اسفة عطلت عليكمم:)🖤.
دانية: هي بنروح انا تبي حاجة؟
معاذ: اسمعي
دانية: نعم؟
معاذ: تتفكري اول مرة تلاقينا فيها في المحل لما قلتي بصوت واطي في حد عيونه حلوات هكي
دانية تشوفله بصدمة
معاذ: اي في حد عيونه حلوات هكي بما ان عيونك هكي
نصدمتت دانية تحشمت ووجها بدا احمر مشت وسيباته منغير ماتدوي ولا حرف! ، وصلت دانية للسكن الطلابي التابع للجامعة وهني استقبلتها اهداء وقبل مانكمل تعالوا شوية نقوللكم مني اهداء .
اهداء هيا وحدة من الطلبة المميزين في الجامعة تقرا سنة تانية قانون وطبعا غير موضوع انها طالبة في الجامعة ف هيا تخدم كـ مشرفة للسكن الخاص بالطلبة يعني هيا تستقبل فيهم واي شي يحتاجوه الطلبة يكلموها طول .
اهداء: اهلين نورتي ، انا اهداء عرفتيني؟
دانية: بوجودك ، اي عرفتك
اهداء: تعالي نوريك دارك
خشت دانية الدار وكانت فرحانة هلباا انها حتقعد في المكان هذا رغم بساطة الدار وصغرها الا انها ارتاحت فيها من لما خشتلها كانت الدار كلها على الابيض وفي زي الرف فوقه شوية كتب ومكتبة عليها لابتوب وبلكونة صغيرة اطل على الحديقة متع السكن .
اهداء: ان شاء الله تكون عجباتك الدار انا رتبتهالك
دانية: عجبتني هلباا شكرآ بجديات
اهداء: العفو ولو ، هي عن اذنك انا بنمشي في طالب جديد بنستقبله وهلبا بعده حتى هما بيجوا جدد
دانية: قصدك معاذ؟
اهداء: ايي من وين تعرفيه؟؟
دانية: مه يسكن ف نفس جيهتنا وهكي
اهداء: اها تمام ، انا نكمل وهكي ونجي نمر عليك اساسآ داري مقابلة دارك
دانية: تمام
رقدت دانية من التعب منغير ماتحس على روحها فجأة ناضت دانية على صوت بابها يطق
دانية: مني؟؟
الباقي في الحلقة الجاية مش قلتلكم التشويق لازم منه:)🖤.
أنت تقرأ
عقلي ام قلبي🖤.
Romanceقصة قصيرة بـ عنوان: (عقلي ان قلبي) . تدور احداث هذه القصة عن فتاة تبلغ الثامنة عشر من عمرها، تعيش هذه الفتاة في منزل صغير مع عائلتها، كما انها ترعرعت في قرية صغيرة، عاشت هذه الفتاة فترة مراهقتها بهذوء، لا شيء يفرحها كـ فرحتها بالذهاب لشرب القهوة بر...
