احمد بصوت واطي قال لاهداء: اول مره نشوف حد ضحكته حلوه هكي:)
اهداء: نقص صوتك وتحشم توا تسمعك البنت
احمد: شكلها حلوة والواضح ان شخصيتها احلا وين تعرفي بلكي انطيحها
اهداء: اكبر راك دكتور
احمد: به توا نكبر كان بدت ليا:)
دانية مطنشه ومركزه في التليفون ، وقالت لاهداء : اهداء نبي نروح ومزال مش زابطه المكان كويس عادي توصليني للدار؟
اهداء: هههيي نن
احمد قاطعها وقال: لالا خليك هديوة انا توا نرفعها عادي خليك مع البنات يسألوا عليك
دانية: لااا مم
احمد: لالا مافيش لا خيرك حنبدوا صحاب عن قريب ان شاء الله عادي لو وريتك لمكان يعني
فجأه جاهم معاد : السلام عليكم
دانية واهداء واحمد: وعليكم السلام
معاد: حميده الولاد يسألوا عليك ( طبعا معاد تعرف على ولاد ومنهم احمد)
احمد: شوية بس خل نوصلها ونجيكم
معاد: اهداء بتروحي انا ماشي داري كان تبي نسايرك عادي
دانية: اي تمام سايرني
معاد: خلاص حميده شوف الولاد توا نرفعها انا
احمد تنهد وقال في داخله: المره هادي بنمشيها الجايه مش حتشوف خير
تعالوا شوية نحكيلكم على احمد : احمد شخصيته غريبه يعني نوعه قريب من عيلته واللي يبوه يدير فيه وراضيهم لابعد الحدود في نفس الوقت نوعه متع بنات ومافيش بنت الا يطيحها ويتسلى بيها ايامات ويختفي يعني يغير في جوه وخلاص وطبعآ يحساب دانية زيها زي باقي البنات وبتبدا ليه .
دانية ومعاد : هي تصبحوا على خير
اهداء واحمد:وانتو من اهله
خدا دانية معاد واتجهوا لسكن الطلاب وكان واخدهم صمت وكل واحد فيهم يفكر في حاجة ولكن فجأه دانية قررت تكسر الصمت وقالت : شكرآ انك وقفت معاي وقتلي نسايرك مشعارفه منغيرك كيف كنت بندير حسيته بيعلق عليا مفهمتش شن يبي ولحد توا مش واتقه في حد غيرك واهداء
معاد: ولا يهمك ماتشكرينيش على شي وتاكدي وقت ماتبيني حتلقيني🖤.
ابتسمت دانية وحست بشعور حلو لكن كان ديما في صوت داخلها ، صوت يقوللها ...
الباقي في الحلقة الجاية انتظرونا🖤
أنت تقرأ
عقلي ام قلبي🖤.
Romanceقصة قصيرة بـ عنوان: (عقلي ان قلبي) . تدور احداث هذه القصة عن فتاة تبلغ الثامنة عشر من عمرها، تعيش هذه الفتاة في منزل صغير مع عائلتها، كما انها ترعرعت في قرية صغيرة، عاشت هذه الفتاة فترة مراهقتها بهذوء، لا شيء يفرحها كـ فرحتها بالذهاب لشرب القهوة بر...
