ناضت دانية على صوت الباب يطق
دانية: مني؟؟
اهداء: انا اهداء
فتحت دانية لاهداء الباب وخشت
اهداء: شن جوك توا
دانية: تمام الحمدلله وانتِ؟
اهداء: تمام ، سامحيني كان جيت ضايقتك
دانية: لا بلعكس نورتيني
اهداء: سلمك ياربي ، جيت بش بنقولك في الليل مدايرين حفلة زي حفلة تعارف بش الطلبة الجدد يتعرفوا على الطلبة التانيين وهكي ياريت تجي
دانية: والله مانعرف توا نشوف مانحبش جو الزحمة وهكي
اهداء: لالا بتجي مادخلنيش بيك انا توا بنمشي نلبس نجي نلقاك واتية وننزلوا مع بعض تمام؟
دانية: تمام😂
طلعت اهداء وخشت دانية بش بتلبس بس ماعرفتش شن حاتلبس فجأة تفكرت القفطان الاسود اللي شراته من معاذ لبساته مع كعب اسود وروج احمر وفتحت شعرها اكيد تخيلتوا:)
الباب يطق: دانية انا اهداء
دانية: جيتك هي
فتحت دانية لاهداء لباب
اهداء: تهبليي
دانية: عيونك اللي يهبلواا
نزلت دانية واهداء للحفلة وكان الديكور حلو هلبااا فاتحين ضي خافت وجايبين فرقة تغني في اغاني ون دايركشن و مدايرين اوبن بوفي .
اهداء: عجبك الجو؟
دانية: اي حلو الترتيب متع الحفلة
اهداء: هلباا ، رهف هيا اللي شارفة على ترتيب الحفلة وكله فكرتها
دانية: من رهف؟
اهداء: هادي تقرا معاي قانون حتى هيا سنة تانية ، امشي قعمزي على البار هداكا وانا نمشي نشوفها وين ونجيبها تتعرفوا على بعض تمام؟
دانية: تمام
مشت دانية بش بتقعمز وقالت ف سرها: الكعب كسرلي رجليا توا علاش مااخترعوش سبيدروا حفلات اساسا مش متعوده نلبسه ولا نمشي بيه:)
فجأة وهيا ماشية عترت وخبطت في ...
الباقي في الحلقة الجايةة لاڤيو هلبا:)))🖤.
أنت تقرأ
عقلي ام قلبي🖤.
Romanceقصة قصيرة بـ عنوان: (عقلي ان قلبي) . تدور احداث هذه القصة عن فتاة تبلغ الثامنة عشر من عمرها، تعيش هذه الفتاة في منزل صغير مع عائلتها، كما انها ترعرعت في قرية صغيرة، عاشت هذه الفتاة فترة مراهقتها بهذوء، لا شيء يفرحها كـ فرحتها بالذهاب لشرب القهوة بر...
