قالت دانية بصوت واطي: في حد عيونه ههكييي!
الولد: نعم اختي؟
دانية: ااه ، قتلك لو سمحت كم سعره القفطان هذا؟
الولد: سعره ...
دانية: تمام نبيه
الولد: تمام شويه بس نطلعهولك من المخزن
دانية: تمام خود راحتك
فجأه الام جت وقالت: دانية وينك من بكري نراجي فيك بنيتي
دانية: شوية بس ماما الولد يجيبلي في القفطان من المخزن
الولد: السلام عليكم
الام ودانية: وعليكم السلام
الولد: سامحيني خالتي عطلت كنت ندور في القفطان
الام: لا عادي وليدي ، ماشاء الله عليك شكلك تسكن في الجيهة هادي
الولد: اي نسكن هني ف ...
الام: اي بحدانا ، باهي كويس حوشكم بحدا خدمتك
الولد: لالا هذا محل بوي نجي نساعد فيه بس انا مسافر بنقرا جامعة برا
الام: حتني بنتي بتسافر بش تقرا برا ، ربي يوفقك ان شاء الله
الولد: اجمعين يارب ، تفضلي خالتي هذا القفطان
الام: بارك الله فيك
الولد: فيك بارك الله
طلعت دانية وامها من المحل
الام: ماشاء الله عليه شكله محترم
دانية: اي ، مش حترفعيني لمحل التاني؟؟
الام: لالا وقت انا مشيتله بروحي وشريتلك منه هلبا حاجات وشريتلك الحاجات اللي وصيتيني عليهم كلمت بوك قالي وصل يادوب نروحوا نوتيلك الشنطه
دانية: تمام
وصل بو دانية وركبوا السيارة ووصلوا الحوش
ف الحوش:
الام: دانية وتيتلك شنطتك
دانية: شكرا هلبا ماما
الام: عفوا حبيبتي هي يادوب ترقدي بش تنوضي بكري طيارتك الصبح
دانية: تمام تصبحوا على خير
الام والاب: وانتِ بخير
تاني يوم:
ناضت دانية الصبح شربت قهوتها كالعادة و وتت روحها بش تمشي للمطار
الام اطق في الباب: دانية نخش؟
دانية: تفضلي ماما
الام: صباح الخير حبيبتي
دانية: صباح النور
الام: ماشاء الله لبستي
دانية: اي🤣
الام: هي انزلي بوك لبس خل يرفعك المطار
دانية: تمام
نزلت دانية ودعت امها وخوها وطلعت هيا وبوها بش يرفعها المطار
في المطار:
الاب: دانية هذا جوازك وهادي التذكرة متاعك عارفة بتخشي من البوابة رقم .... وبتستني توصل الطياره بعد ساعه ونص
دانية: تمام بابا
الاب: والله بتخلي مكانك بنيتي
دانية: انا اللي بنستاحشكم ان شاء الله نرجع وانا رافعة راسك ياغالي
الاب: امين يارب
ودعت دانية بوها وقعمزت تستنى ف الطيارة
بعد ساعة ونص:
نداء نعلن وصول الطائرة ... المتجهة إلى .... ارجوا من جميع الركاب التوجه إلى البوابة رقم ... وشكرآ
ناضت دانية ختمت الجواز وركبت للطيارة
في الطيارة:
خشت الطيارة دانية وقعدت ادور في كرسيها لين لقاته بس الصدمه انه كان بحدا ...
دانية: ....
؟ : .....
الباقي في الحلقة الجاية🙂🖤
أنت تقرأ
عقلي ام قلبي🖤.
Romanceقصة قصيرة بـ عنوان: (عقلي ان قلبي) . تدور احداث هذه القصة عن فتاة تبلغ الثامنة عشر من عمرها، تعيش هذه الفتاة في منزل صغير مع عائلتها، كما انها ترعرعت في قرية صغيرة، عاشت هذه الفتاة فترة مراهقتها بهذوء، لا شيء يفرحها كـ فرحتها بالذهاب لشرب القهوة بر...
