خدا دانية معاد واتجهوا لسكن الطلاب وكان واخدهم صمت وكل واحد فيهم يفكر في حاجة ولكن فجأه دانية قررت تكسر الصمت وقالت : شكرآ انك وقفت معاي وقتلي نسايرك مشعارفه منغيرك كيف كنت بندير حسيته بيعلق عليا مفهمتش شن يبي ولحد توا مش واتقه في حد غيرك واهداء
معاد: ولا يهمك ماتشكرينيش على شي وتاكدي وقت ماتبيني حتلقيني🖤.
ابتسمت دانية وحست بشعور حلو لكن كان ديما في صوت داخلها ، صوت قلبها اللي يقوللها انها تبعد تفكيرها عن الموضوع هذا لانه مش حيجيبلها غير الوجع ، و صوت قلبها اللي يقوللها انها مش حتلقى احسن منه ونظرات عيونه فيهم الف حكاية🖤.
اما معاد ف كان في عالم تاني وتفكيره ماشي لمكان تاني ، يفكر في احمد اللي شكله مش ناوي على خير ، ويفكر في دانية اللي خدت تفكيره من اول يوم شافها فيه ومش عارفه يسمع عقله ولا قلبه ، عقله اللي كان يقوله انتَ درتها قبل ونكسرت ماتكسرش قلبك تاني بأيدك ، وقلبه اللي يقوله رد بالك اضيعها من ايدك ورد بالك تسكر قلبك على خاطر انسانة كان اختيارك ليها غلط .
الزوز كانوا في عالم تاني وكان في شي واحد مشترك بيهنم ، انهم الزوز حايرين بين قلبهم وعقلهم .
بعد دقايق وصلوا لسكن الطلاب
معاد: دانية وصلنا انتَ بتمشي من اليمين وانا من اليسار لام مش نفس المبنى
دانية: تمام شكرآ وسامحني تعبتك معاي
معاد: ماتقوليش هكي امك موصينني عليك وزي ماقتلك امتى ماتبيني حتلقيني بحداك
دانية ابتسمت وقالت: تصبح على خير
معاد: وانتِ من اهله
دانية بصوت واطي: لا من اهلك😂
معاد: قلتي حاجة؟
دانية: لالاا قتلك نتلاقوا ف الجامعة ان شاء الله😅
معاد: تم😂
دانية: كان سمعنى ره توا الكرامة↘️↘️↘️ ربي ستر😂
خشت دانية لدار بدلت حوايجها وجتها مكالمة من امها
الام: حبيبتي كيف حالك الحوش ماليشي طعمة من غيرك
الاب بحداها: قصدك انا وجودي وعدمه واحد 🙂
دانية:😂😂😂 ، والله استاحشتكم كلكم
الام: امتى تبدي محاضراتك؟
دانية: غدوة ان شاء الله
الام: تمام على خير
خوها: ماما في من تكلمي؟
الام: دانية
الاخ: دانية استاحشتك سيبتيني مافيش حد يلعب معاي
دانية: حبيبي والله انا اكتر معليشي ان شاء الله تمشي الايام بسرعه وتلقاني بحداك
الاخ: ان شاء الله
الاب: اعطيهالي شوية ، كيف حالك كويسة كان ناقصك شي كلميني طول نحولك فلوس وان كل شهر حنبعتلك مبلغ
دانية: ربي مايحرمني منك
الاب: ولا منك يارب
الام: اعطيهالي شوية نبيها ، دانية هي نخليك كان بترقدي حبيبتي وراك جامعة
دانية: تمام ماما تصبحي على الف خير
الام: وانتِ بخير ياقلبي
سكرت دانية ويادوب دقايق وخداها النوم🖤.
—————
تاني يوم:
ناضت دانية على صوت المنبه زي العاده ، غيرت لبسها وشربت قهوة وطلعت للمحاضرة ، بس اول ماطلعت من البوابة متع السكن لقت معاد قدامها وقاللها: ....
الباقي في الحلقة الجاية انتظرونا🖤.
ا
أنت تقرأ
عقلي ام قلبي🖤.
Romanceقصة قصيرة بـ عنوان: (عقلي ان قلبي) . تدور احداث هذه القصة عن فتاة تبلغ الثامنة عشر من عمرها، تعيش هذه الفتاة في منزل صغير مع عائلتها، كما انها ترعرعت في قرية صغيرة، عاشت هذه الفتاة فترة مراهقتها بهذوء، لا شيء يفرحها كـ فرحتها بالذهاب لشرب القهوة بر...
