سياره ي ربي يااا نااااعلي بنتي بنتي بتموت ي مروان بتمشي وتسيبني شندير قولي
مروان: يمسكلها ايديها عمتي عمتي نحن ف شارع حتشفى نوعدك وح نطلعو فيها برا ف احسن مستشفيات
امها: لااا  لالا تكذبش علياا نا فاهمه وعاارفه بنتي حتموت نفس بوها ح تسيبني بروحي شندير نا وين نمشي وين نعدي شندير بنتي حضيع من يدي ماعندي حد ف دنيتي وصلت لعمري ونجي ع روحي ونشتغل باش نوفرلها كل حاجه باش ماتحتاج حد بعد ما عمها وقفلنا مرتب بوها عايشن ع مرتبي ماعمرها قالتلي ي ماما نبي حاجه ماعمرها قالتلي خاطري في حاجه نفسها نفس البنات قنوعه لابعد حد عارفه وضعي تهون عليا وتقولي يا ماما نحمدو ربنا ان مازالنا ف صحتنا في  ناس عندها كل حاجه وفاقده اهم شي الصحه شندير وتخبط ف وجها ورم ف راس ياريته ف راسي ولا راسك ي بنتي كيف كانت تقرا وتسهر وتتعب وتقولي ي ماما صداع ونا مش حاسه فيها ااااه ي بنتي ياارب يارب ما تختبر صبري فيها ياارب ماعندي غيرها هذا
كله مروان يسمع ودموعه تنزل
مروان: بعد اذنك يا عمتي نا بنخبرهها وصلها لحوش  ماقدرتش تسوق،  سياراتك توا نجيبها ف العشيه
امها: هزت راسها ومش عارفه شن تقول او شندير
مروان: سكت شوي خليها تنزلي ي عمتي  وجوزاتكم مجدده ماه 
امها: اها مجددة سلمت ي ولدي ونزلت
مروان: خبط يده ف دريكسيون قريب كسرها وكلم مراد خوه
مراد : غريبه اللي سمعنا صوتك
مروان: تي اسمع نبيك اطلعلي كل فلوسي اللي ف مصرف
مراد: بصدمه كيف وليش
مروان: ي راجل اطلع من راسي نبي فلوس كلهم
مراد: مانقدرش نطلع مبلغ نفس هذا مره وحده
مروان بصوت عالي :  تي زححح فلوسي كيف تقدرش تعرف شن اربح توا نكلم اللي يقدر
مراد بنفتره: امشي نعن&& توا نشوفلك ونكلمك وسكر ف وجه
مروان: عزق فونه وفتح شيشه المياه ونزل من سياره غسل وجه مره ومرتين شاف ملاك نازله ركب ومسح وجه وطول اول ما ركبت طلع
ملاك: تبتسم حبيبي كيف قنعت ماما اول مره تخليني نركب معاك ويني تبينا نمشو بس تعرف خفت ع ماما وجها مش تمام مانزلتش لعطيتها الدواء
مروان: ساكت ويبحت قدام ويسوق ف يد وحدة 
ملاك: مروان نحكي معاك كنك
مروان: سااكت
ملاك: مررروان
مروان: بصوت عالي تي زحح كنك نسمع فيك قاعد نسوق
ملاك: سكتت وحطت يدها ع قلبها  وعيونها دمعن،،، كنك خلعتني
مروان: بحت فيها واستغفر ربه كيف بس نبي نحكي شن بنقول شكلي ح نفشل نا نبي من يوقف جنبي ويقولي ماتخفش عليها حتردلك احسن من قبل شن بنحكيلها باه نا ليش امفلم منها شن علاقتها كل شي من ربي ياااارب ألقوه انت القارد على كل شي اللهم قوتك
كنت اقاتل من اجلكي حتي وجت انني من قتل💔وصل لبحر مكان فاضي ويجنن