فجأة وهيا ماشية عترت ف معاد وطاحت
معاذ شدها من خصرها وقال : انتِ كويسة
دانية: ااءءهه اناا تمماممم وبعدّت روحها من عليه
معاذ: سامحيني كنت مركز في التليفون بس ماشفتكش
دانية: اها لالا عادي اساسآ انا مش متعودة على شي اسمه كعب ومضايقني
معاذ : شكلك حلو لكن🖤 ، هي عن اذنك مشى معاذ وقال ف سره : هذا اللي كان مفروض يصير انا اعطيت الموضوع اكبر من حجمه وتقربت من البنت يعني ممكن يكون مجرد اعجاب وخلاص ركز في مستقبلك معاذ واتقل شوية وانت حادف روحك البنية مش وقتها
وقالت دانية بصوت واطي: خيره هذا كل مرة بشخصية منفصم الولد مفهمتش شن قصته وانا نوهم ف روحي ونقول شكله معجب بيا انا شن جيبلي الدوة هادي اساسا خليني مركزة في مستقبلي اريحلي .
اهداء: سامحيني عطلت عليك؟
دانية: لالا عادي ولا يهمك
اهداء: تعالي نقعمزوا غادي حلو المكان
دانية: تمام
مشت هيا واهداء وقعمزوا فتحت شنطتها بطلع التليفون قامت راسها لقت معاذ مقعمز مع ولاد قدامها وجت عينها في عينة ، اهداء انتبهت لنضرات معاذ لدانية وقالتلها: شن اموركم؟
دانية: كيف؟
اهداء: اموركمم انتِ ومعاذ شني مع بعض ولا كيف؟
دانية: ههههههههه لالا فاهمة لموضوع غلط مافي شي بينا🖤.
اهداء: ممكن انتِ تقولي هكي لكن عيونك وعيونه يقولوا حاجات تانية .
طنشت دانية كلام اهداء ومابتش تركز فيه هلبا لانها خايفة ان دوتها تكون صح .
فجأة يجي احمد ( احمد ولد مواليد 96 تخصصه طب بشري وهوا من الدفعه اللي بتتخرج العام الجاي وهوا واهداء اصدقاء هلبا واكتر من خوت ) .
احمد: اهداء وينك من بكري ندور فيك بنسألك على الباور متاعي امس خليته عندك
اهداء: اي يافالح نسيته في الكورس لما قعمزنا مع بعض عالعموم روحت بيه وهوا في داري توا بعدين نركب نجيبهولك حاجة تانية ولدي؟
احمد: لالا شي خيرك مولية طيبة وهادية؟
اهداء: اسكت منغير عار حرام عليك😂
احمد بصوت واطي: ماعرفتينيش:)
اهداء: اايي حقه دانية هذا احمد يقرا طب بشري سمسترين ويتخرج ويبدا دكتور ويتجكتر علينا ومن اقرب الناس ليا هني ، احمد هادي دانية وهذا اول يوم ليها هني مع الدفعة الجديدة
احمد: تشرفنا
دانية ابتسمتله
احمد: ....
انتظروني في الحلقة الجاية🖤 .
اول حاجة حابة نعتذر انّي طولت عليكم وان شاء الله راجعة ومعش حنتأخر عليكم🖤.
أنت تقرأ
عقلي ام قلبي🖤.
Romanceقصة قصيرة بـ عنوان: (عقلي ان قلبي) . تدور احداث هذه القصة عن فتاة تبلغ الثامنة عشر من عمرها، تعيش هذه الفتاة في منزل صغير مع عائلتها، كما انها ترعرعت في قرية صغيرة، عاشت هذه الفتاة فترة مراهقتها بهذوء، لا شيء يفرحها كـ فرحتها بالذهاب لشرب القهوة بر...
